„ა(ა)იპ − საზოგადოება „ბილიკისათვის“ სახელმწიფო საკუთრებაში არსებული უძრავი ქონების უსასყიდლო უზუფრუქტის ფორმით გადაცემაზე თანხმობის მიცემის შესახებ“ საქართველოს მთავრობის 2011 წლის 18 ნოემბრის №2267 განკარგულებაში ცვლილების შეტანის თაობაზე

 

 

საქართველოს მთავრობის

განკარგულება №24 47

2015 წლის 19 ნოემბერი

ქ. თბილისი

 „ა(ა)იპ − საზოგადოება „ბილიკისათვის“ სახელმწიფო საკუთრებაში არსებული უძრავი ქონების უსასყიდლო უზუფრუქტის ფორმით გადაცემაზე თანხმობის მიცემის შესახებ“ საქართველოს მთავრობის2011 წლის 18 ნოემბრის №2267 განკარგულებაში ცვლილების შეტანის თაობაზე

1.                 „სახელმწიფო ქონების შესახებ“ საქართველოს კანონის 49¹ მუხლის პირველი პუნქტისა და საქართველოს ზოგადი ადმინისტრაციული კოდექსის 63-ე მუხლის შესაბამისად, „ა(ა)იპ − საზოგადოება „ბილიკისათვის“ სახელმწიფო საკუთრებაში არსებული უძრავი ქონების უსასყიდლო უზუფრუქტის ფორმით გადაცემაზე თანხმობის მიცემის შესახებ“ საქართველოს მთავრობის 2011 წლის 18 ნოემბრის №2267 განკარგულებაში შეტანილ იქნეს შემდეგი ცვლილება:

ა) პირველი პუნქტის „გ“, „დ“ და „ე“ ქვეპუნქტები ამოღებულ იქნეს;

ბ) მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ა(ა)იპ − საზოგადოება „ბილიკმა“ უზრუნველყოს საქართველოში რეგისტრირებულ ბანკში სადეპოზიტო ანგარიშზე 5 000 (ხუთი ათასი) აშშ დოლარის შეტანა ხელშეკრულების მოქმედების ვადაში (სადეპოზიტო ანგარიშზე ძირითადი თანხის განკარგვის უფლება არა აქვს ბანკისათვის ქონების მესაკუთრის მიერ წერილობითი ნებართვის გაცემის გარეშე);“.

2. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა − სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი               ირაკლი ღარიბაშვილი