„სახელმწიფო საკუთრებაში არსებული უძრავი ქონების სს „ენერგო-პრო ჯორჯიასათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2016 წლის 31 მარტის №561 განკარგულებაში ცვლილების შეტანის თაობაზე

საქართველოს მთავრობის

განკარგულება №1620

2016 წლის 4 აგვისტო 

ქ. თბილისი

 „სახელმწიფო საკუთრებაში არსებული უძრავი ქონების სს „ენერგო-პრო ჯორჯიასათვის“პირდაპირიმიყიდვისფორმით პრივატიზებისშესახებ“ საქართველოს მთავრობის 2016 წლის 31 მარტის №561 განკარგულებაში ცვლილების შეტანის თაობაზე

1. საქართველოს ზოგადი ადმინისტრაციული კოდექსის 63-ე მუხლის შესაბამისად, „სახელმწიფო საკუთრებაში არსებული უძრავი ქონების სს „ენერგო-პრო ჯორჯიასათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2016 წლის 31 მარტის №561 განკარგულებაში შეტანილ იქნეს ცვლილება და:

ა) მე-2 პუნქტის „ბ“ ქვეპუნქტის შემდგომ დაემატოს შემდეგი შინაარსის „გ“ ქვეპუნქტი:

„გ) სს „ენერგო-პრო ჯორჯიამ“ უზრუნველყოს, „წიაღის შესახებ“ საქართველოს კანონის 39-ე მუხლის პირველი პუნქტისა და „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონის მე-5 მუხლის პირველი პუნქტის „ა“ ქვეპუნქტით განსაზღვრული ცხრილის „დ“ ქვეპუნქტის საფუძველზე, ამავე განკარგულების დანართის   მე-7 და მე-9 პუნქტებით გათვალისწინებულ ქონებაზე გამოუყენებელი სასარგებლო წიაღისეულის საკომპენსაციო თანხის გადახდა შესაბამის სახაზინო ანგარიშზე.“;

ბ) დანართი ჩამოყალიბდეს თანდართული რედაქციით.

2. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიებების განხორციელება.

 

პრემიერ-მინისტრი                                გიორგი კვირიკაშვილი