სახელმწიფო საკუთრებაში არსებული უძრავი ქონების ერთობლივი საქმიანობის - ბინათმშენებლობის ამხანაგობა „ოცნება-2015“-ისათვის პირდაპირი მიყიდვის ფორმით პრივატიზების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №102
2016 წლის 1 თებერვალი
ქ. თბილისი
სახელმწიფო საკუთრებაში არსებული უძრავი ქონების ერთობლივი საქმიანობის - ბინათმშენებლობის ამხანაგობა „ოცნება-2015“-ისათვის პირდაპირი მიყიდვის ფორმით პრივატიზების შესახებ
1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული ამ განკარგულების დანართით გათვალისწინებული უძრავი ქონება, პირდაპირი მიყიდვის ფორმით, 648 650 (ექვსას ორმოცდარვა ათას ექვსას ორმოცდაათი) ლარად (რომელიც მოიცავს სსიპ - აღსრულების ეროვნული ბიუროს ანგარიშზე ჩასარიცხ აღსრულების საფასურს), საკუთრებაში გადაეცეს ერთობლივი საქმიანობის - ბინათმშენებლობის ამხანაგობა „ოცნება-2015“-ს.
2. საპრივატიზებო პირობებად განისაზღვროს:
ა) საპრივატიზებო საფასურის - 648 650 (ექვსას ორმოცდარვა ათას ექვსას ორმოცდაათი) ლარის გადახდა შემდეგი გრაფიკის მიხედვით:
ა.ა) შესაბამისი ხელშეკრულების გაფორმებიდან 6 (ექვსი) თვის ვადაში არანაკლებ 324 325 (სამას ოცდაოთხი ათას სამას ოცდახუთი) ლარის გადახდა;
ა.ბ) შესაბამისი ხელშეკრულების გაფორმებიდან 12 (თორმეტი) თვის ვადაში დარჩენილი საპრივატიზებო საფასურის გადახდა;
ბ) ამ განკარგულების პირველი პუნქტით განსაზღვრულ უძრავ ქონებაზე შესაბამისი ხელშეკრულების გაფორმებიდან არაუმეტეს 3 (სამი) წლის ვადაში, პირადად ან/და მესამე პირ(ებ)ის მეშვეობით, მრავალბინიანი საცხოვრებელი სახლის/კომპლექსის მშენებლობა ან/და რეკონსტრუქცია და კანონით დადგენილი წესით ექსპლუატაციაში მიღება;
გ) ამ პუნქტის „ბ“ ქვეპუნქტით გათვალისწინებული საცხოვრებელი სახლის/კომპლექსის ექსპლუატაციაში მიღებიდან არაუმეტეს 1 (ერთი) წლის ვადაში, მასში არსებულ ინდივიდუალურ საცხოვრებელ ბინებზე, ამ პუნქტის „დ“ ქვეპუნქტის შესაბამისად გამოვლენილი შპს „ბათუმის ღვინის კომპანიის“ (ს/კ: 245572562) კრედიტორებისათვის საკუთრების უფლების გადაცემა (მათთან გაფორმებული ხელშეკრულებ(ებ)ის შესაბამისად);
დ) ამ პუნქტის „გ“ ქვეპუნქტით გათვალისწინებული კრედიტორების გამოვლენის მიზნით, ამ განკარგულების საფუძველზე, შესაბამისი ხელშეკრულების გაფორმებიდან 10 (ათი) კალენდარული დღის ვადაში, 3 (სამი) წლის მანძილზე, ყოველ 6 (ექვსი) თვეში ერთხელ, აჭარის ავტონომიური რესპუბლიკის საზღვრებში მოქმედ ოფიციალურ ბეჭდვით ორგანოში, ასევე ერთჯერადად ადგილობრივი მაუწყებლობის მეშვეობით, ამ პუნქტით გათვალისწინებული საპრივატიზებო პირობების თაობაზე ინფორმაციის მიწოდება და შპს „ბათუმის ღვინის კომპანიის“ მიმართ ამ განკარგულების დანართით გათვალისწინებულ უძრავ ქონებასთან დაკავშირებით არსებული მოთხოვნების თაობაზე, კრედიტორთა მიერ ინფორმაციის წერილობით წარდგენაზე შესაბამისი მოთხოვნის გამოქვეყნება.
3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.
პრემიერ-მინისტრი გ. კვირიკაშვილი
