წინასაარჩევნო კამპანიასთან (აგიტაციასთან) დაკავშირებით ზოგიერთი საკითხის მოწესრიგების შესახებ

✨ ჰკითხე AI-ს ამ კანონის შესახებ

მიღების თარიღი

17.08.2016

გამომცემი ორგანო

ახალგორის მუნიციპალიტეტი

ნომერი

№22

სარეგისტრაციო კოდი

010250020.35.150.016104

გამოქვეყნების წყარო

matsne.gov.ge , 18/08/2016

🧬 მსგავსი 10

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

📑 სარჩევი (8 მუხლი)

ახალგორის მუნიციპალიტეტის საკრებულოს

დადგენილება №22

2016 წლის 17 აგვისტო

სოფ. წეროვანი

წინასაარჩევნო კამპანიასთან (აგიტაციასთან) დაკავშირებით ზოგიერთი საკითხის მოწესრიგების შესახებ

საქართველოს ორგანული კანონის „საქართველოს სწაარჩევნო კოდექსი“ 46-ე მუხლის მე-4 პუნქტისა და საქართველოს ორგანული კანონის „ადგილობრივი თვითმმართველობის კოდექსი“ 61-ე მუხლის მე-2 პუნქტის შესაბამისად, ახალგორის მუნიციპალიტეტის საკრებულო ადგენს:

მუხლი 1

1. ახალგორის მუნიციპალიტეტის ადმინისტრაციულ საზღვრებში აკრძალულია საარჩევნო პლაკატების გაკვრა საკულტო ნაგებობებზე (სასაფლაოს ტერიტორია, ეკლესია, მეჩეთი, სინაგოგა და სხვა), კულტურული მემკვიდრეობის შენობა-ნაგებობებზე (დანართი №1), სახელმწიფო ხელისუფლებისა და მუნიციპალიტეტის ორგანოების, სასამართლოების, პროკურატურის, სამხედრო შენაერთების, პოლიციის, საქართველოს სახელმწიფო უსაფრთხოებისა და დაზვერვის სამსახურების და სახელმწიფო დაცვის სპეციალური სამსახურის დანაყოფების შენობების ინტერიერებსა და ექსტერიერებში.

მუხლი 2

1. მუნიციპალიტეტის კულტურულ-ეკონომიკური ინტერესების, ცალკეული არქიტექტურული ობიექტების იერსახისა და მათი მხატვრულ-ესთეტიკური ღირებულებების დაცვის მიზნით საარჩევნო პლაკატების გაკვრა აიკრძალოს ასევე დანართ №2-ში განსაზღვრულ ტერიტორიაზე არსებულ შენობა-ნაგებობებზე.

მუხლი 3

1. ახალგორის მუნიციპალიტეტის ადმინისტრაციულ საზღვრებში აკრძალულია საარჩევნო პლაკატების საგზაო ნიშნებზე განთავსება/გაკვრა.

მუხლი 4

1. სპეციალური სტენდების გარდა, პლაკატების გაკვრა დასაშვებია სამშენებლო ტერიტორიების შემომსაზღვრელ დროებით ღობეებზე, ა/სადგურთან მდებარე ბანერებზე, კომერციულ სავაჭრო ნაგებობებზე მეპატრონესთან შეთანხმებით.

მუხლი 5

1. ამ დადგენილების მე-4 პუნქტით გათვალისწინებულ სტენდებზე თითოეულ საარჩევნო სუბიექტს უფლება აქვს გააკრას 1 (ერთ) ცალი საარჩევნო პლაკატი, ზომით არაუმეტეს სიგრძე 60 სმ, სიგანე 42 სმ (A2 ფორმატი).

მუხლი 6

1. ამ დადგენილების პირველი მე-4 პუნქტების გათვალისწინებით, საარჩევნო პლაკატის გაკვრა დასაშვებია მუნიციპალიტეტის ადმინისტრაციულ საზღვრებში არსებულ ყველა ობიექტზე, საქართველოს ორგანული კანონის „საქართველოს საარჩევნო კოდექსი“ 46-ე მუხლის პირველი პუნქტის გათვალისწინებით.

მუხლი 7

1. ამ დადგენილების დარღვევის შემთხვევაში პირს დაეკისრება პასუხისმგებლობა საქართველოს კანონმდებლობით დადგენილი წესით.

მუხლი 8

1. დადგენილება ამოქმედდეს გამოქვეყნებისთანავე.

საკრებულოს თავმჯდომარე		თამაზ ბალაშვილი

დანართი №1

აკრძალულია საარჩევნო პლაკატების გაკვრა საკულტო ნაგებობებზე

1. მართლმადიდებლური ეკლესია - მე-19 რიგი

დანართი №2

აკრძალულია საარჩევნო პლაკატების გაკვრა

1. ა(ა)იპ - ახალგორის მუნიციპალიტეტის წეროვანის დევნილთა დასახლების სკოლამდელი სააღმზრდელო დაწესებულების შენობაზე;

2. ა(ა)იპ - ახალგორის მუნიციპალიტეტის კომპლექსური სასპორტო სკოლის შენობაზე;

3. ა(ა)იპ - ახალგორის მუნიციპალიტეტის სკოლისგარეშე სააღმზრდელო დაწესებულების წეროვანის დევნილთა დასახლების ახალგაზრდული სახლის შენობაზე;

4. ა(ა)იპ - ახალგორის მუნიციპალიტეტის კულტურის დაწესებულებების გაერთიანების შენობაზე;

5. ა(ა)იპ - ახალგორის მუნიციპალიტეტის სამუსიკო სკოლის შენობაზე;

6. ა(ა)იპ - ახალგორის მუნიციპალიტეტის სერვისცენტრის შენობაზე - კოტეჯი №764;

7. ა(ა)იპ - ახალგორის მუნიციპალიტეტის საზოგადოებრივი ჯანდაცვის ცენტრის შენობაზე - კოტეჯი №1479.

ხშირად დასმული კითხვები

მოქმედებს თუ არა „წინასაარჩევნო კამპანიასთან (აგიტაციასთან) დაკავშირებით ზოგიერთი საკითხის მოწესრიგების შესახებ“?: დიახ, მუნიციპალიტეტის საკრებულოს დადგენილება „წინასაარჩევნო კამპანიასთან (აგიტაციასთან) დაკავშირებით ზოგიერთი საკითხის მოწესრიგების შესახებ“ ამჟამად ძალაშია. ბოლო კონსოლიდირებული რედაქცია — 17.08.2016.
როდის იქნა მიღებული „წინასაარჩევნო კამპანიასთან (აგიტაციასთან) დაკავშირებით ზოგიერთი საკითხის მოწესრიგების შესახებ“?: „წინასაარჩევნო კამპანიასთან (აგიტაციასთან) დაკავშირებით ზოგიერთი საკითხის მოწესრიგების შესახებ“ მიღებულია 17.08.2016. მიმღები ორგანო — ახალგორის მუნიციპალიტეტი. დოკუმენტის ნომერი — №22. სარეგისტრაციო კოდი — 010250020.35.150.016104.
რამდენი მუხლისგან შედგება „წინასაარჩევნო კამპანიასთან (აგიტაციასთან) დაკავშირებით ზოგიერთი საკითხის მოწესრიგების შესახებ“?: დოკუმენტი შედგება 8 მუხლისგან. თითოეული მუხლი ხელმისაწვდომია ცალკე ბმულით.
სად არის „წინასაარჩევნო კამპანიასთან (აგიტაციასთან) დაკავშირებით ზოგიერთი საკითხის მოწესრიგების შესახებ“-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 17.08.2016 მდგომარეობით.

როგორ დავიმოწმოთ

მუნიციპალიტეტის საკრებულოს დადგენილება „წინასაარჩევნო კამპანიასთან (აგიტაციასთან) დაკავშირებით ზოგიერთი საკითხის მოწესრიგების შესახებ“, №22, 17.08.2016, სარეგისტრაციო კოდი 010250020.35.150.016104 (კონსოლიდირებული რედაქცია 17.08.2016). ხელმისაწვდომია: https://legali.ge/law/3377123/