„სახელმწიფო საკუთრებაში არსებული უძრავი ქონების შპს „All Seasons“-ისათვის პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 10 ივლისის №10/07/05 განკარგულებისაგან განსხვავებული პირობების დადგენისა და შპს „All Seasons“-ის საქმიანობის ხელშესაწყობად რიგ ღონისძიებათა განხორციელების შესახებ“ საქართველოს მთავრობის 2015 წლის 26 მარტის N648 განკარგულებაში ცვლილების შეტანის თაობაზე

საქართველოს მთავრობის

განკარგულება №1760

2016 წლის 26 აგვისტო

ქ. თბილისი

„სახელმწიფო საკუთრებაში არსებული უძრავი ქონების შპს „All Seasons“-ისათვის პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 10 ივლისის №10/07/05 განკარგულების აგან განსხვავებული პირობების დადგენისა და შპს „All Seasons“-ის საქმიანობის ხელშესაწყობად რიგ ღონისძიებათა განხორციელების შესახებ“ საქართველოს მთავრობის 2015 წლის 26 მარტის №648 განკარგულებაში ცვლილების შეტანის თაობაზე

 1. საქართველოს ზოგადი ადმინისტრაციული კოდექსის 63-ე მუხლისა და „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, „სახელმწიფო საკუთრებაში არსებული უძრავი ქონების შპს „All Seasons“-ისათვის პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 10 ივლისის №10/07/05 განკარგულებისაგან განსხვავებული პირობების დადგენისა და შპს „All Seasons“-ის საქმიანობის ხელშესაწყობად რიგ ღონისძიებათა განხორციელების შესახებ“ საქართველოს მთავრობის 2015 წლის 26 მარტის №648 განკარგულებაში შეტანილ იქნეს ცვლილება და პირველი პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

 „ა) „სახელმწიფო საკუთრებაში არსებული უძრავი ქონების შპს „All Seasons“-ისათვის პირდაპირი მიყიდვის ფორმით პრივატიზების შესახებ“საქართველოს პრეზიდენტის 2012 წლის 10 ივლისის №10/07/05 განკარგულების პირველი პუნქტით გადაცემულ ქონებაზე სასტუმროს მშენებლობა და ექსპლუატაციაში მიღება არაუგვიანეს 2017 წლის 21 ივნისისა;

 ბ) ამ პუნქტის „ა“ ქვეპუნქტით განსაზღვრული სასტუმროს მშენებლობისა და ექსპლუატაციაში მიღების მიზნით, საქართველოს ეკონომიკისა და მდგრადი განვითარების სამინისტროსა და შპს „All Seasons“-ს (ს/კ: 404903510) შორის 2012 წლის 23 აგვისტოს ნასყიდობის ხელშეკრულების გაფორმებიდან არანაკლებ 2 700 000 (ორი მილიონ შვიდასი ათასი) ლარის ოდენობის ინვესტიციის განხორციელება, რომლის ვადაც განისაზღვრება ამ განკარგულების საფუძველზე გაფორმებული შესაბამისი ხელშეკრულებით. აქედან, არანაკლებ 1 000 000 (ერთი მილიონი) ლარის ინვესტიციის განხორციელება განისაზღვროს 2015 წლის 21 აპრილიდან, 2017 წლის 22 ივნისამდე.“.

 2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, შპს „All Seasons“(ს/კ: 404903510) გათავისუფლდეს საქართველოს ეკონომიკისა და მდგრადი განვითარების სამინისტროსა (უფლებამონაცვლე - საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ - სახელმწიფო ქონების ეროვნული სააგენტო) და შპს „All Seasons“-ს შორის 2012 წლის 23 აგვისტოს გაფორმებული ნასყიდობის ხელშეკრულების პირობების დარღვევისათვის, ამ განკარგულების პირველი პუნქტის საფუძველზე, შესაბამისი ცვლილების ხელშეკრულების გაფორმებამდე დაკისრებული ან/და დასაკისრებელი პირგასამტეხლოსაგან (გარდა 132 500 (ას ოცდათორმეტი ათას ხუთასი) ლარისა), იმ პირობით, რომ შეასრულებს „სახელმწიფო საკუთრებაში არსებული უძრავი ქონების შპს „All Seasons“-ისათვის პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 10 ივლისის №10/07/05 განკარგულებისაგან განსხვავებული პირობების დადგენისა და შპს „All Seasons“-ის საქმიანობის ხელშესაწყობად რიგ ღონისძიებათა განხორციელების შესახებ“ საქართველოს მთავრობის 2015 წლის 26 მარტის №648 განკარგულების პირველი პუნქტით გათვალისწინებულ საპრივატიზებო პირობებს.

 3. ამ განკარგულების პირველი პუნქტის საფუძველზე შესაბამისი ცვლილების ხელშეკრულების გაფორმებამდე, „სახელმწიფო საკუთრებაში არსებული უძრავი ქონების შპს „All Seasons“-ისათვის პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 10 ივლისის №10/07/05 განკარგულებისაგან განსხვავებული პირობების დადგენისა და შპს „All Seasons“-ის საქმიანობის ხელშესაწყობად რიგ ღონისძიებათა განხორციელების შესახებ“ საქართველოს მთავრობის 2015 წლის 26 მარტის №648 განკარგულების პირველი პუნქტით გათვალისწინებული ვალდებულებების შესრულების (მათ შორის, ვალდებულებების შეუსრულებლობის/არაჯეროვნად შესრულებისათვის დაკისრებული/ დასაკისრებელი პირგასამტეხლოს გადახდის) უზრუნველსაყოფად შპს „All Seasons“-მა (ს/კ: 404903510) წარადგინოს 135 000 (ას ოცდათხუთმეტი ათასი) ლარის ოდენობის ახალი/შეცვლილი უპირობო და გამოუხმობი საბანკო გარანტია, რომლის მოქმედების ვადაც უნდა აღემატებოდეს „სახელმწიფო საკუთრებაში არსებული უძრავი ქონების შპს „All Seasons“-ისათვის პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 10 ივლისის №10/07/05 განკარგულებისაგან განსხვავებული პირობების დადგენისა და შპს „All Seasons“-ის საქმიანობის ხელშესაწყობად რიგ ღონისძიებათა განხორციელების შესახებ“ საქართველოს მთავრობის 2015 წლის 26 მარტის №648 განკარგულების პირველი პუნქტის „ბ“ ქვეპუნქტით გათვალისწინებული საპრივატიზებო პირობის შესრულების ვადას 4 (ოთხი) თვით.

 4. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

  პრემიერ-მინისტრი გიორგი კვირიკაშვილი