„არასამეწარმეო (არაკომერციული) იურიდიული პირის - საქართველოს რაგბის კავშირისათვის სახელმწიფო საკუთრებაში არსებული ქონების უსასყიდლო აღნაგობის ფორმით გადაცემის თაობაზე თანხმობის მიცემის შესახებ“ საქართველოს მთავრობის 2010 წლის 1 სექტემბრის №1151 განკარგულებაში ცვლილების შეტანისა და ა(ა)იპ - საქართველოს რაგბის კავშირის საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №2231

2016 წლის 19 ოქტომბერი

ქ. თბილისი

„არასამეწარმეო (არაკომერციული) იურიდიული პირის - საქართველოს რაგბის კავშირისათვის სახელმწიფო საკუთრებაში არსებული ქონების უსასყიდლო აღნაგობის ფორმით გადაცემის თაობაზე თანხმობის მიცემის შესახებ“ საქართველოს მთავრობის 2010 წლის 1 სექტემბრის №1151 განკარგულებაში ცვლილების შეტანისა და ა(ა)იპ - საქართველოს რაგბის კავშირის საქმიანობის ხელშესაწყობად რიგ ღონისძიებათა განხორციელების თაობაზე

1. საქართველოს ზოგადი ადმინისტრაციული კოდექსის 63-ე მუხლისა და „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, „არასამეწარმეო (არაკომერციული) იურიდიული პირის – საქართველოს რაგბის კავშირისათვის სახელმწიფო საკუთრებაში არსებული ქონების უსასყიდლო აღნაგობის ფორმით გადაცემის თაობაზე თანხმობის მიცემის შესახებ“ საქართველოს მთავრობის 2010 წლის 1 სექტემბრის №1151 განკარგულებაში შეტანილ იქნეს ცვლილება და მე-2 პუნქტი ჩამოყალიბდეს შემდეგი რედაქციით:

„2. ამ განკარგულების პირველი პუნქტით გათვალისწინებული უძრავი ქონების უსასყიდლო აღნაგობის უფლებით გადაცემის პირობად განისაზღვროს 2018 წლის 31 მაისის ჩათვლით , გადაცემულ მიწის ნაკვეთებსა და მის მიმდებარედ არსებულ №03.05.22.102 (მიწის (უძრავი ქონების)) საკადასტრო კოდით რეგისტრირებულ მიწის ნაკვეთზე 2 (ორი) სათამაშო და 2 (ორი) სავარჯიშო მოედნის მოწყობა შესაბამისი ინფრასტრუქტურით (ტრიბუნა (ექვსი ათასი მაყურებლისათვის), გასახდელები, საშხაპეები, სასტუმრო, საერთო საცხოვრებელი სარაგბო აკადემიის მსმენელთათვის) შენობა-ნაგებობების აშენება და აღნაგობის ვადის დასრულების შემდგომ სახელმწიფოსათვის უსასყიდლოდ გადაცემა.“.

2 „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, ა(ა)იპ - საქართველოს რაგბის კავშირი (ს/კ: №204874911) გათავისუფლდეს საქართველოს ეკონომიკისა და მდგრადი განვითარების სამინისტროსა (უფლებამონაცვლე – საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტო) და ა(ა)იპ - საქართველოს რაგბის კავშირს შორის 2010 წლის 13 სექტემბერს გაფორმებული აღნაგობის უფლების დადგენის შესახებ ხელშეკრულების თანახმად, ამ განკარგულების პირველი პუნქტის საფუძველზე შესაბამისი ცვლილების ხელშეკრულების გაფორმებამდე დაკისრებული/ დასაკისრებელი პირგასამტეხლოსგან იმ პირობით, რომ ა(ა)იპ – საქართველოს რაგბის კავშირი უზრუნველყოფს „არასამეწარმეო (არაკომერციული) იურიდიული პირის – საქართველოს რაგბის კავშირისათვის სახელმწიფო საკუთრებაში არსებული ქონების უსასყიდლო აღნაგობის ფორმით გადაცემის თაობაზე თანხმობის მიცემის შესახებ“ საქართველოს მთავრობის 2010 წლის 1 სექტემბრის №1151 განკარგულების მე-2 პუნქტით (ამ განკარგულებით განხორციელებული ცვლილების გათვალისწინებით) გათვალისწინებული პირობის შესრულებას.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი გიორგი კვირიკაშვილი