„სახელმწიფო საკუთრებაში არსებული უძრავი ნივთის შპს „კატევე ხობისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2015 წლის 29 იანვრის №82 განკარგულებაში ცვლილების შეტანის თაობაზე

საქართველოს მთავრობის

განკარგულება №849

2016 წლის 18 მაისი

ქ. თბილისი

 „სახელმწიფო საკუთრებაში არსებული უძრავი ნივთის შპს „კატევე ხობისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2015 წლის 29 იანვრის №82 განკარგულებაში ცვლილების შეტანის თაობაზე

1. საქართველოს ზოგადი ადმინისტრაციული კოდექსის 63-ე მუხლისა და „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, „სახელმწიფო საკუთრებაში არსებული უძრავი ნივთის შპს „კატევე ხობისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2015 წლის 29 იანვრის №82 განკარგულებაში შეტანილ იქნეს ცვლილება და მე-2 პუნქტის „ბ-დ“ ქვეპუნქტები ჩამოყალიბდეს შემდეგი რედაქციით:

 „ბ) ამ განკარგულების პირველი პუნქტით გადაცემული უძრავი ნივთის ტერიტორიის არანაკლებ 90%-ზე თხილის პლანტაციის გაშენება, შესაბამისი ცვლილების ხელშეკრულების გაფორმებიდან არა უმეტეს 3 (სამი) წლის განმავლობაში შემდეგი გრაფიკის მიხედვით:

ბ.ა) ამ განკარგულების პირველი პუნქტით გადაცემული უძრავი ნივთის ტერიტორიის არანაკლებ 30% შესაბამისი ცვლილების ხელშეკრულების გაფორმებიდან პირველი წლის ბოლომდე;

ბ.ბ) ამ განკარგულების პირველი პუნქტით გადაცემული უძრავი ნივთის ტერიტორიის არანაკლებ 60% შესაბამისი ცვლილების ხელშეკრულების გაფორმებიდან მეორე წლის ბოლომდე;

ბ.გ) ამ განკარგულების პირველი პუნქტით გადაცემული უძრავი ნივთის ტერიტორიის დარჩენილი ნაწილი (ჯამში არანაკლებ 90%) შესაბამისი ცვლილების ხელშეკრულების გაფორმებიდან მე-3 წლის ბოლომდე;

 გ) ამ განკარგულების პირველი პუნქტით გადაცემული უძრავი ნივთის ტერიტორიის არანაკლებ 10%-ის კეთილმოწყობა, რაც მოიცავს (მაგრამ არ შემოიფარგლება) შემოღობვას, ქარსაფარი ზოლ(ებ)ის მოწყობას შესაბამისი ცვლილების ხელშეკრულების გაფორმებიდან არაუმეტეს 3 (სამი) წლის განმავლობაში;

დ) ამ პუნქტის „ბ“ და „გ“ ქვეპუნქტებით განსაზღვრული საპრივატიზებო პირობების შესრულების მიზნით, არანაკლებ 1 100 000 (ერთი მილიონ ასი ათასი) ლარის ინვესტიციის განხორციელება ამავე ქვეპუნქტებით გათვალისწინებულ ვადაში;“.

2. „სახელმწიფო საკუთრებაში არსებული უძრავი ნივთის შპს „კატევე ხობისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2015 წლის 29 იანვრის №82 განკარგულების მე-2 პუნქტის „ბ“-„დ“ ქვეპუნქტებით გათვალისწინებული საპრივატიზებო პირობების შესრულების (მათ შორის, საპრივატიზებო პირობ(ებ)ის შეუსრულებლობისათვის დაკისრებული პირგასამტეხლოს გადახდის) უზრუნველსაყოფად, ამ განკარგულების საფუძველზე, შესაბამისი ცვლილების ხელშეკრულების გაფორმებამდე, შპს „კატევე ხობმა“ (ს/კ: №405062612) წარადგინოს „სახელმწიფო საკუთრებაში არსებული უძრავი ნივთის შპს „კატევე ხობისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2015 წლის 29 იანვრის №82 განკარგულების მე-2 პუნქტის „დ“ ქვეპუნქტით გათვალისწინებული ინვესტიციის თანხის არანაკლებ 10%-ის ოდენობის საბანკო გარანტია, რომლის ვადაც ამავე განკარგულების მე-2 პუნქტის „დ“ ქვეპუნქტით გათვალისწინებული ვალდებულების შესრულების ვადას უნდა აღემატებოდეს არანაკლებ 4 (ოთხი) თვით ან უზრუნველყოს „სახელმწიფო საკუთრებაში არსებული უძრავი ნივთის შპს „კატევე ხობისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2015 წლის 29 იანვრის №82 განკარგულების მე-3 პუნქტით გათვალისწინებული საბანკო გარანტიის ვადის გაგრძელება იმგვარად, რომ საბანკო გარანტიის მოქმედების ვადა არანაკლებ 4 (ოთხი) თვით აღემატებოდეს ამავე განკარგულების მე-2 პუნქტის „დ“ ქვეპუნქტით გათვალისწინებული ვალდებულების შესრულების ვადას.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                   გიორგი კვირიკაშვილი