„ახალქალაქის მუნიციპალიტეტის გამგეობის დებულების დამტკიცების შესახებ“ ახალქალაქის მუნიციპალიტეტის საკრებულოს 2015 წლის 26 თებერვლის N3 დადგენილებაში ცვლილების შეტანის შესახებ

ა) მე-6 მუხლის მე-3 პუნქტის „ა.ვ“ ქვეპუნქტი ჩამოყალიბდეს შემდეგი რედაქციით:

„ა.ვ) ამ დებულებით და კანონით დადგენილი წესით ახდენს გამგეობის თანამდებობის პირებისთვის უფლებამოსილებების დელეგირებას, გარდა ამ პუნქტის „ა.ა“−„ა.გ“, „ბ.ა“−„ბ.გ“, „დ.კ“, „ე.ვ“ და „ე.ზ“ ქვეპუნქტებით გათვალისწინებული უფლებამოსილებებისა, აგრეთვე იმ უფლებამოსილებებისა, რომლებიც ამ კანონის შესაბამისად საკრებულოს მიერ დამტკიცებას ან თანხმობის მიცემას საჭიროებს; ახდენს გამგეობის თანამდებობის პირებისთვის  ან სხვა მოხელეებისთვის  უფლებამოსილების   დელეგირებას კანონით/უფლებამოსილების დელეგირების შესახებ ხელშეკრულებით გათვალისწინებულ შემთხვევაში.“;

ბ) მე-6 მუხლის მე-3 პუნქტს დაემატიოს „ე.ვ¹“ ქვეპუნქტი და ჩამოყალიბდეს შემდეგი რედაქციით:

„ე.ვ¹) საქართველოს  კანონმდებლობით  გათვალისწინებულ   შემთხვევაში  ან/და  დელეგირებული  უფლებამოსილების  განხორციელების  (მათ  შორის, შესაბამისი  გადაწყვეტილების მიღების)  მიზნით  ქმნის  კომისიებს, რომელთა  უფლებამოსილება  და  საქმიანობის  წესი  განისაზღვრება  კანონით/უფლებამოსილების  დელეგირების  შესახებ  ხელშეკრულებით   ან/და  კანონის  საფუძველზე  გამოცემული  კანონქვემდებარე   ნორმატიული  აქტით;“;

გ) 36-ე მუხლს  დაემატოს  1¹  და  1²  პუნქტები  და ჩამოყალიბდეს  შემდეგი რედაქციით:

„1¹. გამგეობის  მოხელე, ამ  დებულების  მე-6 მუხლის მესამე ნაწილის „ა“ და „ა.ვ“ ქვეპუნქტით გათვალისწინებულ შემთხვევაში უფლებამოსილია გამოსცეს  ინდივიდუალური   ადმინისტრაციულ-სამართლებრივი აქტი –  ბრძანება.

1². დებულების მე-6 მუხლის  მესამე  ნაწილის „ე.ვ“  ქვეპუნქტით გათვალისწინებული კომისიები კანონით ან უფლებამოსილების დელეგირების შესახებ ხელშეკრულებით გათვალისწინებული  საქმიანობის  განხორციელების შემთხვევაში უფლებამოსილი არიან, გამოსცენ ინდივიდუალური ადმინისტრაციულ-სამართლებრივი აქტი – განკარგულება.“.