მუხლი 8. 1.სამსახურის უფროსს   ჰყავს   მოადგილე,   რომელსაც  კანონმდებლობით დადგენილი წესით  თანამდებობაზე   ნიშნავს   და   თანამდებობიდან ათავისუფლებს მინისტრი

2. სამსახურის უფროსის მოადგილე ანგარიშვალდებულია მინისტრისა და სამსახურის უფროსის წინაშე.

3. სამსახურის უფროსის მოადგილე თავისი კომპეტენციის ფარგლებში:

ა) ხელს უწყობს სამსახურის უფროსს, მასზე დაკისრებულ უფლება-მოვალეობათა განხორციელების დაგეგმვა-კოორდინაციასა და ორგანიზებაში;

ბ) კომპეტენციის ფარგლებში ანაწილებს ფუნქციებს სამსახურის მოსამსახურეებს შორის, აძლევს მათ მითითებებსა და დავალებებს;

გ) ზედამხედველობს სამსახურის მოსამსახურეთა მიერ სამსახურებრივი მოვალეობების შესრულებას,  ახორციელებს  მათ  მიერ  სამინისტროს  შინაგანაწესის შესრულების კონტროლს;

დ) იღებს გადაწყვეტილებებს მასზე დაწერილ დოკუმენტაციაზე ან/და ანაწილებს მათ სამსახურის მოსამსახურეთა შორის;

ე) პასუხისმგებელია მის მიერ მიღებული და  მომზადებული გადაწყვეტილებების კანონიერებაზე;

ვ) კომპეტენციის ფარგლებში ვიზირებას უკეთებს სამსახურში მომზადებულ დოკუმენტებს;

ზ) უზრუნველყოფს კულტურულ-შემოქმედებითი ღონისძიებების დაგეგმვას და ორგანიზებას;

თ) კოორდინირებას უწევს გეგმით გათვალისწინებულ პროექტებზე მუშაობას;

ი) ხელს უწყობს პროფესიული ხელოვნების დარგების განვითარებას, პროფესიონალ შემოქმედთა, ინდივიდუალურ შემსრულებელთა და  შემოქმედებითი კოლექტივების მუშაობას და მათი მიღწევების პოპულარიზაციას;

კ) ხელს უწყობს ლიტერატურულ და საგამომცემლო საქმიანობას;

ლ) უზრუნველყოფს მინისტრისა და სამსახურის უფროსის მითითებებისა და დავალებების შესრულება