შპს „სახელმწიფო კვებითი უზრუნველყოფის“ მიერ სახელმწიფო შესყიდვების გამარტივებული შესყიდვის საშუალებით და გამარტივებული ელექტრონული ტენდერის მეშვეობით განხორციელების შესახებ

საქართველოს მთავრობის

განკარგულება №2708  

2016  წლის  29  დეკემბერი  

ქ. თბილისი

შპს „სახელმწიფო კვებითი უზრუნველყოფის“ მიერ სახელმწიფო შესყიდვების გამარტივებული შესყიდვის საშუალებით და გამარტივებული ელექტრონული ტენდერის მეშვეობით განხორციელების შესახებ

1. „სახელმწიფო შესყიდვების შესახებ“ საქართველოს კანონის 10¹  მუხლის მე-3 პუნქტის „დ“ ქვეპუნქტისა და ამავე მუხლის 3¹  პუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად განხორციელების მიზნით, 2017 წლის განმავლობაში, შპს „სახელმწიფო კვებითმა უზრუნველყოფამ“ (ს/კ: №404482537) გამარტივებული შესყიდვის საშუალებით და გამარტივებული ელექტრონული ტენდერის მეშვეობით განახორციელოს:

ა) საქართველოს პარტნიორ ქვეყნებსა და სხვადასხვა საერთაშორისო სამხედრო ორგანიზაციასთან (მ.შ. NATO) არსებული თანამშრომლობის ფარგლებში, სამხედრო მოსამსახურეთა და თანმხლებ პირთა კვებითი უზრუნველყოფისათვის საჭირო სახელმწიფო შესყიდვები, ზღვრული წლიური ღირებულებით − 1 500 000 (ერთი მილიონ ხუთასი ათასი) ლარად;

ბ) საქართველოს თავდაცვის სამინისტროს ტერიტორიაზე არსებული კომერციული სასადილოსა და სამხედრო ნაწილებში მდებარე მაღაზიების სხვადასხვა საქონლით (საკვები პროდუქტები, ჰიგიენური საშუალებები, სასმელი, თამბაქო და მონათესავე პროდუქტები და სხვა) მომარაგების უზრუნველყოფისათვის საჭირო სახელმწიფო შესყიდვები, საქართველოს თავდაცვის სამინისტროს მიერ კომერციული სასადილოსა და სამხედრო ნაწილებში მდებარე მაღაზიების მოსაწყობად განკუთვნილი ფართის იჯარით გაცემამდე, ზღვრული წლიური ღირებულებით − 1 000 000 (ერთი მილიონი) ლარად;

გ) სამხედრო ნაწილების სამზარეულოებისა და დანადგარების ფუნქციონირებისათვის საჭირო ელექტრო, სანტექნიკური, სამეურნეო დანიშნულების მატერიალური საშუალებების, სათადარიგო ნაწილების, დანადგარების შეკეთების მომსახურებებისა და მსგავსი საქონლისა და მომსახურების სახელმწიფო შესყიდვები, ზღვრული წლიური ღირებულებით − 500 000 (ხუთასი ათასი) ლარად.  

2. იმ შემთხვევაში, თუ შპს „სახელმწიფო კვებითი უზრუნველყოფის“ მიერ გამოცხადებულ ელექტრონულ ტენდერს მიენიჭება „გამარტივებული  ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“ სსიპ − სახელმწიფო შესყიდვების სააგენტოს თავმჯდომარის 2011 წლის 7 აპრილის №9 ბრძანებით დამტკიცებული წესის მე-2 მუხლის პირველი პუნქტის „ჟ³ -ტ“ ქვეპუნქტებით გათვალისწინებული შემდეგი სტატუსები: „ტენდერი არ შედგა“, „დასრულდა უარყოფითი შედეგით“, „შეწყდა ან განხორციელდა ელექტრონული ტენდერის შედეგად გაფორმებული ხელშეკრულების ვადაზე ადრე შეწყვეტა“, შპს „სახელმწიფო კვებით უზრუნველყოფას“, სამხედრო მოსამსახურეთა უწყვეტი კვებითი მომარაგების მიზნით, „სახელმწიფო შესყიდვების შესახებ“ საქართველოს კანონის 10¹ მუხლის 3¹  პუნქტის შესაბამისად, მიენიჭოს უფლებამოსილება, 2017 წლის განმავლობაში, „შესყიდვის ობიექტების იდენტიფიცირებისა და ერთგვაროვნების დადგენის წესის დამტკიცების შესახებ“ სსიპ − სახელმწიფო შესყიდვების სააგენტოს თავმჯდომარის 2010 წლის 20 სექტემბრის №7 ბრძანებით დამტკიცებული წესის მე-4 მუხლის მე-3 პუნქტის „ბ“ ქვეპუნქტით გათვალისწინებული შესაბამისი კლასიფიკატორის ჯგუფზე (CPV კოდი), ერთჯერადად, სახელმწიფო შესყიდვა განახორციელოს გამარტივებული ელექტრონული ტენდერის მეშვეობით, ნაცვლად შესყიდვების გეგმით გათვალისწინებული ელექტრონული ტენდერისა.

3. განკარგულება ძალაშია 2017 წლის 1 იანვრიდან.

 

პრემიერ-მინისტრი  გიორგი კვირიკაშვილი