შეზღუდული შესაძლებლობების მქონე პირთა საკითხებზე მომუშავე საბჭოს შექმნის და დებულების დამტკიცების შესახებ ხელვაჩაურის მუნიციპალიტეტის საკრებულოს 2016 წლის 22 დეკემბრის №18 დადგენილებებაში ცვლილების შეტანის თაობაზე

ა)  დადგენილების პრეამბულა ჩამოყალიბდეს შემდეგი რედაქციით:

„საქართველოს ორგანული კანონის „ადგილობრივი თვითმმართველობის კოდექსი“  24-ე მუხლის პირველი ნაწილის ,,ბ.თ“ ქვეპუნქტის 61-ე მუხლის მე-2 პუნქტისა და  ,,შეზღუდული შესაძლებლობის მქონე პირთა სოციალური დაცვის შესახებ“ საქართველოს კანონის თანახმად  ხელვაჩაურის მუნიციპალიტეტის საკრებულო ადგენს“.

ბ)  დადგენილებით დამტკიცებული დებულების მე-3 მუხლის მე-4 პუნქტი ჩამოყალიბდეს შემდეგი რედაქციით:

„4. საბჭოს  თავმჯდომარეს ჰყავს პირველი მოადგილე, რომელიც, როგორც წესი, გამგებლის მოადგილეა და  მუნიციპალიტეტში კურირებს სოციალურ საკითხებს.“.

გ) დადგენილებით დამტკიცებული დებულების მე-3 მუხლის მე-5 პუნქტის „გ“ ქვეპუნქტის შემდგომ დაემატოს შემდეგი შინაარსის „დ“ ქვეპუნქტი:

„დ. შეზღუდული შესაძლებლობის მქონე პირთა ორგანიზაციების 6 (ექვსი) წარმომადგენელი, რომელსაც ამტკიცებს ხელვაჩაურის მუნიციპალიტეტის გამგებელი.“

დ) ამოღებულ იქნეს დადგენილებით დამტკიცებული დებულების მე-3 მუხლის მე-5 პუნქტის „ი“ ქვეპუნქტი.

ე) ამოღებულ იქნეს დადგენილებით დამტკიცებული დებულების მე-9 მუხლის პირველი პუნქტის „დ“ ქვეპუნქტი.

ვ) დადგენილებით დამტკიცებული დებულების მე-9 მუხლის მე-4 პუნქტი ჩამოყალიბდეს შემდეგი რედაქციით:

„4. საბჭოს წევრის უფლებამოსილების შეწყვეტის საფუძვლებია, თუ:

ა) იგი ზედიზედ სამჯერ გააცდენს სხდომას არასაპატიო მიზეზით;

ბ) საბჭოს წევრი - გამგეობის თანამდებობის პირების „საჯარო სამსახურის შესახებ“ საქართველოს კანონის შესაბამისად  სამსახურიდან გათავისუფლების შემთხვევები;

 გ) სასამართლომ აღიარა უგზო-უკვლოდ დაკარგულად, გამოაცხადა გარდაცვლილად ან ცნო მხარდაჭერის მიმღებად, თუ სასამართლოს გადაწყვეტილებით სხვა რამ არ არის განსაზღვრული;

დ) მის მიერ კანონიერ ძალაში შევიდა საბოლოო ინსტანციის სასამართლოს გამამტყუნებელი განაჩენი ან გავიდა კანონიერ ძალაში შესული სასამართლოს გამამტყუნებელი განაჩენის ზემდგომი ინსტანციის სასამართლოში გასაჩივრების ვადა;

ე) გარდაიცვალა.“.