სსიპ − საქართველოს ინოვაციების და ტექნოლოგიების სააგენტოსათვის მის სარგებლობაში არსებული ფართის დროებით სარგებლობაში გადაცემის თაობაზე თანხმობის მიცემის შესახებ

საქართველოს მთავრობის

განკარგულება №261

2017 წლის 15 თებერვალი

ქ. თბილისი

სსიპ − საქართველოს ინოვაციების და ტექნოლოგიების სააგენტოსათვის მის სარგებლობაში არსებული ფართის დროებით სარგებლობაში გადაცემის თაობაზე  თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ − საქართველოს ინოვაციების და ტექნოლოგიების სააგენტოს მიეცეს თანხმობა, რომ მის სარგებლობაში (ბალანსზე) არსებული შენობის (მის: ქ. თბილისი, ოქროყანა (მიწის (უძრავი ქონების) საკადასტრო კოდი: №01.15.07.002.038) ფართიდან სასყიდლიანი უზუფრუქტის უფლებით, აუქციონის გარეშე, 2017 წლის 31 დეკემბრამდე, ყოველთვიურად 169,40 ლარის გადახდის პირობით, გადასცეს ამავე შენობის მეორე სართულზე მდებარე  15.4 კვ. მ ფართი სს „თიბისი ბანკს“ ( ს/კ: 204854595).

2. ამ განკარგულების პირველი პუნქტით გათვალისწინებული ქონების სასყიდლიანი უზუფრუქტის უფლებით გადაცემის პირობად განისაზღვროს აღნიშნულ ფართში ინოვაციური პროდუქტების კვლევისა და განვითარების უზრუნველყოფის მიზნით „ინოვაციური პროექტების ლაბორატორიის“ მოწყობა სს „თიბისი ბანკის“ ( ს/კ: 204854595) მიერ .

3. სსიპ − საქართველოს ინოვაციების და ტექნოლოგიების სააგენტომ, ამ განკარგულების შესრულების მიზნით, უზრუნველყოს შესაბამისი ღონისძიებების განხორციელება.

 

პრემიერ-მინისტრი                                                                                 გიორგი კვირიკაშვილი