„გორის მუნიციპალიტეტის ტერიტორიაზე ადგილობრივი მოსაკრებლის შემოღებისა, გადახდის ინსტრუქციის,გადახდის ქვითრის ტიპიური ფორმის და დასახლებული ტერიტორიის დასუფთავებისათვის ხელშეკრულების ფორმის დამტკიცების შესახებ“ გორის მუნიციპალიტეტის საკრებულოს 2015 წლის 13 თებერვლის №4 დადგენილებაში ცვლილებების შეტანის თაობაზე

ჩვენ, ერთი მხრივ, გორის მუნიციპალიტეტი, წარმოდგენილი გორის მუნიციპალიტეტის გამგეობის ზედამხედველობის სამსახურის უფროსის ზვიად ანესაშვილის (2016 წლის 30 ივნისის ბრძანება №1-540) სახით, შემდგომში „გორის მუნიციპალიტეტი“, ხოლო მეორე მხრივ
----------------------------------------------------------------------------------------------------------------------------

----------------------------------------------------------------------------------------------------------------------------

(გვარი,სახელი, პირადი ნომერი, უძრავი ქონების საკადასტრო კოდი. საიდენტ. კოდის №/მისი მესაკუთრე/მოსარგებლე, დირექტორი, ხელმძღვანელი, რწმუნებული პირი, შემდგომში „ობიექტად“ წოდებული, ვდებთ წინამდებარე ხელშეკრულებას შემდეგზე:

მუხლი 1. ხელშეკრულების საგანი

„ადგილობრივი მოსაკრებლების შესახებ“ საქართველოს კანონის საფუძველზე, ობიექტის მიერ ------------------------------ (ობიეტის დასახელება) ფუნქციონირების შედეგად წარმოქმნილი ნარჩენების შეგროვება, ტრანსპორტირება და გატანა ნარჩენების განთავსების საბოლოო ადგილზე.

მუხლი 2. მხარეთა უფლება-მოვალეობები

1. გორის მუნიციპალიტეტი ხელშეკრულების 1-ლ მუხლში აღნიშნულ მომსახურებას ახორციელებს ტენდერში გამარჯვებული ორგანიზაციის ან შესაბამისი პირის მეშვეობით.

2. გორის მუნიციპალიტეტი ობიექტიდან ნაგვის გატანას უზრუნველყოფს ---------------------------- განმავლობაში (მიეთითოს რა ინტენსივობით თვეში ან დღეების მითითებით)

3. მოსაკრებლის გადამხდელი ობიექტის მესაკუთრე/მოსარგებლე ვალდებულია გორის მუნიციპალიტეტს წარუდგინოს წერილობითი ინფორმაცია საწარმოს, ორგანიზაციისა და სავაჭრო ობიეტის შესახებ, რაც ითვალისწინებს მის საიდენტიფიკაციო მონაცემებს და ქონებრივი მდგომარეობის შესახებ ინფორმაციას.

4. მოსაკრებლის გადამხდელი ობიექტის მესაკუთრე/მოსარგებლე ვალდებულია გორის მუნიციპალიტეტს წარუდგინოს წერილობითი ინფორმაცია მის დაქვემდებარებაში მყოფ იმ საწარმო ობიექტებისა და ორგანიზაციების შესახებ, რომლებიც სხვადასხვა მიზეზების გამო არ ფუნქციონირებენ, გამოუყენებელია და მათ ტერიტორიაზე არ წარმოიქმნება საყოფაცხოვრებო ნარჩენები (კონსერვაციის რეჟიმი), რა დროსაც უფლებამოსილია მოითხოვოს მოსაკრებლის დარიცხვის კორექტირება (შესაბამისი საქმიანობის და ზომის ერთეულის მიხედვით) მოსაკრებლის დარიცხვის შეწყვეტა ან კორექტირება.

5. ამ მუხლის მე-4 პუნქტში მოცემულ შემთხვევებში ობიექტის მესაკუთრე/მოსარგებლე მუნიციპალიტეტს მიმართავს განცხადებით და წარუდგენს სამეწარმეო, ან სხვა სახის საქმიანობის სრულად, ან ნაწილობრივ შეჩერების, ან შეწყვეტის დამადასტურებელ დოკუმენტს, დამოწმებულს შესაბამისი ორგანოების მიერ (ასეთის არსებობის შემთხვევაში).

6. ობიექტი ვალდებულია წარმოქმნილი ნარჩენები მოაგროვოს და განათავსოს სპეციალურ ურნებში.

7. ობიექტი ვალდებულია თავად შეიძინოს სპეციალური ბუნკერები და მომსახურე პირთან შეთანხმებით გამოყოს მისი განთავსების ადგილი.

8. ობიექტი ვალდებულია ხელშეკრულებით ნაკისრი ვალდებულებების შეუსრულებელობის შემთხვევევაში წერილობით მიმართოს გორის მუნიციპალიტეტს და მოითხოვოს ხელშეკრულებით გათვალისწინებული ვალდებულების შესრულება.

1. გორის მუნიციპალიტეტის გამგეობის ადგილობრივ მოსაკრებელთა განყოფილება უფლებამოსილია მოახდინოს ხელშეკრულებით განსაზღვრული ანგარიშსწორების პირობების ინსპექტირება, კერძოდ, მე-4 და მე-5 მუხლებით განსაზღვრული მონაცემების სისწორე გადაამოწმოს ნებისმიერ დროს, მის მიერ უფლებამოსილი პირების მეშვეობით.

2. ობიექტი ვალდებულია მუნიციპალიტეტის უფლებამოსილ პირს ხელი შეუწყოს მათ მიერ  განხორციელებულ  ინსპექტირებაში და არ დაუშვას მათი ხელშეშლა.

3. მხარეები უფლებამოსილნი არიან ანგარიშსწორების თაობაზე ნებისმიერ დროს მოსთხოვონ ერთმანეთს შედარების აქტის შედგენა.

1. ობიექტისთვის ყოველთვიური მომსახურების ღირებულება 1მ³ საყოფაცხოვრებო ნარჩენების გატანაზე შეადგენს 5 (ხუთი) ლარს, რომელიც უნდა გადახდილ იქნეს TRESGE22 სახაზინო კოდი: 300843189.

2. ობიექტისთვის ყოველთვიური დაგროვების ნორმის ერთეული დადგენილია გორის მუნიციპალიტეტის საკრებულოს 2015 წლის 13 თებერვლის №4 დადგენილებით და განისაზღვრება  -------------------------------------------------------------------- /ზომის ერთეული/ .

3. ობიექტისთვის ყოველთვიური მომსახურების ღირებულება განისაზღვრება -------------  ლარით. 

4. მომსახურების ღირებულების გადახდა ხდება უნაღდო ანგარიშსწორებით, ამ ხელშეკრულებაში მითითებულ საბანკო ანგარიშზე, დასუფთავების მოსაკრებლის ქვითრის გადახდის წარდგენიდან 10 სამუშაო დღის ვადაში.

5. თანხის დადგენილ ვადაში გადაუხდელობის შემთხვევაში, ობიექტს დაერიცხება საურავი გადასახდელი თანხის 0.01%-ის ოდენობით ყოველ ვადაგადაცილებულ დღეზე.

6. მხარეები ვალდებულნი არიან დაუყოვნებლივ აცნობონ ერთმანეთს წერილობით ამ მუხლის 1-ლი და მე-2 პუნქტებით განსაზღვრული მონაცემების შეცვლის შესახებ.

1. მხარეთა შორის წამოჭრილი დავები შესაძლებელია გადაწყვეტილ იქნეს ორივე მხარის ერთობლივი შეთანხმების  საფუძველზე.

2. ხელშეკრულების შეუსრულებლობის შემთხვევაში დავას წყვეტს სასამართლო საქართველოს კანონმდებლობით დადგენილი წესით.

1. მხარეები არ არიან პასუხისმგებელნი თავიანთი ვალდებულებების სრულ ან ნაწილობრივ შეუსრულებლობაზე, თუ ეს შეუსრულებლობა გამოწვეულია ისეთი გარემოებებით, როგორიცაა წყალდიდობა, ხანძარი, მიწისძვრა და სხვა სტიქიური მოვლენები. აგრეთვე, ომები და საომარი მოქმედებები, თუ ისინი უშუალო ზემოქმედებას ახდენენ ხელშეკრულების შესრულებაზე. ხელშეკრულების შესრულების ვადა გადაიწევს შესაბამისი დროით, გარემოებათა დასრულების შემდეგ.

2. მხარე, რომელსაც შეექმნა ფორსმაჟორული გარემოება, დაუყოვნებლივ წერილობით აცნობებს ამის შესახებ მეორე მხარეს.

1. ამ ხელშეკრულებით გაუთვალისწინებული საკითხები რეგულირდება საქართველოს კანონმდებლობით.

2. არც ერთ მხარეს არა აქვს უფლება გადასცეს მესამე პირს თავისი უფლებები და მოვალეობები, მეორე მხარის თანხმობის გარეშე.

3. ხელშეკრულება დგება ქართულ ენაზე. ხელშეკრულებასთან დაკავშირებული ნებისმიერი მიმოწერა შესრულებული უნდა იყოს ქართულ ენაზე.

1. ხელშეკრულება ძალაშია მხარეების მიერ მასზე ხელმოწერის დღიდან და მოქმედებს მიმდინარე წლის 31 დეკემბრის ჩათვლით.

2. ხელშეკრულების მოქმედების შეწყვეტის შემდგომ ხელშეკრულება გაგრძელდება, თუ მხარეები წერილობით არ შეთანხმდებიან მისი გარკვეული პირობების შეცვლაზე ან შეწყვეტაზე.

3. მხარეები უფლებამოსილნი არიან ურთიერთშეთანხმების საფუძველზე ნებისმიერ დროს შეწყვიტონ ხელშეკრულება.