შპს „თერმულ წყლებზე“ გაცემული სასარგებლო წიაღისეულის მოპოვების №1000486 ლიცენზიის მოქმედების ვადის გაგრძელებასა და დამატებითი სალიცენზიო პირობის განსაზღვრაზე თანხმობის გაცემის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №1057
2017 წლის 1 ივნისი
ქ. თბილისი
შპს „თერმულ წყლებზე“ გაცემული სასარგებლო წიაღისეულის მოპოვების №1000486 ლიცენზიის მოქმედების ვადის გაგრძელებასა და დამატებითი სალიცენზიო პირობის განსაზღვრაზე თანხმობის გაცემის თაობაზე
„ლიცენზიებისა და ნებართვების შესახებ“ საქართველოს კანონის მე-19 მუხლის მე-4 პუნქტისა და „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების 6 1 მუხლის მე-3 და მე-4 პუნქტებისა და მე-7 მუხლის 1 3 პუნქტის საფუძველზე:
1. მიეცეს თანხმობა საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნულ სააგენტოს შპს „თერმულ წყლებზე“ გაცემული სასარგებლო წიაღისეულის მოპოვების №1000486 ლიცენზიის მოქმედების ვადის 2017 წლის 1 ივნისიდან 2022 წლის 1 ივნისამდე გაგრძელების თაობაზე შემდეგ X და Y კოორდინატებში არსებულ ჭაბურღილებზე:
| ჭაბ № | X | Y |
| ჭაბ – 4 თ | 479906.071 | 4618765.497 |
| ჭაბ – 6 თ | 480804.662 | 4622002.108 |
| ჭაბ – 8 თ | 478686.867 | 4620927.191 |
| ჭაბ – 7 თ | 477121.948 | 4621459.316 |
| ჭაბ – 5 თ | 475944.747 | 4621650.763 |
| ჭაბ – 1 საბურთალო | 478625.585 | 4619969.133 |
| ჭაბ – 1 ლისი | 474656.209 | 4621936.554. |
2. ლიცენზიის მფლობელი ვალდებულია ლიცენზიაში ცვლილების შეტანიდან არაუმეტეს 2 (ორი) წლის ვადაში შეისწავლოს სასარგებლო წიაღისეულის რესურსი, გამოთვალოს წყლის მარაგები და შესაბამის ორგანოში დასამტკიცებლად წარადგინოს მარაგების ანგარიში.
3. განკარგულება ძალაშია 2017 წლის 31 მაისიდან.
პრემიერ-მინისტრი გიორგი კვირიკაშვილი