ქ. თბილისში, თამარაშვილის ქუჩა №15ა-ში მდებარე ყოფილი მიწის მართვის სახელმწიფო დეპარტამენტის საჯარო სამართლის იურიდიული პირის – საქართველოს მიწათმოწყობის სახელმწიფო საპროექტო-საძიებო და სამეცნიერო-კვლევითი ინსტიტუტის „საქსახმიწპროექტის“ ყოფილ არქივში მიწის რესურსებთან დაკავშირებული საარქივო დოკუმენტაციის სსიპ - საქართველოს ეროვნული არქივისთვის გადაცემის შესახებ

საქართველოს მთავრობის

განკარგულება №1193

2017 წლის 15 ივნისი

ქ. თბილისი

ქ. თბილისში, თამარაშვილის ქუჩა №15ა-ში მდებარე ყოფილი მიწის მართვის სახელმწიფო დეპარტამენტის საჯარო სამართლის იურიდიული პირის – საქართველოს მიწათმოწყობის სახელმწიფო საპროექტო-საძიებო და სამეცნიერო-კვლევითი ინსტიტუტის „საქსახმიწპროექტის“ ყოფილ არქივში მიწის რესურსებთან დაკავშირებული საარქივო დოკუმენტაციის სსიპ - საქართველოს ეროვნული არქივისთვის გადაცემის შესახებ

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 და მე-6 მუხლების შესაბამისად, „ქ. თბილისში, თამარაშვილის ქუჩა №15ა-ში მდებარე ყოფილი მიწის მართვის სახელმწიფო დეპარტამენტის საჯარო სამართლის იურიდიული პირის – საქართველოს მიწათმოწყობის სახელმწიფო საპროექტო-საძიებო და სამეცნიერო-კვლევითი ინსტიტუტის „საქსახმიწპროექტის“ ყოფილ არქივში მიწის რესურსებთან დაკავშირებული საარქივო დოკუმენტაციის შენახვისა და ინვენტარიზაციის გადაუდებელი ღონისძიებების შესახებ“ საქართველოს მთავრობის 2013 წლის 26 სექტემბრის №1397 განკარგულების მე-2 პუნქტის „გ“ ქვეპუნქტისა და მე-3 პუნქტის შესრულების მიზნით, სსიპ – საქართველოს ეროვნულ არქივს გადაეცეს სსიპ – საჯარო რეესტრის ეროვნულ სააგენტოსა და საქართველოს თავდაცვის სამინისტროში დაცული ქ. თბილისში, თამარაშვილის ქუჩა №15ა-ში მდებარე ყოფილი მიწის მართვის სახელმწიფო დეპარტამენტის საჯარო სამართლის იურიდიული პირის – საქართველოს მიწათმოწყობის სახელმწიფო საპროექტო-საძიებო და სამეცნიერო-კვლევითი ინსტიტუტის „საქსახმიწპროექტის“ ყოფილ არქივში არსებული მიწათმოწყობის, მიწის კადასტრის, მიწის რეფორმის, აგრეთვე მიწის მართვის საკითხებთან დაკავშირებული საარქივო მასალები.

2. სსიპ – საქართველოს ეროვნულმა არქივმა უზრუნველყოს სსიპ – საჯარო რეესტრის ეროვნულ სააგენტოსა და საქართველოს თავდაცვის სამინისტროში დროებით შენახვის მიზნით განთავსებული, ამ განკარგულების პირველი პუნქტით განსაზღვრული საარქივო მასალების მიღება, სამეცნიერო-ტექნიკური დამუშავება, ეროვნული საარქივო ფონდისთვის მიკუთვნების განხილვა, შენახვა და დაცვა.

პრემიერ-მინისტრი გიორგი კვირიკაშვილი