ანაკლიის ღრმაწყლოვანი ნავსადგურის განსახლების სამოქმედო გეგმის განხორციელების ხელშესაწყობად რიგ ღონისძიებათა განხორციელების შესახებ

საქართველოს მთავრობის

განკარგულება №1423 

2017  წლის  7  ივლისი  

ქ. თბილისი

ანაკლიის ღრმაწყლოვანი ნავსადგურის განსახლების სამოქმედო გეგმის განხორციელების ხელშესაწყობად რიგ ღონისძიებათა განხორციელების შესახებ

1. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნულ სააგენტოს, შპს „დისტანციური ზონდირებისა და გეოინფორმაციული სისტემების საკონსულტაციო ცენტრ გეოგრაფიკთან“ (ს/კ: 204920309) 2016 წლის 16 მარტს გაფორმებული სახელმწიფო შესყიდვების შესახებ №50 ხელშეკრულებით გათვალისწინებული მომსახურების შეძენის ვადა გაგრძელდეს 2017 წლის 15 სექტემბრის ჩათვლით. 

2. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ი“ და „კ“ ქვეპუნქტების შესაბამისად, მოწონებულ იქნეს საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირის – სახელმწიფო ქონების ეროვნული სააგენტოს ინფორმაცია, რომლის თანახმად, „ანაკლიის ღრმაწყლოვანი ნავსადგურის განსახლების პოლიტიკის სახელმძღვანელო – ჩარჩოდოკუმენტისა და განსახლების სამოქმედო გეგმის მოწონებისა და შესაბამისი ღონისძიებების გატარების შესახებ“ საქართველოს მთავრობის 2017 წლის 13 თებერვლის №247 განკარგულებით მოწონებული ანაკლიის ღრმაწყლოვანი ნავსადგურის განსახლების პოლიტიკის სახელმძღვანელო – ჩარჩოდოკუმენტითა და განსახლების სამოქმედო გეგმით განსაზღვრული ღონისძიებების განხორციელების ვადა ამ განკარგულების დანართით განსაზღვრულ არეალში არსებული მიწის ნაკვეთების მიმართ 2017 წლის 30 ივნისის ნაცვლად განისაზღვრება 2017 წლის 1 სექტემბრის ჩათვლით, ხოლო სხვა ნაკვეთების მიმართ – 2017 წლის 30 ივნისის ნაცვლად განისაზღვრება 2017 წლის 15 სექტემბრის ჩათვლით.

 

პრემიერ-მინისტრი                                     გიორგი კვირიკაშვილი