ბორჯომის მუნიციპალიტეტის ტერიტორიაზე ქუჩის სახელდების შესახებ

ბორჯომის მუნიციპალიტეტის საკრებულოს

განკარგულება №35 03

2017 წლის 21 ივლისი

ქ. ბორჯომი

ბორჯომის მუნიციპალიტეტის ტერიტორიაზე ქუჩის სახელდების შესახებ

„ადგილობრივი თვითმმართველობის კოდექსი“ საქართველოს ორგანული კანონის მე-16 მუხლის მე-2 პუნქტის „პ“ ქვეპუნქტის, 24-ე მუხლის 1-ლი პუნქტის „ა.ე“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილების მე-3 მუხლის პირველი პუნქტის „ე“ ქვეპუნქტის, გეოგრაფიული ობიექტების სახელწოდებათა დადგენის, ნორმალიზების, გამოყენების, აღრიცხვისა და დაცვის მიზნით, გეოგრაფიული ობიექტების სახელწოდებათა სფეროში მოქმედი სამთავრობო კომისიის „2017 წლის 7 ივლისის №9 ოქმის საფუძველზე

ბორჯომის მუნიციპალიტეტის საკრებულომ გადაწყვიტა:

 1. ბორჯომის მუნიციპალიტეტის ტერიტორიაზე – დაბა ბაკურიანში დიდველის მიმდებარედ მდებარე ტერიტორიას ეწოდოს „დიდველის სახელობის ქუჩა“, თანდართული რუკის თანახმად (დანართი 1).

2. განკარგულება გადაეგზავნოს ბორჯომის მუნიციპალიტეტის გამგებელს, სსიპ – საჯარო რეესტრის ეროვნულ სააგენტოს, სსიპ – სახელმწიფო სერვისების განვითარების სააგენტოს, შინაგან საქმეთა სამინისტროსა და საქართველოს ცენტრალურ საარჩევნო კომისიას.

3. განკარგულება ამოქმედდეს ხელმოწერისთანავე.

4. განკარგულება შეიძლება გასაჩივრდეს გაცნობიდან ერთი თვის ვადაში, ახალციხის რაიონულ სასამართლოში (მისამართი: ქ. ახალციხე, მებაღიშვილის ქუჩა № 62).

საკრებულოს თავმჯდომარის მოვალეობის

შემსრულებელი გიორგი ფერაძე