სს „ავტოფირმა 6“-ის განცხადება აქციათა სავალდებულო მიყიდვის შესახებ

ამ განცხადების გამოქვეყნებიდან ერთი თვის გასვლის შემდეგ (ნებისმიერ პერიოდში), „მეწარმეთა შესახებ” საქართველოს კანონის 53⁴ მუხლის პირველი და მე-2 პუნქტებისა და საქართველოს სამოქალაქო საპროცესო კოდექსის XXXIV² თავით დადგენილი ნორმების შესაბამისად, ფიზიკური პირი ბახტურიძე ნატალია განცხადებით მიმართავს თბილისის საქალაქო სასამართლოს აქციათა სავალდებულო მიყიდვისა და, შესაბამისად, აქციათა სამართლიანი ფასისა და გამოსყიდვის სააღრიცხვო დღის დადგენის შესახებ.

სს „ავტოფირმა 6“ აქციების სავალდებულო მიყიდვის შესახებ სასამართლოს მიერ მიღებული გადაწყვეტილების შემდეგ, ფიზიკური პირი ნატალია ბახტურიძე ყველა დარჩენილი აქციის გამოსასყიდ თანხას განათავსებს „მეწარმეთა შესახებ” საქართველოს კანონის 53⁴ მუხლის მე-4 პუნქტით გათვალისწინებულ სუბიექტთან, სს „ავტოფირმა 6“ სხვა აქციონერთა სასარგებლოდ გახსნილ სპეციალურ ანგარიშზე. აღნიშნულის შესახებ სს „ავტოფირმა 6“-ის აქციონერებს ეცნობებათ კანონით გათვალისწინებული წესით და მათ შესაძლებლობა ექნებათ მიიღონ მათ საკუთრებაში არსებული აქციების შესაბამისი თანხა, სასამართლოს მიერ დადგენილ აქციათა სამართლიანი ფასის შესაბამისად.

აქციათა გამოსყიდვის მიზეზებია: სს „ავტოფირმა 6“-ის რესტრუქტურიზაცია, ორგანიზაციულ-სამართლებრივი ფორმის რეორგანიზაცია გაყოფის გზით 2 (ორი) სამეწარმეო სუბიექტად, მართვის ოპტიმიზაცია და, შესაბამისად, მმართველობითი ხარჯების მინიმიზაცია.

დამატებითი ინფორმაციის მისაღებად შეგიძლიათ მიმართოთ ნატალია ბახტურიძეს ქ. თბილისში, მიცკევიჩის ქ. №25, ბ. 110; ტელეფონის №: 599 797 921.

აქციონერებს აქციებზე საკუთრების უფლება შეუძლიათ დააზუსტონ ფასიანი ქაღალდების რეგისტრატორ სს „კავკასრეესტრი“ ქ. თბილისში, ვაჟა-ფშაველას 71, მე-10 ბლოკი, მე-7 სართული; ტელ : (+995 32) 2 500 211; ელ.ფოსტა: info@kavkasreestri.ge

ნატალია ბახტურიძე