,,საჩხერის მუნიციპალიტეტის საკრებულოს წევრის (გარდა თანამდებობის პირები) უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ” საჩხერის მუნიციპალიტეტის საკრებულოს 2015 წლის 17 თებერვლის #6 დადგენილებაში ცვლილების შეტანის თაობაზე

1. დადგენილებით დამტკიცებული დანართი №1-ს მე-2 მუხლის მე-2 პუნქტი ჩამოყალიბდეს შემდეგი რედაქციით:

,,2. ხარჯების ანაზღაურების განსაზღვრისათვის გათვალისწინებულ იქნეს საკრებულოს წევრის მიერ საკრებულოს კომისიებისა და ფრაქციების სხდომების მუშაობაში მონაწილეობა, ამომრჩევლებთან შეხვედრები (რაც დადასტურებული იქნება შეხვედრაზე შედგენილი ოქმით); აგრეთვე კომისიებისა და ფრაქციის თავმჯდომარეებმა ყოველი თვის ბოლოს საკრებულოს აპარატს წარუდგინონ საკრებულოს წევრების სხდომაზე დასწრების მონაცემები. ამ მონაცემების საფუძველზე საკრებულოს აპარატი ინფორმაციას (მოხსენებით ბარათს) ადგენს, როგორც წესი, წინა თვის პირველი რიცხვიდან მომდევნო თვის პირველ რიცხვამდე. არსებული მდგომარეობით (თუ შესაბამისი რიცხვი ემთხვევა საქართველოს კანონმდებლობით გათვალისწინებულ უქმე ან/და დასვენების დღეს – მომდევნო სამუშაო დღეს) მომდევნო სამუშაო დღეს. საკრებულოს აპარატი ინფორმაციას (მოხსენებით ბარათს) წარუდგენს საკრებულოს თავმჯდომარეს და საკრებულოს თავმჯდომარე გამოსცემს ინდივიდუალურ სამართლებრივ აქტს თანდართული სიით და გადასცემს მუნიციპალიტეტის მერიის საფინანსო-საბიუჯეტო სამსახურს. საკრებულოს ბიურო უფლებამოსილია საკრებულოს კონკრეტული წევრებისათვის განსაზღვროს ანაზღაურების ნაკლები ოდენობა საკრებულოს რომელიმე წევრის (წევრების) მიერ საკრებულოსა და მის ორგანოთა მუშაობაში მონაწილეობის მიღების (დასწრების) ფაქტობრივ მონაცემებზე დაყრდნობით.“.

2. დადგენილებით დამტკიცებული დანართი №1-ის მე-3 მუხლი ჩამოყალიბდეს შემდეგი რედაქციით:

,,მუხლი 3. საკრებულოს  წევრების უფლებამოსილების განხორციელებასთან დაკავშირებული  ხარჯების ანაზღაურების  შესახებ

მუნიციპალიტეტის მერიის საფინანსო-საბიუჯეტო სამსახური, მოქმედი კანონმდებლობის შესაბამისად, ყოველთვიურად, ამ დადგენილებით გათვალისწინებული წესით, საკრებულოს თავმჯდომარის ინდივიდუალური სამართლებრივი აქტის საფუძველზე, უზრუნველყოფს საკრებულოს წევრის უფლებამოსილების განხორციელებასთან დაკავშირებული  ხარჯების ანაზღაურებას.“.

3. დადგენილებით დამტკიცებული დანართი №2 ჩამოყალიბდეს თანდართული რედაქციით.