თამბაქოს ნაწარმის, თამბაქოს აქსესუარის ან/და თამბაქოს მოხმარებისთვის განკუთვნილი მოწყობილობის ფილმში/სხვა შემოქმედებით პროდუქციაში დემონსტრაციის შემთხვევაში გამოსაყენებელი ტელე ან რადიორგოლი და ბეჭდვითი მასალისათვის განკუთვნილი პიქტოგრამა თამბაქოს მოწევის მავნებლობის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
საქართველოს შრომის, ჯანმრთელობისა და სოციალური დაცვის მინისტრის ბრძანება №01-19/ნ |
|
2018 წლის 1 მაისი ქ. თბილისი |
„თამბაქოს კონტროლის შესახებ“ საქართელოს კანონის მე-10 მუხლის მე-7 პუნქტის, „რეკლამის შესახებ“ საქართველოს კანონის 8² მუხლის მე-2 პუნქტის და ,,საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის №249 დადგენილებით დამტკიცებული დებულების მე-5 მუხლის მე-2 პუნქტის ,,ნ“ ქვეპუნქტის შესაბამისად, ვბრძანებ:
|
| მუხლი 1 |
დამტკიცდეს თანდართული:
|
1.
თამბაქოს ნაწარმის, თამბაქოს აქსესუარის ან/და თამბაქოს მოხმარებისთვის განკუთვნილი მოწყობილობის ფილმში/სხვა შემოქმედებით პროდუქციაში დემონსტრაციის შემთხვევაში გამოსაყენებელი ტელე ან რადიორგოლი №1 დანართის შესაბამისად.
|
2.
ბეჭდვითი მასალისათვის განკუთვნილი პიქტოგრამის ნიმუშები თამბაქოს მოწევის მავნებლობის შესახებ (დანართი №2).
|
| მუხლი 2 |
1.
№1 დანართით გათვალისწინებული ტელე/რადიორგოლი უნდა განთავსდეს ნებისმიერი სახის ისეთი მასობრივი ინფორმაციის საშუალების, ელექტრონული საშუალების, სატელევიზიო გადაცემის, რადიოგადაცემის, ფილმის, მასობრივი ჩვენებისა და თეატრალური წარმოდგენის, სხვა სახის აუდიო-ვიზუალური ნაწარმოების ჩვენების დასაწყისში და ბოლოში, სადაც დემონსტრირებულია თამბაქოს ნაწარმის, თამბაქოს აქსესუარის ან/და თამბაქოს მოხმარებისთვის განკუთვნილი მოწყობილობის მოხმარება, რაც ითვლება 18 წლამდე ასაკის არასრულწლოვანზე მავნე ზეგავლენის მომხდენ შემოქმედებით პროდუქციად.
|
2.
№1 დანართით გათვალისწინებული ნიმუშების განთავსება ამ მუხლის პირველი პუნქტით დადგენილ შემთხვევებში განხორციელდეს როტაციის პრინციპით, ხოლო ნაწარმოების დასაწყისში და ბოლოში განთავსდეს №1 დანართით დამტკიცებული ორი სხვადასხვა ნიმუში.
|
| მუხლი 3 |
1.
№2 დანართით დამტკიცებული ბეჭდვითი მასალისათვის განკუთვნილი პიქტოგრამები განთავსდეს მასობრივი, მათ შორის ელექტრონული ინფორმაციის საშუალებით გავრცელებულ ნებისმიერი სახის ისეთ ტექსტობრივ, ლიტერატურულ, ფოტოგრაფიულ, ილუსტრირებულ ნაწარმოებში, სადაც დემონსტრირებულია თამბაქოს ნაწარმის, თამბაქოს აქსესუარის ან/და თამბაქოს მოხმარებისთვის განკუთვნილი მოწყობილობის მოხმარება, რაც ითვლება 18 წლამდე ასაკის არასრულწლოვანზე მავნე ზეგავლენის მომხდენ შემოქმედებით პროდუქციად.
|
2.
ამ მუხლის პირველი პუნქტით განსაზღვრულ შემთხვევებში, №2 დანართით დამტკიცებული პიქტოგრამის ნიმუშებზე განთავსდეს შემდეგი სახის საერთო სამედიცინო გაფრთხილება: „ნაწარმოები შეიცავს თამბაქოს ნაწარმის, თამბაქოს აქსესუარის ან მოწყობილობის მოხმარებას“ ,,მოწევა მავნებელია თქვენი ჯანმრთელობისათვის! ,,საქართველოს შრომის, ჯანმრთელობისა და სოციალური დაცვის სამინისტრო - ლოგო“.
|
| მუხლი 4 |
საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულ სსიპ –
ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულ ცენტრს დაევალოს ბრძანების დანართებით დამტკიცებული ნიმუშების გავრცელება და ხელმისაწვდომობის უზრუნველყოფა, მათ შორის №1 დანართით გათვალისწინებული ტელე/რადიორგოლის ელექტრონული ვერსიის საკუთარ ოფიციალურ ვებგვერდზე (http://www.ncdc.ge) განთავსება.
|
| მუხლი 5 |
ბრძანება ამოქმედდეს 2018 წლის 1 მაისიდან.
|
|
📎 დანართები (2)
-2.doc ⬇
დანართი №1
თამბაქოს ნაწარმის, თამბაქოს აქსესუარის ან/და თამბაქოს მოხმარებისთვის განკუთვნილი მოწყობილობის ფილმში/სხვა შემოქმედებით პროდუქციაში დემონსტრაციის შემთხვევაში გამოსაყენებელი ტელე ან რადიორგოლი
ჩვენების დასაწყისში და ბოლოში ტელე/რადიორგოლების ნიმუშებში უნდა განთავსდეს ქვემოთ მოცემული პიქტოგრამები როტაციის პრინციპით.
რგოლი იწყება ხმოვანი შესავლით, „ნაწარმოები შეიცავს თამბაქოს ნაწარმის, თამბაქოს აქსესუარის ან მოწყობილობის მოხმარებას“ (საერთო - VO).
შემდეგ თითოეულ პიქტოგრამას ექნება თავისივე მესიჯი, აუცილებლად ხმოვანი, იმის მიხედვით, თუ რომელი პიქტოგარამა იქნება გამოყენებული:
ვარიანტი 1 – „მოწევა ზიანს აყენებს მუცლად მყოფ ბავშვს“ (კონკრეტული - VO)
ვარიანტი 2 – „თამბაქოს მოხმარება იწვევს ხორხის კიბოს“ (კონკრეტული - VO)
ვარიანტი 3 – „ნუ აიძულებთ ბავშვებს ისუნთქონ თქვენი კვამლი“ (კონკრეტული - VO)
ვარიანტი 4 – „მოწევით ორმაგდება თქვენი ინსულტის განვითარების რისკი“ (კონკრეტული - VO)
„მოწევა მავნებელია თქვენი ჯანმრთელობისათვის!“ (საერთო ხმა - VO)
„საქართველოს შრომის, ჯანმრთელობისა და სოციალური დაცვის სამინისტრო - ლოგო“ (საერთო – ხმის გარეშე).
შესაბამისად, 4 სხვადასხვა პიქტოგრამისთვის საჭიროა ცალ-ცალკე ხმოვანი ტექსტი.
| № | პიქტოგრამა | |
|---|---|---|
| 1 | მოწევა ზიანს აყენებს მუცლად მყოფ ბავშვს
|
|
| 2 | თამბაქოს მოხმარება იწვევს ხორხის კიბოს
|
|
| 3 | ნუ აიძულებთ ბავშვებს ისუნთქონ თქვენი კვამლი
|
|
| 4 | მოწევით ორმაგდება თქვენი ინსულტის განვითარების რისკი
|
-3.doc ⬇
დანართი №2
ბეჭდვითი მასალისათვის განკუთვნილი პიქტოგრამის ნიმუშები თამბაქოს მოწევის მავნებლობის შესახებ
| № | პიქტოგრამა | ქვეყანა |
|---|---|---|
| 1 | მოწევა ზიანს აყენებს მუცლად მყოფ ბავშვს
|
ავსტრალია |
| 2 | თამბაქოს მოხმარება იწვევს ხორხის კიბოს
|
ავსტრალია |
| 3 | ნუ აიძულებთ ბავშვებს ისუნთქონ თქვენი კვამლი
|
ავსტრალია |
| 4 | მოწევით ორმაგდება თქვენი ინსულტის განვითარების რისკი
|
ავსტრალია |