„საავტომობილო ტრანსპორტის შესახებ“ საქართველოს კანონში ცვლილების შეტანის თაობაზე

1. პირველ მუხლს დაემატოს შემდეგი შინაარსის:

ა) 11¹ პუნქტი:

„11¹. მსუბუქი ავტომობილით − ტაქსით  (M₁ კატეგორია) გადაყვანა – დადგენილ მოთხოვნათა შესაბამისად აღჭურვილი მსუბუქი ავტომობილით მგზავრის გადაყვანა და ბარგის გადაზიდვა.“;

ბ) 23-ე პუნქტი:

„23. ტრანზიტული მოძრაობა − თვითმმართველი ერთეულის ადმინისტრაციულ საზღვრებში იმ სატრანსპორტო საშუალების მოძრაობა, რომელიც ახორციელებს ისეთი ტვირთის/საქონლის გადატანას, რომლის მიტანის ადგილი არ არის მოქცეული ამ თვითმმართველი ერთეულის ადმინისტრაციულ საზღვრებში.“.

2. მე-4 მუხლის მე-4 პუნქტი ჩამოყალიბდეს შემდეგი რედაქციით:

„4. ადგილობრივი საქალაქო რეგულარული სამგზავრო გადაყვანის ორგანიზებასა და მართვას ახორციელებს შესაბამისი თვითმმართველი ერთეული, ხოლო საქართველოს დედაქალაქში მსუბუქი ავტომობილით − ტაქსით (M₁ კატეგორია) გადაყვანის ორგანიზებასა და მართვას − ქალაქ თბილისის მუნიციპალიტეტის მერიის სტრუქტურული ერთეული.“.

3. 5¹ მუხლის:

ა) პირველ პუნქტს დაემატოს შემდეგი შინაარსის „ა¹“ ქვეპუნქტი:

„ა¹) საქართველოს დედაქალაქში მსუბუქი ავტომობილით − ტაქსით (M₁ კატეგორია) გადაყვანა;“;

ბ) მე-2 პუნქტს დაემატოს შემდეგი შინაარსის „გ“ ქვეპუნქტი:

„გ) საქართველოს დედაქალაქში მსუბუქი ავტომობილით − ტაქსით (M₁ კატეგორია) გადაყვანის ნებართვისა.“.

4. 5² მუხლს დაემატოს შემდეგი შინაარსის 2¹ პუნქტი:

„2¹. ამ კანონის 5¹ მუხლის პირველი პუნქტის „ა¹“ ქვეპუნქტით გათვალისწინებულ საქმიანობაზე ნებართვას გასცემს საქართველოს დედაქალაქის მთავრობა ან მის მიერ უფლებამოსილი დედაქალაქის მერიის სტრუქტურული ერთეული. საქართველოს დედაქალაქში მსუბუქი ავტომობილით − ტაქსით (M₁ კატეგორია) გადაყვანის ნებართვის გაცემა რეგულირდება „ლიცენზიებისა და ნებართვების შესახებ“ საქართველოს კანონის შესაბამისად.“.

5. 5⁶ მუხლის პირველი პუნქტი ჩამოყალიბდეს შემდეგი რედაქციით:

„1. ამ კანონის 5¹ მუხლის პირველი პუნქტის „ა“ და „ა¹“ ქვეპუნქტებით გათვალისწინებულ საქმიანობებზე ნებართვები გაიცემა არანაკლებ 1 წლის ვადით. ორივე შემთხვევაში ამ ნებართვების მოქმედების ვადებს განსაზღვრავს ადგილობრივი თვითმმართველობის წარმომადგენლობითი ორგანო.“.

მუხლი 2. ეს კანონი ამოქმედდეს გამოქვეყნებიდან 45-ე დღეს.