„საჯარო სამართლის იურიდიული პირის – საქართველოს ეროვნული სამეცნიერო ფონდის წესდების დამტკიცების შესახებ“ საქართველოს მთავრობის 2006 წლის 16 მარტის №64 დადგენილებაში ცვლილებებისა და დამატებების შეტანის თაობაზე“

საქართველოს მთავრობის

დადგენილება №34

2010 წლის 11 თებერვალი

ქ. თბილისი

„საჯარო სამართლის იურიდიული პირის – საქართველოს ეროვნული სამეცნიერო ფონდის წესდების დამტკიცების შესახებ“ საქართველოს მთავრობის 2006 წლის 16 მარტის №64 დადგენილებაში ცვლილებებისა და დამატებების შეტანის თაობაზე

    მუხლი 1

„ნორმატიული აქტების შესახებ“ საქართველოს კა­ნო­ნის მე-20 მუხლის მე-4 პუნქტის შესაბამისად, „საჯარო სა­მარ­თლის იურიდიული პირის – საქართველოს ეროვნული სამეც­ნიერო ფონდის წესდების დამტკიცების შესახებ“ საქართველოს მთავრო­ბის 2006 წლის 16 მარტის №64 დადგენილებით (სსმ III, 2006 წელი, №35, მუხლი 430) დამტკიცებულ წესდებაში შე­ტანილ იქნეს შემდეგი ცვლილებები და დამატებები:

1. მე-2 მუხლის:

ა) მე-3 პუნქტის „დ“ ქვეპუნქტი ჩამოყალიბდეს ახალი რედაქ­ციით:

„დ) ქვეყანაში და მის ფარგლებს გარეთ აწყობს სამეცნიერო და ტექნოლოგიური განვითარების სფეროში მიღწევათა გამოფე­ნებს, სემინარებს, კონგრესებს, სიმპოზიუმებსა და სამეცნიერო-პრაქტიკულ კონფერენციებს და მონაწილეობას იღებს პარტნიორი ქვეყნების ანალოგიური ხასიათის ღონისძიებებში, ხელს უწყობს მეცნიერთა გაცვლის პროცესს;“;

ბ) მე-3 პუნქტს დაემატოს შემდეგი შინაარსის დ¹ ქვეპუნქტი:

„დ¹) საქართველოს განათლებისა და მეცნიერების სამინის­ტროსთან შეთანხმებით, შესაბამისი გადაწყვეტილების მიღების მიზნით ამყარებს საქმიან კონტაქტებს საერთაშორისო ორგანიზაციებთან, უცხო ქვეყნების შესაბამის სახელმწიფო და არასა­ხელმწიფო სტრუქტურებთან;“.

2. მე-4 მუხლის:

ა) მე-4 პუნქტის „დ“ ქვეპუნქტი ამოღებულ იქნეს;

ბ) მე-10 და მე-11 პუნქტები ჩამოყალიბდეს შემდეგი რედაქ­ციით:

„10. საბჭო უფლებამოსილია, თუ მას ესწრება წევრთა სრუ­ლი შემადგენლობის უმრავლესობა. საბჭო გადაწყვეტილებებს იღებს დამსწრე წევრთა უმრავლესობით, მაგრამ არანაკლებ სრუ­ლი შემადგენლობის ერთი მესამედისა.

11. საქართველოს განათლებისა და მეცნიერების მინისტრი, საქართველოს მთავრობის კვოტით თანამ-დებობრივად შედის სა­მეც­ნიერო საბჭოს შემადგენლობაში და თავმჯდომარეობს სამეც­ნიერო საბჭოს სხდომებს. თავმჯდომარის არყოფნის შემთხვევაში, სხდომას თავმჯდომარეობს თავმჯდომარის მოადგილე.“;

გ) მე-4 მუხლს:

გ.ა) დაემატოს შემდეგი შინაარსის 11¹ და 11² პუნქტები:

„11¹. სამეცნიერო საბჭო, წევრთა სრული შემადგენლობის უმ­რავლესობით, საკუთარ წევრთაგან ირჩევს სამეცნიერო საბჭოს თავ­მჯდომარის მოადგილეს. სამეცნიერო საბჭოს თავმჯდომარის მოადგილის კანდიდატურის წარდგენის უფლება აქვს სამეცნიერო საბჭოს თავმჯდომარეს.

11². სამეცნიერო საბჭო, წევრთა სრული შემადგენლობის უმ­რავლესობით, საკუთარ წევრთაგან ირჩევს სამეცნიერო საბჭოს მდივანს. სამეცნიერო საბჭოს მდივნის მიერ მოვალეობის შესრუ­ლების შეუძლებლობის შემთხვევაში, მის ფუნქციებს სამეცნიერო საბჭოს დავალებით ასრულებს სამეცნიერო საბჭოს ერთ-ერთი წევრი.“;

გ.ბ) დაემატოს მე-15 პუნქტი:

„15. სამეცნიერო საბჭოს სხდომის დროს იწარმოება სხდომის ოქმი, რომელიც ფორმდება სხდომის გამართვიდან 5 სამუშაო დღის ვადაში. სამეცნიერო საბჭოს სხდომის ოქმს ხელს აწერენ სა­მეცნიერო საბჭოს თავმჯდომარე და მდივანი.“.

3. მე-5 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ფონდის წარმომადგენლობისათვის უფლებამოსილი პირია და მის საქმიანობას ხელმძღვანელობს ფონდის დირექტორი, რო­მელ­საც 4 წლის ვადით, საქართველოს განათლებისა და მეცნიე­რე­ბის მინისტრის წარდგინებით, თანამდებობაზე ნიშნავს და თა­ნამდებობიდან ათავისუფლებს საქართველოს პრემიერ-მინისტრი. ერთი და იგივე პირი ფონდის დირექტორად შეიძლება დაინიშნოს ზე­დი­ზედ მხოლოდ ორჯერ.“;

ბ) მე-2 პუნქტი ამოღებულ იქნეს;

გ) მე-3 პუნქტის „ბ“ ქვეპუნქტი ჩამოყალიბდეს შემდეგი რე­დაქ­ციით:

„ბ) სამეცნიერო საბჭოსთან შეთანხმებით აცხადებს საგრან­ტო კონკურსებს;“;

დ) მე-3 პუნქტის „ე“ ქვეპუნქტი ჩამოყალიბდეს შემდეგი რე­დაქ­ციით:

„ე) სამეცნიერო საბჭოსთან შეთანხმებით, თანამდებობაზე ნიშნავს და თანამდებობიდან ათავისუფლებს დირექტორის მოად­გილე(ებ)ს. ფონდის დირექტორის არყოფნის ან მის მი­ერ მოვ­ა­ლე­ობის შესრულების შეუძლებლობის შემთხვევაში, დირექტორის ინდივიდუალური ადმინისტრაციულ-სამართლებრივი აქტით განსა­ზღვრუ­ლი მოადგილე ასრულებს დირექტორის მოვა­ლე­ო­ბას;“;

ე) მე-3 პუნქტის „თ“, „ი“ და „კ“ ქვეპუნქტები ჩამოყალიბდეს შემდეგი რედაქციით:

„თ) ფონდის ბიუჯეტის შესაბამისად, საქართველოს განათ­ლებისა და მეცნიერების სამინისტროსთან შეთანხმებით ამტკი­ცებს ფონდის საშტატო განრიგს და ამ განრიგით გათვალისწი­ნებულ თანამშრომელთა ანაზღაურების ოდენობებს;

ი) საქართველოს კანონმდებლობით დადგენილი წესით, ფონ­დის თანამშრომლებთან აფორმებს და წყვეტს შრომით ხელშეკ­რულებებს, საჭიროების შემთხვევაში აწყობს კონკურსს, მათ მი­მართ გამოიყენებს წახალისებისა და დისციპლინური პასუხისმგებ­ლობის ზომებს. ამტკიცებს ფონდის შინაგანაწესს;

კ) სამეცნიერო საბჭოსთან შეთანხმებით, საქართველოს მთავრობას წარუდგენს ფონდის მუშაობის ყოველწლიურ ანგა­რიშს;“;

ვ) მე-3 პუნქტს დაემატოს შემდეგი შინაარსის ლ¹ ქვეპუნქტი:

„ლ¹) საქართველოს კანონმდებლობის შესაბამისად, გამოს­ცემს ინდივიდუალურ ადმინისტრაციულ-სამართლებრივ აქტებს;“.

4. წესდებას დაემატოს შემდეგი შინაარსის 5¹ მუხლი:

    „მუხლი 5¹. ინტერესთა კონფლიქტი

დაუშვებელია ფონდის მიერ გამოცხადებული საგრანტო პრო­ექ­­ტების კონკურსში ამავე ფონდის თანამშრომლის მონაწი­ლეო­ბა.“.

5. მე-9 მუხლის:

ა) მე-2 პუნქტის „დ“ ქვეპუნქტი ჩამოყალიბდეს შემდეგი რე­დაქციით:

„დ) საშტატო განრიგისა და ხელფასის ფონდის განსაზღვ­რა;“;

ბ) მე-2 პუნქტს დაემატოს შემდეგი შინაარსის „ვ“ ქვეპუნქტი:

„ვ) თანამშრომელთა მატერიალური წახალისებისათვის გამო­სა­ყოფი სახსრების, აგრეთვე საჯარო სამართლის იურიდიული პი­რის მიერ შე­სა­ძენი საწვავისა და გასაწევი საკომუნიკაციო ხარ­ჯების ლიმიტების განსაზღვრა.“.

    მუხლი 2

დადგენილება ამოქმედდეს გამოქვეყნებისთანავე.

პრემიერ-მინისტრი ნ. გილაური