ახალქალაქის მუნიციპალიტეტის საპატიო მოქალაქის წოდების მინიჭების წესის დამტკიცების შესახებ

ახალქალაქის მუნიციპალიტეტის საპატიო მოქალაქის წოდების მინიჭების წესის დამტკიცების შესახებ ახალქალაქის მუნიციპალიტეტის საკრებულოს დადგენილება  №47 2018 წლის 31 ოქტომბერი ქ. ახალქალაქი ახალქალაქის მუნიციპალიტეტის საპატიო მოქალაქის წოდების მინიჭების წესის დამტკიცების  შესახებ „ადგილობრივი თვითმმართველობის კოდექსი“ საქართველოს ორგანული კანონის 24-ე მუხლის  პირველი პუნქტის  „ა.დ“ ქვეპუნქტისა და 61-ე მუხლის მე-2 პუნქტის  შესაბამისად, ახალქალაქის  მუნიციპალიტეტის საკრებულო ადგენს: 1. დამტკიცდეს  ახალქალაქის  მუნიციპალიტეტის საპატიო  მოქალაქის  წოდების   მინიჭების   წესი   დანართის   შესაბამისად. 2. დადგენილება ამოქმედდეს გამოქვეყნებისთანავე. ახალქალაქის მუნიციპალიტეტის საკრებულოს თავმჯდომარენაირი ირიციან დანართი №1 ახალქალაქის მუნიციპალიტეტის საპატიო მოქალაქის წოდების მინიჭების  წესი მუხლი 1🔗. ზოგადი  დებულებები 1. ეს წესი განსაზღვრავს ახალქალაქის  მუნიციპალიტეტის საპატიო მოქალაქის მინიჭების მექანიზმის სამართლებრივ საფუძვლებს და მისი განხილვის პროცედურებს. 2. საზოგადოების სულიერ, მორალურ, სოციალურ, კულტურულ და ეკონომიკურ პროგრესს განაპირობებს საზოგადოების თითოეული წევრის ღვაწლი, მისი ცხოვრების სტილი და საქმიანობა, რაც განსაზღვრავს მის ადგილს საზოგადოებაში და საზოგადოების დამოკიდებულებას მის მიმართ. ახალქალაქის  მუნიციპალიტეტის საპატიო მოქალაქის წოდების მინიჭება იქნება ერთგვარი ხელშემწყობი ფაქტორი ღვაწლმოსილ პიროვნებათა დამსახურების აღიარებისა და მომავალი თაობების ღირსეულად აღზრდისათვის. 3. ახალქალაქის  მუნიციპალიტეტის საპატიო მოქალაქის წოდება შეიძლება  მიენიჭოს საქართველოს მოქალაქეს, ასევე უცხო ქვეყნის მოქალაქესა და მოქალაქეობის  არმქონე პირს, რომელსაც თავისი საზოგადოებრივი, პროფესიონალური,  სამეცნიერო  ან/და  სხვა  საქმიანობით (მოღვაწეობით) აქვს: ა) განსაკუთრებული დამსახურება ახალქალაქის მუნიციპალიტეტის  ან/და  საქართველოს წინაშე; ბ) მნიშვნელოვანი წვლილი შეტანილი ახალქალაქის მუნიციპალიტეტის ან/და საქართველოს განვითარების საქმეში; გ) მნიშვნელოვანი წვლილი შეტანილი ახალქალაქის  მუნიციპალიტეტთან მეგობრული კავშირების განმტკიცებაში. 4. ახალქალაქის მუნიციპალიტეტის საპატიო მოქალაქის წოდება მიენიჭება პირს სიცოცხლეში   ერთხელ. მუხლი 2🔗. ახალქალაქის  მუნიციპალიტეტის საპატიო მოქალაქის  წოდების  მისანიჭებლად კანდიდატურის წამოყენების წესი და პირობები 1. ახალქალაქის  მუნიციპალიტეტის საპატიო მოქალაქის წოდების მისანიჭებლად კანდიდატურის წამოყენების უფლება აქვს: ა) საზოგადოებრივ, პროფესიულ, შემოქმედებით კავშირებსა და ორგანიზაციებს; ბ) მუნიციპალიტეტის მერს; გ) საკრებულოს თავმჯდომარეს; დ) საკრებულოს სიითი შემადგენლობის 1/3-ს; ე) მოქალაქეთა საინიციატივო ჯგუფს, მუნიციპალიტეტის ამომრჩეველთა არანაკლებ 1%-ის ხელმოწერით; ვ) ახალქალაქის  მუნიციპალიტეტის საკრებულოს საზოგადოებრივ დარბაზს. 2.  კანდიდატურის  წარდგენა  ხორციელდება  წერილობითი  ფორმით, რასაც თან  უნდა   ერთოდეს: ა) ახალქალაქის  მუნიციპალიტეტის საპატიო მოქალაქის წოდების მისანიჭებლად კანდიდატურის წარმდგენი უფლებამოსილი ორგანიზაციის  ან პირების  რეკომენდაცია  წარდგენილი  კანდიდატის  ღვაწლის და დამსახურების აღნიშვნით; ბ) ბიოგრაფიული მონაცემები; გ) კანდიდატის  ღვაწლისა და დამსახურების ამსახველი დოკუმენტური მასალები (ასეთის არსებობის შემთხვევაში); დ) წარდგენილი კანდიდატის პირადობის დამადასტურებელი დოკუმენტის ასლი. მუხლი 3🔗. ახალქალაქის მუნიციპალიტეტის საპატიო მოქალაქის წოდების მინიჭების  პროცედურები    1. ამ წესის მე-2 მუხლის მე-2 პუნქტით განსაზღვრული დოკუმენტები წარედგინება ახალქალაქის  მუნიციპალიტეტის მერის მიერ ინდივიდუალური ადმინისტრაციულ-სამართლებრივი აქტის (ბრძანების) საფუძველზე შექმნილ ახალქალაქის მუნიციპალიტეტის საპატიო მოქალაქის წოდების მინიჭების სამუშაო ჯგუფს (შემდგომში – სამუშაო ჯგუფი). 2. წარდგენილი კანდიდატის შესახებ ცნობების შეჯერებას და განხილვას აწარმოებს სამუშაო ჯგუფი. 3. ახალქალაქის მუნიციპალიტეტის საპატიო მოქალაქის წოდების მინიჭების სამუშაო ჯგუფს: ა) სხდომა მოიწვევა საჭიროებისამებრ, მუნიციპალიტეტის მერის მიერ, ახალქალაქის მუნიციპალიტეტის საპატიო მოქალაქის წოდების მინიჭების საკითხის განსახილველად; ბ) შემადგენლობაში შედიან საზოგადოების და მუნიციპალიტეტის (საკრებულოს წევრები, მერიის მოხელეები) წარმომადგენლები პარიტეტულ საწყისებზე; გ) თავმჯდომარეს ირჩევს სამუშაო ჯგუფი საკუთარი შემადგენლობიდან სამუშაო ჯგუფის წევრთა ხმების უმრავლესობით; დ)  სხდომა  ფორმდება  ოქმით,  რომელსაც  ხელს  აწერს   თავმჯდომარე,  მდივანი  და  ყველა დამსწრე წევრი; ე) წევრს უფლება აქვს, თავისი განსხვავებული აზრი წერილობითი ფორმით დაურთოს ოქმს, რის შესახებაც ოქმში კეთდება შესაბამისი ჩანაწერი; ვ) ჯგუფი შეისწავლის საპატიო მოქალაქის წოდებაზე წარდგენილი კანდიდატის ღირსების, ღვაწლისა და დამსახურების შესახებ ხელთ არსებულ რეკომენდაციებს, ქალაქის წინაშე განსაკუთრებული ღვაწლისა და დამსახურების წერილობით მტკიცებულებებს; ზ) ჯგუფი გამოითხოვს და მოიპოვებს დამატებით ცნობებსა და ინფორმაციებს სახელმწიფო ორგანიზაციებისა და დაწესებულებების ხელმძღვანელებისაგან, ასევე, სხვა ნებისმიერი იურიდიული და ფიზიკური პირებისაგან, საქართველოს ზოგადი ადმინისტრაციული კოდექსის მე-3 თავით განსაზღვრული წესის შესაბამისად; თ) ჯგუფი სწავლობს კანდიდატურასთან დაკავშირებით შემოსულ განცხადებებს, სურვილებს, მოსაზრებებსა და წინადადებებს, ახდენს მათ შეჯერებას და იღებს გადაწყვეტილებას (რეკომენდაციას, დასკვნას), რაც აისახება სხდომის ოქმში, ახალქალაქის  მუნიციპალიტეტის საპატიო მოქალაქის წოდების მისანიჭებლად; ი) ჯგუფი გადაწყვეტილებას იღებს წევრთა სიითი შემადგენლობის უმრავლესობით; კ) სხდომაზე, კენჭისყრისას, ხმათა თანაბარი რაოდენობის შემთხვევაში, გადამწყვეტი ხმის უფლება აქვს სამუშაო ჯგუფის თავმჯდომარეს; ლ) გადაწყვეტილება (რეკომენდაცია, დასკვნა), დაფიქსირებული სხდომის ოქმში, წარედგინება ახალქალაქის მუნიციპალიტეტის მერს. 4. სამუშაო ჯგუფი შედგება არანაკლებ 11 წევრისაგან. სამუშაო ჯგუფი უფლებამოსილია, თუ მას ესწრება წევრთა სიითი შემადგენლობის ნახევარზე მეტი. 5. ახალქალაქის  მუნიციპალიტეტის მერი, ახალქალაქის  მუნიციპალიტეტის საპატიო მოქალაქის წოდების მინიჭებაზე  გადაწყვეტილებას  იღებს  ინდივიდუალურ-ადმინისტრაციულ  სამართლებრივი აქტის (ბრძანების) სახით. 6. ახალქალაქის მუნიციპალიტეტის მერის მიერ ახალქალაქის  მუნიციპალიტეტის საპატიო მოქალაქის წოდების მინიჭების თაობაზე გადაწყვეტილება, მიღებიდან ერთი კვირის ვადაში, ეცნობება  ახალქალაქის  მუნიციპალიტეტის საკრებულოს. მუხლი 4🔗. ახალქალაქის  მუნიციპალიტეტის  საპატიო მოქალაქის წოდების მინიჭებასთან დაკავშირებული სხვა დებულებანი  1. კანდიდატურის წარმდგენის მიერ, სამუშაო ჯგუფის მიერ დადებითი სარეკომენდაციო დასკვნის გაცემის შემდეგ ,წარმოდგენილი უნდა იქნეს: ა) კანდიდატის წერილობითი თანხმობა; ბ) კანდიდატის 2 (ორი) ფოტოსურათი, ზომით 3X4. 2. ახალქალაქის  მუნიციპალიტეტის საპატიო მოქალაქის წოდების მინიჭებისას მიმღებს გადაეცემა ახალქალაქის  მუნიციპალიტეტის საპატიო მოქალაქის წოდების დამადასტურებელი მოწმობა, რომლის დამზადებას, მერის შესაბამისი გადაწყვეტილების მიღებიდან ერთი კვირის ვადაში, უზრუნველყოფს ახალქალაქის  მუნიციპალიტეტის მერია.  3. ახალქალაქის  მუნიციპალიტეტის საპატიო მოქალაქის წოდების დამადასტურებელი მოწმობის ფორმას ბრძანებით ამტკიცებს ახალქალაქის მუნიციპალიტეტის მერი.  4. ახალქალაქის მუნიციპალიტეტის საპატიო მოქალაქის წოდების დამადასტურებელ მოწმობაზე  მუნიციპალიტეტის სახელით ხელს აწერს მუნიციპალიტეტის მერი. იგი დასტურდება მუნიციპალიტეტის მერიის ბეჭდით. 5. ახალქალაქის მუნიციპალიტეტის საპატიო მოქალაქის წოდება მიმღებს გადაეცემა საზეიმო ვითარებაში ან მის გარეშე. 6. ახალქალაქის მუნიციპალიტეტის საპატიო მოქალაქის წოდების მინიჭების შესახებ ჩანაწერები უნდა შესრულდეს სპეციალურ წიგნში სახელწოდებით „ახალქალაქის მუნიციპალიტეტის საპატიო მოქალაქის წოდება“, რომლის ელექტრონული ვერსია უნდა განთავსდეს, შესაბამისად, ახალქალაქის  მუნიციპალიტეტის საკრებულოსა  და  მერიის  ვებგვერდზე. 7. წიგნში ჩანაწერებს უზრუნველყოფს ახალქალაქის  მუნიციპალიტეტის მერია, სადაც აისახება ახალქალაქის  მუნიციპალიტეტის საპატიო მოქალაქის წოდების შესახებ სრული ინფორმაცია (ფოტოსურათი, ბიოგრაფია და ცნობები, წოდების მინიჭების მოტივაცია). მუხლი 5🔗. ახალქალაქის მუნიციპალიტეტის საპატიო მოქალაქის წოდების  ჩამორთმევის  საფუძვლები 1. პირს შეიძლება ჩამოერთვას ახალქალაქის  მუნიციპალიტეტის საპატიო მოქალაქის წოდება: ა) თუ სასამართლოს კანონიერ ძალაში შესული გადაწყვეტილებით დასტურდება მის მიერ ჩადენილი საქართველოს სისხლის სამართლის კოდექსით გათვალისწინებული განზრახ მძიმე ან განსაკუთრებით მძიმე დანაშაული; ბ) საპატიო მოქალაქის საკუთარი ინიციატივით, წერილობითი განცხადების წარმოდგენის  საფუძველზე; გ) საკრებულოს სიითი შემადგენლობის 2/3-ის მოთხოვნის საფუძველზე; დ) მუნიციპალიტეტის ტერიტორიაზე რეგისტრირებულ ამომრჩეველთა არანაკლებ 1%-ის მიერ წარმოდგენილი პეტიციის საფუძველზე. 2. ახალქალაქის  მუნიციპალიტეტის საპატიო მოქალაქის წოდების ჩამორთმევის უფლება აქვს ახალქალაქის  მუნიციპალიტეტის მერს, რომელიც გადაწყვეტილებას იღებს ახალქალაქის  მუნიციპალიტეტის საპატიო მოქალაქის  წოდების  მინიჭების  სამუშაო  ჯგუფის  დასკვნის  (რეკომენდაციის) საფუძველზე. მუხლი 6🔗. გარდამავალი დებულებანი ახალქალაქის  მუნიციპალიტეტის მოქალაქის წოდების მინიჭების წესში ცვლილებისა ან/და დამატების შეტანა ხორციელდება  ახალქალაქის  მუნიციპალიტეტის  საკრებულოს  მიერ, მოქმედი კანონმდებლობის შესაბამისად.