ლაგოდეხის მუნიციპალიტეტის სოფელ თამარიანში, სკოლის ქუჩისათვის, აფხაზეთის ომში გმირულად დაღუპული მებრძოლის, გიორგი დუღაშვილის სახელის მინიჭების შესახებ

ლაგოდეხის მუნიციპალიტეტის საკრებულო ს

განკარგულება №15-ი

2018 წლის 2 ნოემბერი

ლაგოდეხის მუნიციპალიტეტის სოფელ თამარიანში, სკოლის ქუჩისათვის, აფხაზეთის ომში გმირულად დაღუპული მებრძოლის – გიორგი დუღაშვილის სახელის მინიჭების შესახებ

საქართველოს ორგანული კანონის „ადგილობრივი თვითმმართველობის კოდექსი “ 24-ე მუხლის პირველი პუნქტის „ა.ე“ ქვეპუნქტისა და საქართველოს მთავრობის 2015 წლის 1 ივნისის №239 დადგენილების „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ შესაბამისად, ლაგოდეხის მუნიციპალიტეტის საკრებულოს განკარგულებით:

    მუხლი 1

მიენიჭოს აფხაზეთის ომში გმირულად დაღუპული მებრძოლის – გიორგი დუღაშვილის სახელი ლაგოდეხის მუნიციპალიტეტის სოფელ თამარიანში სკოლის ქუჩას, თანდართული რუკის შესაბამისად.

    მუხლი 2

ამ განკარგულების საფუძველზე, ლაგოდეხის მუნიციპალიტეტის მერიამ, ოთხი თვის ვადაში უზრუნველყოს კანონმდებლობით დადგენილი წესის შესაბამისად, საჭირო ღონისძიებების განხორციელება.

    მუხლი 3

ეს განკარგულება, მისი მიღებიდან 10 დღის ვადაში გადაეგზავნოს საქართველოს იუსტიციის სამინისტროს მმართველობის სფეროში მოქმედ სსიპ-ს – სახელმწიფო სერვისების განვითარების სააგენტოს, საქართველოს შინაგან საქმეთა სამინისტროს, საქართველოს ცენტრალურ საარჩევნო კომისიას, საჯარო რეესტრის ეროვნულ სააგენტოს და სსიპ „საქართველოს საკანონმდებლო მაცნეს“ გამოსაქვეყნებლად.

    მუხლი 4

განკარგულება ძალაშია გამოქვეყნებისთანავე.

    მუხლი 5

განკარგულების გასაჩივრება შესაძლებელია კანონმდებლობით დადგენილი წესით, გამოქვეყნებიდან ერთი თვის ვადაში, გურჯაანის რაიონულ სასამართლოში, მისამართი: ქ. გურჯაანი, სანაპიროს ქ. №24.

 

ლაგოდეხის მუნიციპალიტეტის

საკრებულოს თავმჯდომარის მოვალეობის შემსრულებელი                              გიორგი ღამბაშიძე