მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ

✨ ჰკითხე AI-ს ამ კანონის შესახებ

მიღების თარიღი

05.03.2019 ბოლო ცვლილება 17.02.2022

გამომცემი ორგანო

საქართველოს გარემოს დაცვისა და სოფლის მეურნეობის მინისტრი

ნომერი

№2-206

სარეგისტრაციო კოდი

340050000.22.023.016574

გამოქვეყნების წყარო

matsne.gov.ge , 05/03/2019

🧬 მსგავსი 10

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

ცვლილებები (1)

„მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ“ საქართველოს გარემოს დაცვისა და სოფლის მეურნეობის მინისტრის 2019 წლის 5 მარტის №2-206 ბრძანებაში ცვლილების შეტანის შესახებ

17.02.2022

05.03.2019 17.02.2022

დოკუმენტის ტექსტი

📑 სარჩევი (7 მუხლი)

საქართველოს გარემოს დაცვისა და სოფლის მეურნეობის მინისტრის

ბრძანება №2-206

2019 წლის 5 მარტი

ქ. თბილისი

მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ

„ვაზისა და ღვინის შესახებ“ საქართველოს კანონის 33⁶ მუხლის 1² პუნქტის „თ“ ქვეპუნქტის საფუძველზე, ვბრძანებ :

მუხლი 1

დამტკიცდეს თანდართული „მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობები“.

მუხლი 2

ეს ბრძანება ამოქმედდეს გამოქვეყნებიდან 30-ე დღეს და გავრცელდეს მეღვინეობის პროდუქციის მიმართ ამ ბრძანების ამოქმედებამდე დაწყებულ ოპერაციებზე.

საქართველოს გარემოს დაცვისა და სოფლის მეურნეობის მინისტრი		ლევან დავითაშვილი

მევენახეობა-მეღვინეობის პრაქტიკაში ტექნილოგიური და ბუნებრივი დანაკარგების ზღვრული ოდენობები

მუხლი 1. ზოგადი დებულებები

მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობები ადგენს მევენახეობა-მეღვინეობის პრაქტიკაში შენახვისა და ტექნოლოგიური პროცესების ჩატარებისას მეღვინეობის პროდუქციის, აგრეთვე, შუშისა და კერამიკის ბოთლების, საცობის, ჩაჩის, ეტიკეტის, ყუთისა და ცვილის დანაკარგების მაქსიმალურ ზღვრულ ნორმებს, რომლებიც გამოიყენება მხოლოდ მათი ფაქტობრივი დანაკლისის გამოვლენის შემთხვევაში.

მუხლი 2. ტერმინთა განმარტება

ამ წესის მიზნებისათვის გამოყენებულ ტერმინებს აქვთ შემდეგი მნიშვნელობა:

ა) მეღვინეობის პროდუქცია – მეღვინეობის პრაქტიკაში ყურძნისგან წარმოებული პროდუქტები – ღვინო, ღვინისა და ჭაჭის დისტილატები, ყურძნისეული წარმოშობის სპირტი, ბრენდი, ჭაჭის არაყი, მაგარი სასმელი და კონცენტრირებული ყურძნის ტკბილი;

ბ) მეღვინეობის პროდუქციის მოცულობა – მეღვინეობის პროდუქციის მოცულობა დეკალიტრებში, 20⁰C ტემპერატურაზე გადაანგარიშებით;

გ)მეღვინეობის პროდუქციის ბუნებრივი დანაკარგების ნორმა – მეღვინეობის პროდუქციის დანაკარგის დასაშვები, ზღვრული ოდენობა, რომელიც გამოწვეულია განხორციელებული ტექნოლოგიური პროცესებითა და ბუნებრივი აშრობა-დანაკარგებით და რომელიც განისაზღვრება პროცენტული მაჩვენებლით მეღვინეობის პროდუქციის საწყის მოცულობასთან მიმართებაში.

მუხლი 3. მეღვინეობის პროდუქციის დანაკარგის ჩამოწერა

1. ღვინის ფაქტობრივი გამოსავალი ერთი ტონა ყურძნიდან განისაზღვრება „მევენახეობა-მეღვინეობის პრაქტიკაში ტექნოლოგიური პროცესების აღრიცხვისა და შეტყობინების წესის განსაზღვრის შესახებ“ საქართველოს გარემოს დაცვისა და სოფლის მეურნეობის მინისტრის 2019 წლის 24 იანვრის №2-78 ბრძანებით დამტკიცებული „მევენახეობა მეღვინეობის პრაქტიკაში ტექნოლოგიური პროცესების აღრიცხვისა და შეტყობინების წესის“ დანართ №17-ში მითითებული მონაცემებით.

2. ღვინის შენახვისა და ტექნოლოგიური დამუშავების დროს ბუნებრივი დანაკარგების ნორმების გამოყენება დასაშვებია მისი (ღვინის) ლექიდან მოხსნის შემდეგ.

3. მეღვინეობის პროდუქციის ფაქტობრივი დანაკარგების გამოვლენა ხორციელდება მხოლოდ დანაკლისის ფაქტის გამოვლენის შემთხვევაში, ხოლო მათი ჩამოწერა – იმ დოკუმენტების შესაბამისად, რომლებიც ადასტურებენ ტექნოლოგიური პროცესების ჩატარებასა და ამ პროცესებში მონაწილე პროდუქციის მოცულობას.

4. ღვინის შენახვისა და დაძველების მთელი პერიოდის განმავლობაში დანაკარგის გაანგარიშებას აწარმოებენ ყოველთვიურად, ღვინის საშუალო თვიური რაოდენობის გათვალისწინებით. ღვინის საშუალო თვიური რაოდენობის გაანგარიშება ხდება მისი ყოველდღიური ნაშთების ჯამის გაყოფით მოცემული თვის კალენდარულ დღეთა რაოდენობაზე.

5. ღვინის ტექნოლოგიური კომპლექსური დამუშავების დროს საერთო დანაკარგი გამოითვლება ფაქტობრივად განხორციელებულ თითოეულ ოპერაციაზე დანაკარგთა დაჯამებით.

6. ღვინის ფილტრაციისა და თბური დამუშავების დროს ოპერაციათა დანაკარგს ემატება გადატუმბვის დანაკარგებიც 0,09%-ის ოდენობით.

7. მეღვინეობის პროდუქციის მათ შორის სპირტებისა და დისტილატების დანაკარგების გაანგარიშება შენახვისა და დაძველებისას ხორციელდება ამ მუხლის შესაბამისად.

მუხლი 4. მეღვინეობის პროდუქციის აღწერა

მ ეღვინეობის პროდუქციის აღწერა ხდება:

ა) ღვინის – დეკალიტრებში, 20⁰C ტემპერატურაზე გადაანგარიშებით;

ბ) ღვინისა და ჭაჭის დისტილატების, ყურძნისეული წარმოშობის სპირტის, ბრენდის, ჭაჭის არყის და მაგარი სასმელის – დეკალიტრებში, 20⁰C ტემპერატურაზე გადაანგარიშებით და აგრეთვე, დეკალიტრებში, აბსოლუტურ ალკოჰოლზე (შემდგომში – ა.ა.) გადაანგარიშებით;

გ) კონცენტრირებული ყურძნის ტკბილის – დეკალიტრებში, 20⁰C ტემპერატურაზე გადაანგარიშებით და კილოგრამებში;

დ) ბოთლების, ჩაჩის, ეტიკეტის, ყუთის – ცალებში;

ე) ცვილის – კილოგრამებში.

მუხლი 5. მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობები

	ოპერაცია	მოცემულ ოპერაციაზე გადაცემული მოცულობის (რაოდენობის) მიმართ დანაკარგის დასაშვები მაქსიმალური ოდენობა, (%-ში)
1.	ღვინო
ა)	შენახვა რეზერვუარში (ყოველთვიურად)	0,05
ბ)	შენახვა ქვევრში (ყოველთვიურად)	0,075
გ)	დაძველება, შენახვა კასრებში (ყოველთვიურად)	0,2
დ)	კუპაჟის, ეგალიზაციის, ასამბლაჟის დროს ღვინის გადატუმბვა საკუპაჟე ჭურჭელში, გადარევა და გადატუმბვა საკუპაჟე ჭურჭლიდან (0,09%+0,06%+0,09%)	0,24
ე)	კუპაჟის დროს ღვინის გადატუმბვა საკუპაჟე ჭურჭელში, გადარევა, გაწებვა და გადატუმბვა დასაწდომ ჭურჭელში (0,09%+0,06%+0,07%+0,09%)	0,31
ვ)	ფილტრაცია ფილტრკარტონის გამოყენებით (0,09%+0,15%)	0,24
ზ)	ფილტრაცია დიატომიტის გამოყენებით (0,09%+0,03%)	0,12
თ)	სიცივით დამუშავება დაყოვნებით (0,09%+0,17%)	0,26
ი)	სითბოთი დამუშავება დაყოვნების გარეშე (0,09%+0,11%)	0,20
კ)	ჩამოსხმა	0,37
2.	სპირტები, დისტილატები
ა)	შენახვა რეზერვუარში (ყოველთვიურად, ა.ა.)	0,05
ბ)	დაძველება ცისტერნაში ტკეჩზე (ყოველთვიურად, ა.ა.)	0,08
გ)	დაძველება კასრში (ყოველთვიურად, ა.ა.)	0,33
დ)	გადატუმბვა სატრანსპორტო კონტეინერიდან სტაციონალურ ცისტერნაში და პირიქით – სტაციონალური ცისტერნიდან სატრანსპორტო კონტეინერში	0,16
3.	სპირტებისა და დისტილატების დანაკარგები სპირტიანი სასმელების დამზადებისას
ა)	გადატუმბვა ერთი ჭურჭლიდან მეორეში	0,16
ბ)	დარევა (ეგალიზაციის, კუპაჟის, გაწებვის დროს)	0,07
გ)	ფილტრაცია (შეწოვა საფილტრავი მასალის ფენის მიერ და უშუალოდ ფილტრზე)	0,09
დ)	გაწებვა	0,08
ე)	სიცივით დამუშავება დაყოვნებით	0,3
4.	სპირტიანი სასმელები
ა)	შენახვა რეზერვუარში (ყოველთვიურად)	0,04
ბ)	შენახვა კასრში (ყოველთვიურად)	0,23
გ)	ჩამოსხმა	0,54
5.	კონცენტრირებული ყურძნის ტკბილი
ა)	შენახვა კონტეინერში, კასრში, ცისტერნაში (ყოველთვიურად)	0,06
6.	შესაფუთი მასალები
ა)	შუშის ბოთლი (ჩამოსხმისას)	0.5
ბ)	კერამიკის ბოთლი (ჩამოსხმისას)	0.5
გ)	საცობი (ჩამოსხმისას)	0,5
დ)	ჩაჩი (ჩამოსხმისას)	0,5
ე)	ეტიკეტი (გაფორმებისას)	0,5
ვ)	ყუთი (შეფუთვისას)	0,5
ზ)	ცვილი (გაფორმებისას)	0,5

ხშირად დასმული კითხვები

მოქმედებს თუ არა „მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ“?: დიახ, საქართველოს მინისტრის ბრძანება „მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ“ ამჟამად ძალაშია. ბოლო კონსოლიდირებული რედაქცია — 17.02.2022.
როდის იქნა მიღებული „მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ“?: „მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ“ მიღებულია 05.03.2019. მიმღები ორგანო — საქართველოს გარემოს დაცვისა და სოფლის მეურნეობის მინისტრი. დოკუმენტის ნომერი — №2-206. სარეგისტრაციო კოდი — 340050000.22.023.016574.
რამდენჯერ შევიდა ცვლილება „მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ“-ში?: დოკუმენტში სულ 1 ცვლილებაა შესული. მოქმედი რედაქცია ძალაშია 17.02.2022-დან.
რამდენი მუხლისგან შედგება „მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ“?: დოკუმენტი შედგება 7 მუხლისგან. თითოეული მუხლი ხელმისაწვდომია ცალკე ბმულით.
სად არის „მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ“-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 17.02.2022 მდგომარეობით.

როგორ დავიმოწმოთ

საქართველოს მინისტრის ბრძანება „მევენახეობა-მეღვინეობის პრაქტიკაში ტექნოლოგიური და ბუნებრივი დანაკარგების ზღვრული ოდენობების განსაზღვრის შესახებ“, №2-206, 05.03.2019, სარეგისტრაციო კოდი 340050000.22.023.016574 (კონსოლიდირებული რედაქცია 17.02.2022). ხელმისაწვდომია: https://legali.ge/law/4475042/