კასპის მუნიციპალიტეტის სახელით მოასპარეზე მაღალი სპორტული შედეგების მქონე სპორტსმენების და მათი მწვრთნელების წახალისების მიზნით, ფულადი ჯილდოს დაწესების თაობაზე

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 და მე-4 პუნქტების, 61-ე მუხლის 1-ლი და მე-2 პუნქტების, ასევე, „სპორტის შესახებ“ საქართველოს კანონის მე-7 მუხლის საფუძველზე, კასპის მუნიციპალიტეტის საკრებულო ადგენს:

მუხლი 1🔗

დაწესდეს კასპის მუნიციპალიტეტის სახელით მოასპარეზე მაღალი სპორტული შედეგების მქონე სპორტსმენების წახალისების მიზნით, ფულადი ჯილდო და მისი ოდენობები განისაზღვროს დანართი №1-ის შესაბამისად.

მუხლი 2🔗

წლის განმავლობაში ერთი სპორტსმენის მიერ  სპორტის ერთსა და იმავე სახეობაში, სხვადასხვა ჩემპიონატში  ერთი ან მეტი საპრიზო ადგილის დაკავების შემთხვევაში, სპორტსმენს ერთჯერადად გადაეცეს სრული ფულადი ჯილდო.

მუხლი 3🔗

მწვრთნელს წლის განმავლობაში სპორტსმენის მიერ სპორტის ერთსა და იმავე სახეობაში, სხვადასხვა ჩემპიონატში, ჩემპიონობის მოპოვების შემთხვევაში ერთჯერადად გადაეცეს სპორტსმენზე დადგენილების დანართი №1-ით  გათვალისწინებული სრული ფულადი ჯილდოს 50%.

მუხლი 4🔗

ფულადი ჯილდო გადაეცეთ მხოლოდ იმ მწვრთნელებს, რომლებიც სასწავლო-საწვრთნელ საქმიანობას ახორციელებენ კასპის მუნიციპალიტეტის მიერ დაფუძნებულ სპორტულ დაწესებულებებში და რომელთა მიერ მომზადებულმა კასპის მუნიციპალიტეტში რეგისტრირებულმა სპორტსმენმა დაიკავეს დადგენილების დანართი №1-ით განსაზღვრული საპრიზო ადგილები.

მუხლი 5🔗

დადგენილება ამოქმედდეს გამოქვეყნებისთანავე.კასპის მუნიციპალიტეტის საკრებულოს თავმჯდომარედავით ლეონიძე