კასპის მუნიციპალიტეტის სახელით მოასპარეზე მაღალი სპორტული შედეგების მქონე სპორტსმენების და მათი მწვრთნელების წახალისების მიზნით, ფულადი ჯილდოს დაწესების თაობაზე

საქართველოს ორგანული კანონის  ,,ადგილობრივი თვითმმართველობის კოდექსის“ მე-16 მუხლის მე-4 ნაწილის, 24-ე მუხლის მე-2 ნაწილის, 61-ე  მუხლის 1-ლი და მე-2 ნაწილის,საქართველოს ორგანული კანონის „ნორმატიული აქტების შესახებ“  25-ე მუხლის  1-ლი პუნქტის „ბ“ ქვეპუნქტის და საქართველოს კანონის „ზოგადი ადმინისტრაციული კოდექსის“ 61-ე მუხლის შესაბამისად, კასპის მუნიციპალიტეტის საკრებულო ადგენს :

დაწესდეს „საქართველოს სპორტსმენთა ხელშეწყობის სახელმწიფო მიზნობრივი პროგრამის დამტკიცების შესახებ“ საქართველოს მთავრობის 2014 წლის 6 ივნისის N39 დადგენილებით გათვალისწინებულ სპორტულ სახეობებში,  კასპის მუნიციპალიტეტის სახელით მოასპარეზე მაღალი სპორტული შედეგების მქონე სპორტსმენების და მათი მწვრთნელების წახალისების მიზნით, ფულადი ჯილდო და მისი ოდენობები   განისაზღვროს დანართი N1-ის შესაბამისად;

ძალადაკარგულად გამოცხადდეს „კ ასპის მუნიციპალიტეტის სახელით მოასპარეზე მაღალი სპორტული შედეგების მქონე სპორტსმენების და მათი მწვრთნელების წახალისების მიზნით, ფულადი ჯილდოს დაწესების თაობაზე“ კასპის მუნიციპალიტეტის საკრებულოს 2019 წლის 15 მარტის №8 დადგენილება (www.matsne.gov.ge 21/03/2019,  010250000.35.149.016397).

წლის განმავლობაში მიღწეული ყოველი წარმატების შემთხვევაში სპორტსმენს გადაეცეს დადგენილებით დაწესებული ფულადი ჯილდო.