კასპის მუნიციპალიტეტის ტერიტორიაზე მდებარე უფასო სასადილოში ბენეფიციარების შერჩევის წესის დამტკიცების შესახებ

საქართველოს ორგანული კანონის  ,,ადგილობრივი თვითმმართველობის კოდექსი“მე-16 მუხლის მე-3 და მე-4 პუნქტების, 61-ე  მუხლის 1-ლი და მე-2 პუნქტების, საქართველოს კანონის ,,საქართველოს ზოგადი ადმინისტრაციული კოდექსი“ 61-ე მუხლის ა და ,,ნორმატიული აქტების შესახებ“ საქართველოს ორგანული კანონის 25-ე მუხლის 1-ლი პუნქტის „ბ“ ქვეპუნქტის შესაბამისად, კასპის მუნიციპალიტეტის საკრებულო ადგენს:

კასპის მუნიციპალიტეტის ტერიტორიაზე უფასო სასადილოში ბენეფიციარების შერჩევის წესის მიზანია განისაზღვროს უფასო სასადილოს ფუნქციონირებაზე პასუხისმგებელი ორგანოები და დადგინდეს კრიტერიუმები, რომელთა მიხედვითაც მოხდება პირთა რეგისტრაცია და განაწილება სასადილოში.

ა) უფასო სასადილო – მუნიციპალიტეტის ტერიტორიაზე არსებული კვების ობიექტი, რომელიც უსასყიდლოდ ემსახურება მუნიციპალიტეტის ტერიტორიაზე რეგისტრირებულ ბენეფიციარებს;

ბ) ბენეფიციარი – პირი, რომელიც სარგებლობს უფასო სასადილოს მომსახურებით, არის სოციალურად დაუცველი სარეიტინგო ქულით 0-დან 90 001-მდე;

გ) მერია – კასპის მუნიციპალიტეტის ორგანო, რომელიც უზრუნველყოფს უფასო სასადილოს ფუნქციონირებას;

დ) რეგისტრაცია – აღრიცხვა ბენეფიციარად;

ე)საცხოვრებელი ადგილი – ბენეფიციარის იურიდული მისამართი (ბენეფიციარი რეგისტრირებული უნდა იყოს კასპის მუნიციპალიტეტის ტერიტორიაზე).

უფასო სასადილოში დასარეგისტრირებელ ბენეფიციართა საერთო რაოდენობა განისაზღვრება არაუმეტეს 80 ბენეფიციარით.

1 . უფასო სასადილოში ბენეფიციარად რეგისტრაციის მიზნით პირი განცხადებით მიმართავს კასპის  მუნიციპალიტეტის მერიას. განცხადებას თან უნდა ახლდეს ამ წესის მე-5 მუხლის 1-ლი პუნქტით გათვალისწინებული გარემოებების დამადასტურებელი დოკუმენტები.

2. კასპის მუნიციპალიტეტის მერია განცხადებას განიხილავს და არაუგვიანეს 10 დღის ვადაში იღებს გადაწყვეტილებას ბენეფიციარად რეგისტრაციის ან რეგისტრაციაზე უარის თქმის შესახებ.

უფასო სასადილოთი სარგებლობის უფლება აქვთ კასპის მუნიციპალიტეტის ტერიტორიაზე რეგისტრირებულ და მცხოვრებ მოქალაქეებს, რომლთა ოჯახების სარეიტინგო ქულა სოციალურად დაუცველთა  მონაცემთა ერთიან ბაზაში შეადგენს 0-დან 90 001-მდე, რაც დასტურდება სსიპ – სოციალური მომსახურების სააგენტოს მიერ გაცემული შესაბამისი დოკუმენტაციით.

კასპის მუნიციპალიტეტის მერია უფლებამოსილია, უარი განაცხადოს პირის რეგისტრაციაზე იმ შემთხვევაში, თუ განმცხადებელი ვერ აკმაყოფილებს ამ წესის მე-5 მუხლით განსაზღვრულ კრიტერიუმებს ან/და შევსებულია ბენეფიციართა რაოდენობა.

კასპის მუნიციპალიტეტის მერია იღებს გადაწყვეტილებას ბენეფიციარის რეგისტრაციიდან მოხსნის თაობაზე, თუ:

ა) ბენეფიციარმა პირადი განცხადებით მიმართა მერიას აღნიშნულის შესახებ;

ბ) ბენეფიციარი  აღარ  აკმაყოფილებს ამ წესის მე-5 მუხლით დადგენილ კრიტერიუმებს;

გ) ბენეფიციარმა შეიცვალა რეგისტრაციის ადგილი, აღარ არის რეგისტრირებული კასპის მუნიციპალიტეტის ტერიტორიაზე;

დ) ბენეფიციარი 10 კალენდარული დღის განმავლობაში არ სარგებლობს უფასო სასადილოს მომსახურებით და აღნიშნული არ არის გამოწვეული ავადმყოფობით;

ე) ბენეფიციარი გარდაიცვალა.

1. პირი, რომელიც აღნიშნული წესის ამოქმედებამდე სარგებლობდა უფასო სასადილოს მომსახურებით, ბენეფიციარად შეიძლება დარეგისტრირდეს მერიის მიერ ამ წესის მე-4 მუხლის 1-ლი პუნქტით გათვალისწინებული პროცედურების გარეშე.