გორის მუნიციპალიტეტის საკრებულოს განკარგულება №123 - გეოგრაფიული ობიექტის სახელდების შესახებ

გორის მუნიციპალიტეტის საკრებულოს განკარგულება №123 - გეოგრაფიული ობიექტის სახელდების შესახებ გორის მუნიციპალიტეტის საკრებულოს განკარგულება №123 2019 წლის 14 ივნისი ქალაქი გორი გეოგრაფიული ობიექტის სახელდების შესახებ გორის მუნიციპალიტეტის მერმა წარმოგვიდგინა ინიციატივა, გორის მუნიციპალიტეტის სოფელ ფლავში მდებარე სპორტულ მოედანს (ს/კ 66.48.04.293) დაერქვას 1993 წლის სექტემბერში აფხაზეთის ომში დაღუპული სერჟანტის – მალხაზ ჯავახიშვილის სახელი. გეოგრაფიული ობიექტის აღწერა შემდეგია: ნაკვეთის ზუსტი ფართობია  8147 კვ.მ, რომელსაც ჩრდილოეთიდან ესაზღვრება – საბავშვო ბაღი (ს/კ 66.48.04.069); აღმოსავლეთით – დაურეგისტრირებელი სასოფლო-სამეურნეო დანიშნულების მიწის ნაკვეთი; სამხრეთით – სასოფლო-სამეურნეო დანიშნულების მიწის ნაკვეთი (ს/კ 66.48.10.080); დასავლეთით – სასოფლო-სამეურნეო დანიშნულების მიწის ნაკვეთი (ს/კ 66.48.04.211). გეოგრაფიული ობიექტების სახელწოდებათა დადგენის, ნორმალიზების, გამოყენების, რეგისტრაციის, აღრიცხვისა და დაცვის მიზნით გეოგრაფიული ობიექტების სახელწოდებათა სფეროში მოქმედი სამთავრობო კომისიის 2019 წლის 7 მაისის №15 სხდომის ოქმით მიღებული თანხმობის შემთხვევაში  „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილების მე-7 მუხლის 1-ლი პუნქტის შესაბამისად, გეოგრაფიული ობიექტის სახელდების შესახებ გადაწყვეტილებას იღებს მუნიციპალიტეტის საკრებულო. საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „პ“ ქვეპუნქტის, 24-ე მუხლის 1-ლი პუნქტის „ა.ე“ ქვეპუნქტის და 61-ე მუხლის პირველი და მე-2 პუნქტების, შესაბამისად: 1. გორის მუნიციპალიტეტის სოფელ ფლავში მდებარე უსახელო გეოგრაფიულ ობიექტს – სპორტულ მოედანს (ს/კ 66.48.04.293), რომლის აღწერაა: ნაკვეთის ზუსტი ფართობი  8147 კვ.მ, რომელსაც ჩრდილოეთიდან ესაზღვრება საბავშვო ბაღი (ს/კ 66.48.04.069); აღმოსავლეთით – დაურეგისტრირებელი სასოფლო-სამეურნეო დანიშნულების მიწის ნაკვეთი; სამხრეთით – სასოფლო-სამეურნეო დანიშნულების მიწის ნაკვეთი (ს/კ 66.48.10.080); დასავლეთით – სასოფლო-სამეურნეო დანიშნულების მიწის ნაკვეთი (ს/კ 66.48.04.211), ეწოდოს მალხაზ ჯავახიშვილის სახელი. 2. განკარგულება ამოქმედდეს ხელმოწერისთანავე. 3. განკარგულების გასაჩივრება შესაძლებელია დაინტერესებული მხარის მიერ მისი გაცნობის დღიდან ერთი თვის განმავლობაში, სარჩელის წარდგენის გზით გორის რაიონულ სასამართლოში (მისამართი: ქალაქი გორი; სერგო ჯორბენაძის ქ. №30). საკრებულოს თავმჯდომარე                                     დავით რაზმაძე