საშუალო პროფესიულ საგანმანათლებლო პროგრამაში ზოგადი განათლების საშუალო საფეხურის სწავლის შედეგების ინტეგრირების წესის და პირობების დამტკიცების შესახებ

2. ინტეგრირების მიზნებისათვის, პროფესიული საგანმანათლებლო სტანდარტების ზოგადი მოდულებისა და  ეროვნული სასწავლო გეგმის საშუალო საფეხურის სავალდებულო საგანთა ჯგუფის გაერთიანებით, დამტკიცდეს  ინტეგრირებული ზოგადი მოდულები:

ა)  „კომუნიკაცია ქართულ ენაზე“ – ამ წესის დანართი №1-ის შესაბამისად;

ბ)  „მათემატიკური წიგნიერება“ –  ამ წესის დანართი №2-ის შესაბამისად;

გ)  „მოქალაქეობა“ –  ამ წესის დანართი №3-ის შესაბამისად;

დ) „მეწარმეობა“ –  ამ წესის დანართი №4-ის შესაბამისად;

ე) „მეცნიერება და ტექნოლოგიები“ –  ამ წესის დანართი №5-ის შესაბამისად.

3. ამ მუხლის მე-2 პუნქტით დამტკიცებული ინტეგრირებული ზოგადი მოდულების შემუშავებისას გამოყენებულია:

ა) პროფესიული საგანმანათლებლო სტანდარტების ზოგადი მოდულები:

ა.ა) კომუნიკაცია;

ა.ბ) რაოდენობრივი წიგნიერება;

ა.გ) სამოქალაქო განათლება;

ა.დ) პიროვნული და ინტერპერსონალური უნარები;

ა.ე) მეწარმეობა.

ბ)  ეროვნული სასწავლო გეგმის საშუალო საფეხურის სავალდებულო საგანთა ჯგუფის საგნობრივი პროგრამები:

ბ.ა) ქართული ენა და ლიტერატურა;

ბ.ბ) მათემატიკა;

ბ.გ) ისტორია;

ბ.დ) სამოქალაქო განათლება;

ბ.ე) გეოგრაფია;

ბ.ვ) ქიმია;

ბ.ზ) ბიოლოგია;

ბ.თ) ფიზიკა.

4. ამ მუხლის მე-2 პუნქტით დამტკიცებული ინტეგრირებული ზოგადი მოდულები წარმოადგენს პროგრამის შემადგენელ ნაწილს და დაუშვებელია მათი პროგრამისგან დამოუკიდებლად განხორციელება.

2. პროგრამაზე, რომელშიც ინტეგრირებულია ზოგადი განათლების საშუალო საფეხურის სწავლის შედეგები, დაშვების წინაპირობაა საბაზო ზოგადი განათლების დამადასტურებელი დოკუმენტის ფლობა.

3. პროფესიული სტუდენტის მიერ პროგრამის ფარგლებში ზოგადი განათლების საშუალო საფეხურის სწავლის შედეგების დადასტურება ხორციელდება კანონმდებლობით დადგენილი წესის შესაბამისად.