ქალაქ ქუთაისის მუნიციპალიტეტის ადმინისტრაციულ საზღვრებში II კლასის ინდივიდუალური საცხოვრებელი სახლების მშენებლობისათვის რეკონსტრუქციისათვის), მშენებლობის ნებართვის მიღების ვალდებულების ნაცვლად, მშენებლობის დეტალური შეტყობინების ვალდებულების დადგენის შესახებ

„ადგილობრივი თვითმმართველობის კოდექსი“ საქართველოს ორგანული კანონის 24-ე მუხლის მე-2 პუნქტისა და საქართველოს კანონის „საქართველოს სივრცის დაგეგმარების, არქიტექტურული და სამშენებლო საქმიანობის  კოდექსი“  94-ე  მუხლის  მე-3  პუნქტის  საფუძველზე,  ქალაქ ქუთაისის მუნიციპალიტეტის საკრებულო ადგენს:

ქალაქ ქუთაისის მუნიციპალიტეტის ადმინისტრაციულ საზღვრებში, II კლასის ინდივიდუალური საცხოვრებელი სახლებისა და 4 მეტრამდე სიმაღლის ღობის მშენებლობისათვის (რეკონსტრუქციისათვის), მშენებლობის ნებართვის მიღების ვალდებულების ნაცვლად, დადგინდეს მშენებლობის დეტალური შეტყობინების ვალდებულება, კანონით დადგენილი წესით.

ქალაქ ქუთაისის მუნიციპალიტეტის ადმინისტრაციულ საზღვრებში, 50 მ²-მდე საცხოვრებელი ფუნქციის მქონე სახლების მშენებლობისათვის (რეკონსტრუქციისათვის), მშენებლობის ნებართვის მიღების ვალდებულების ნაცვლად, დადგინდეს მშენებლობის დეტალური შეტყობინების ვალდებულება, კანონით დადგენილი წესით.

ამ დადგენილების პირველი და მეორე მუხლებით დადგენილი დეტალური შეტყობინების ვალდებულება არ ხორციელდება ქალაქ ქუთაისის მუნიციპალიტეტის ადმინისტრაციულ საზღვრებში მდებარე კულტურული მემკვიდრეობის უძრავი ძეგლების სტატუსის მქონე შენობა-ნაგებობების ვიზუალური (ფიზიკური) დაცვის არეალებში მშენებლობის (რეკონსტრუქციის) განხორციელების შემთხვევაში. ამ არეალებში შენობა-ნაგებობების მშენებლობა (რეკონსტრუქცია) ექვემდებარება მშენებლობის ნებართვის მიღების ვალდებულებას, კანონით დადგენილი წესით.

დადგენილება ამოქმედდეს 2019 წლის პირველი აგვისტოდან.