შპს „მედჯორჯიას“ კრედიტორთა კრების მოწვევის შესახებ

✨ ჰკითხე AI-ს ამ კანონის შესახებ
სასამართლოს აქტები მოქმედი თბილისი
მიღების თარიღი
18.10.2019
გამომცემი ორგანო
თბილისის საქალაქო სასამართლო
ნომერი
№2/13763-19
გამოქვეყნების წყარო
matsne.gov.ge , 05/11/2019
🧬 მსგავსი 10
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქმე №2 / 13763-19

330210319003040622

საოქმო განჩინება

საქართველოს სახელით

(ამონაწერი სხდომის ოქმიდან)

2019 წლის 18 ოქტომბერი

ქ. თბილისი

თბილისის საქალაქო სასამართლოს სამოქალაქო საქმეთა კოლეგია

მოსამართლე – თამარ ბურჯანაძე

სხდომის მდივანი – ქეთევან ჭელიძე

განმცხადებელი/მოვალე – შპს „მედჯორჯია“ (ს/კ 206335367)

წარმომადგენელი – დავით ხუციშვილი (დირექტორი)

მეურვე – სსიპ „აღსრულების ეროვნული ბიურო“

წარმომადგენელი – ქრისტინე კუბლაშვილი

მოთხოვნა – გადახდისუუნარობის საქმის წარმოება

სასამართლომ ზეპირი მოსმენით განიხილა კრედიტორთა მომდევნო კრების მოწვევის საკითხი და

გამოარკვია

2019 წლის 12 ივნისს თბილისის საქალაქო სასამართლოს სამოქალაქო საქმეთა კოლეგიას განცხადებით მომართა შპს ,,მედჯორჯიას“ წარმომადგენელმა დავით ხუციშვილმა და მოითხოვა კომპანიის მიმართ გადახდისუუნარობის საქმის წარმოების დაწყება.

თბილისის საქალაქო სასამართლოს სამოქალაქო საქმეთა კოლეგიის 2019 წლის 13 ივნისის განჩინებით დადგენილი ხარვეზის შევსების შემდეგ, 26 ივნისის განჩინებით შპს ,,მედჯორჯია“-ს განცხადება კომპანიის გადახდისუუნარობის საქმის წარმოების დაწყების შესახებ მიღებული იქნას სასამართლო წარმოებაში და ამავე განჩინებით მეურვედ დაინიშნა საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირი − აღსრულების ეროვნული ბიურო.

„გადახდისუუნარობის საქმეთა წარმოების შესახებ“ საქართველოს კანონის 27-ე მუხლის 23-ე პუნქტის შესაბამისად კრედიტორთა პირველ კრებაზე მოწმდება კრედიტორთა მოთხოვნები და იქმნება მომრიგებელი საბჭო. ხოლო ამავე კანონის 32-ე მუხლის მე-2 პუნქტის თანახმად მომრიგებელი საბჭო იქმნება კრედიტორთა პირველ კრებაზე, კრედიტორთა მოთხოვნების შემოწმების დასრულებისთანავე.

სასამართლომ იხელმძღვანელა „გადახდისუუნარობის საქმეთა წარმოების შესახებ“ საქართველოს კანონის მე-5, მე-7, მე-8, 25-ე, 27-ე, 32-ე მუხლებით, საქართველოს სამოქალაქო საპროცესო კოდექსის 284-285-ე მუხლებით,

დაადგინა:

1. შპს „მედჯორჯიას“ კრედიტორთა კრება მოწვეულ იქნეს 2019 წლის 11 ნოემბერს, 14:00 საათზე შემდეგი დღის წესრიგით:

  • კრედიტორთა მოთხოვნების შემოწმება;
  • მომრიგებელი საბჭოს წევრების დანიშვნა;

    • 2. კრედიტორთა კრება შედგება თბილისის საქალაქო სასამართლოს სამოქალაქო საქმეთა კოლეგიის შენობაში (ქალაქი თბილისი, დავით აღმაშენებლის ხეივანი, N64, სხდომის დარბაზი №42).

    3. განჩინება განთავსდეს ელექტრონულ სისტემაში.

    4. განჩინებაზე შეუძლია კერძო საჩივრის შეტანა გადახდისუუნარობის საქმის წარმოების პროცესის მხარეებს, აგრეთვე იმ პირებს, რომელთაც უშუალოდ ეხებათ ეს განჩინება მისი გადაცემიდან 5 (ხუთი) დღის ვადაში თბილისი საქალაქო სასამართლოს სამოქალაქო საქმეთა კოლეგიაში (მის. დავით აღმაშენებლის ხეივანი მე-12 კილომეტრი). ამ ვადის გაგრძელება დაუშვებელია. თუ განჩინების გამოცხადებას ესწრებოდა კერძო საჩივრის შეტანის უფლების მქონე პირი, კერძო საჩივრის შეტანის ვადა დაიწყება მისი გამოცხადების მომენტიდან.

    მოსამართლე თამარ ბურჯანაძე.


    ხშირად დასმული კითხვები

    მოქმედებს თუ არა „შპს „მედჯორჯიას“ კრედიტორთა კრების მოწვევის შესახებ“?
    დიახ, სასამართლოს აქტები „შპს „მედჯორჯიას“ კრედიტორთა კრების მოწვევის შესახებ“ ამჟამად ძალაშია. ბოლო კონსოლიდირებული რედაქცია — 18.10.2019.
    როდის იქნა მიღებული „შპს „მედჯორჯიას“ კრედიტორთა კრების მოწვევის შესახებ“?
    „შპს „მედჯორჯიას“ კრედიტორთა კრების მოწვევის შესახებ“ მიღებულია 18.10.2019. მიმღები ორგანო — თბილისის საქალაქო სასამართლო. დოკუმენტის ნომერი — №2/13763-19.
    სად არის „შპს „მედჯორჯიას“ კრედიტორთა კრების მოწვევის შესახებ“-ის ოფიციალური ტექსტი?
    ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 18.10.2019 მდგომარეობით.

    როგორ დავიმოწმოთ

    სასამართლოს აქტები „შპს „მედჯორჯიას“ კრედიტორთა კრების მოწვევის შესახებ“, №2/13763-19, 18.10.2019 (კონსოლიდირებული რედაქცია 18.10.2019). ხელმისაწვდომია: https://legali.ge/law/4695800/