„ლიცენზიებისა და ნებართვების შესახებ“ საქართველოს კანონში ცვლილების შეტანის თაობაზე

1. მე-6 მუხლის:

ა) მე-17 პუნქტი ამოღებულ იქნეს;

ბ) მე-18 პუნქტის შემდეგ დაემატოს შემდეგი შინაარსის 18¹ და 18² პუნქტები:

„18¹. ელექტროენერგიის ბაზრის ოპერირების ლიცენზია.

18². ბუნებრივი გაზის გადაცემის ლიცენზია.“;

გ) მე-19 პუნქტის შემდეგ დაემატოს შემდეგი შინაარსის 19¹−19³ პუნქტები:

„19¹. ბუნებრივი გაზის საცავის სისტემის ოპერირების ლიცენზია.

19². გათხევადებული ბუნებრივი გაზის მოწყობილობების ოპერირების ლიცენზია.

19³. ბუნებრივი გაზის ბაზრის ოპერირების ლიცენზია.“.

2. 26⁴ მუხლს დაემატოს შემდეგი შინაარსის მე-9 პუნქტი:

„9. ელექტროსადგურის არსებული სიმძლავრის გაზრდის, აგრეთვე ახალი ელექტროსადგურის მშენებლობის მიზნით მშენებლობის ნებართვის გაცემის შესახებ გადაწყვეტილება მიღებული უნდა იქნეს შემდეგ ობიექტურ, გამჭვირვალე, სამართლებრივად დასაბუთებულ და არადისკრიმინაციულ კრიტერიუმებზე დაყრდნობით:

 ა) ელექტროსადგურის უსაფრთხოება და დაცულობა, ელექტროენერგეტიკული სისტემის საერთო უსაფრთხოებასა და დაცულობაზე მისი გავლენის ჩათვლით;

ბ) საზოგადოების ჯანმრთელობისა და უსაფრთხოების დაცვა;

გ) გარემოს დაცვა;

დ) მიწის გამოყენება და განლაგება;

ე) სახელმწიფოს, ავტონომიური რესპუბლიკის ან/და მუნიციპალიტეტის მიწის გამოყენება;

ვ) ენერგოეფექტურობა;

ზ) ენერგიის პირველადი წყაროს ბუნება;

თ) არსებული ან პოტენციური ელექტროენერგიის მწარმოებლის მახასიათებლები − ტექნიკური, ეკონომიკური და ფინანსური შესაძლებლობები;

ი) ელექტროენერგეტიკის სექტორში საჯარო მომსახურების ვალდებულებებთან დაკავშირებულ ზომებთან შესაბამისობა, სადაც ეს რელევანტურია;

კ) ელექტროსადგურის სიმძლავრის წვლილი განახლებადი ენერგიის წყაროებიდან მიღებული ენერგიის წილის ზრდის საერთო სამიზნე მაჩვენებლების მიღწევაში, რომლებიც დადგენილია ქვეყანაში საქართველოს საერთაშორისო ვალდებულების გათვალისწინებით;

ლ) ელექტროსადგურის წვლილი გამონაბოლქვის შემცირებაში.“.

მუხლი 2. ეს კანონი ამოქმედდეს გამოქვეყნებისთანავე.