„საქართველოს სახელმწიფო უსაფრთხოების სამსახურის ანტიკორუფციული სააგენტოს (დეპარტამენტის) დებულების დამტკიცების შესახებ“ საქართველოს სახელმწიფო უსაფრთხოების სამსახურის უფროსის 2015 წლის 1 აგვისტოს №9 ბრძანებაში ცვლილების შეტანის თაობაზე

„მუხლი 9. III მთავარი სამმართველოს კომპეტენცია

III მთავარი სამმართველო უზრუნველყოფს:

ა) კორუფციული, სამოხელეო დანაშაულის, სახელმწიფო აპარატის ნორმალური ფუნქციონირების წინააღმდეგ მიმართული ქმედებების შესახებ, ასევე საქართველოს ეკონომიკური საფუძვლების, ეკონომიკური საქმიანობის, ფულად-საკრედიტო სისტემის და საფინანსო საქმიანობის სფეროში პოლიტიკის წინააღმდეგ მიმართული დანაშაულის შესახებ ინფორმაციის მოპოვების, დამუშავების, დამნაშავე პირების გამოვლენის მიზნით, საქართველოს კანონმდებლობით დადგენილი წესით ოპერატიულ-სამძებრო და საგამოძიებო მოქმედებების და კანონმდებლობით მინიჭებული სხვა უფლებამოსილების განხორციელებას;

ბ) სააგენტოს კომპეტენციიდან გამომდინარე, ოპერატიული და ღია წყაროებიდან მოპოვებული ინფორმაციის სისტემატიზაციას, ოპერატიული საქმიანობის პრიორიტეტების განსაზღვრას, ანალიზსა და სააგენტოს ხელმძღვანელობისათვის მოხსენებას; აღნიშნულთან დაკავშირებით რეკომენდაციების შემუშავებას როგორც სააგენტოს ხელმძღვანელობისათვის, ასევე სააგენტოს სტრუქტურული ქვედანაყოფებისათვის; სააგენტოს საქმიანობისთვის აუცილებელი ოპერატიული და საინფორმაციო ბაზების შექმნას, მართვასა და სისტემურ განახლებას, ასევე სტრუქტურული ერთეულებისა და რეგიონალური სამმართველოების მიერ განხორციელებული ანალიტიკური საქმიანობის კოორდინაციასა და კანონმდებლობით მინიჭებული სხვა უფლებამოსილების განხორციელებას;

გ) სამოხელეო დანაშაულის, აგრეთვე სახელმწიფო აპარატის ნორმალური ფუნქციონირების წინააღმდეგ მიმართული ქმედებების, კორუფციული დანაშაულის წინააღმდეგ ბრძოლისა და კორუფციის გამოვლენის მიზნით პრევენციული ღონისძიებების განხორციელებას, კორუფციის რისკების ანალიზსა და რეკომენდაციების შემუშავებას, კომპეტენციის ფარგლებში სტრატეგიული დოკუმენტების შემუშავებაში ჩართულობას, კორუფციის პრევენციის საკითხებზე საერთაშორისო გამოცდილების შესწავლას, საკანონმდებლო ჩარჩოს ანტიკორუფციულ ანალიზსა და შესაბამისი წინადადებების შემუშავებას, კორუფციის საკითხებზე საზოგადოებისა და საჯარო მოხელეთა ცნობიერების ამაღლებასა და ინფორმირებულობას, მათი ჩართულობის უზრუნველყოფის ღონისძიებების განხორციელებას, სააგენტოს სისხლის სამართლის საქმეების საგამოძიებო სტატისტიკის წარმოებასა და კანონმდებლობით მინიჭებული სხვა უფლებამოსილების განხორციელებას.“.