2020 წელს თეთრიწყაროს მუნიციპალიტეტში პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების მხარდაჭერის მუნიციპალური პროგრამის“ დამტკიცების შესახებ

2020 წელს თეთრიწყაროს მუნიციპალიტეტში პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების მხარდაჭერის მუნიციპალური პროგრამის“ დამტკიცების შესახებ თეთრიწყაროს მუნიციპალიტეტის საკრებულოს დადგენილება №293 2019 წლის 27 დეკემბერი ქ. თეთრიწყარო 2020 წელს თეთრიწყაროს მუნიციპალიტეტში პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების მხარდაჭერის მუნიციპალური პროგრამის“ დამტკიცების შესახებ ადგილობრივი თვითმმართველობის კოდექსის მე-16 მუხლის მე-4 პუნქტის,  24-ე მუხლის მე-2 პუნქტისა და „ნორმატიული აქტების შესახებ“ საქართველოს ორგანული კანონის 25-ე მუხლის საფუძველზე, თეთრიწყაროს მუნიციპალიტეტის  საკრებულო ა დ გ ე ნ ს: მუხლი 1🔗 დამტკიცდეს „2020 წელს თეთრიწყაროს მუნიციპალიტეტში პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების მხარდაჭერის მუნიციპალური პროგრამა“ დანართი №1-ის შესაბამისად. მუხლი 2🔗 დადგენილება ამოქმედდეს გამოქვეყნებისთანავე.თეთრიწყაროს მუნიციპალიტეტის საკრებულოს თავმჯდომარის მოვალეობის შემსრულებელიავთანდილ მუხაშავრია დანართი 2020 წელს თეთრიწყაროს მუნიციპალიტეტში პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების მხარდაჭერის მუნიციპალური პროგრამა თავი I ზოგადი დებულებები მუხლი 1🔗. პროგრამის რეგულირების სფერო 1. თეთრიწყაროს მუნიციპალიტეტში რეგისტრირებულ მოსწავლეთა, სტუდენტთა და სხვადასხვა სფეროში დასაქმებულ მოქალაქეთა სტიმულირების, მოქალაქეთა მონაწილეობის ინსტრუმენტების და მექანიზმების, გამჭვირვალე საინფორმაციო და ანგარიშვალდებულების სისტემების ჩამოაყალიბების ხელშეწყობის, ასევე თემების და სამოქალაქო საზოგადოების ორგანიზაციების გაძლიერების და სტიმულირების მიზნით, წინამდებარე პროგრამა აწესრიგებს თეთრიწყაროს მუნიციპალიტეტის 2020 წლის ბიუჯეტიდან „განათლების“ მუხლში გათვალისწინებულ მხარდაჭერა/წახალისებასთან დაკავშირებულ ურთიერთობებს, განსაზღვრავს პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების მხარდაჭერა/ხელშეწყობის დანიშვნასა და გაცემაზე უფლებამოსილ უწყებას, ადგენს სტიმულირება/მხარდაჭერის სახეებს, მათი დანიშვნისა და გაცემის ძირითად სახელმძღვანელო პრინციპებს. მხარდაჭერის გაცემის აუცილებელი პირობაა, მოქალაქე/ორგანიზაცია რეგისტრირებული იყოს თეთრიწყაროს მუნიციპალიტეტის ტერიტორიაზე (რეგისტრაციის ფაქტის დადასტურება ხდება სსიპ - სერვისების განვითარების სააგენტოს და საჯარო რეესტრის მიერ გაცემული ინფორმაციის საფუძველზე). 2. თეთრიწყაროს მუნიციპალიტეტის მოსახლეობის გარკვეული ფენისათვის და მუნიციპალიტეტში მოქმედი საინიციატივო ჯგუფების ან ორგანიზაციებისთვის მხარდაჭერის გასაცემად საკითხების წინასწარი მომზადების, განხილვის, გადაწყვეტილებათა მომზადებისა და შესრულებისათვის ხელის შეწყობის მიზნით, თეთრიწყაროს მუნიციპალიტეტის მერის ინდივიდუალურ-სამართლებრივი აქტის საფუძველზე, არანაკლებ 5 (ხუთი) კაცის შემადგენლობით იქმნება პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების მხარდამჭერი მუდმივმოქმედი კომისია (შემდგომ ,,კომისია), რომელიც წარმოადგენს თეთრიწყაროს მუნიციპალიტეტის მერიის მუდმივმოქმედ კოლეგიურ ორგანოს. კომისიის უფლებამოსილება, სტრუქტურა და კომისიის წევრთა უფლება-მოვალეობები, აგრეთვე კომისიის მუშაობის წესი რეგულირდება ,,თეთრიწყაროს მუნიციპალიტეტის პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების მხარდამჭერი მუდმივმოქმედი კომისიის დებულებით”, რომელსაც ამტკიცებს მუნიციპალიტეტის მერი. 3. წინამდებარე პროგრამა აწესრიგებს თეთრიწყაროს მუნიციპალიტეტში პროფესიული განათლების პოპულარიზაციის, სხვადასხვა სფეროში დასაქმებულ და წარმატებულ მოქალაქეთა სტიმულირების, მოსწავლეთა და სტუდენტთა წახალისების, ასევე მოქალაქეთა მონაწილეობის გამჭვირვალე საინფორმაციო და ანგარიშვალდებულების  სისტემების, ინსტრუმენტების და მექანიზმების, ჩამოაყალიბების ხელშეწყობას. თავი II პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების მხარდაჭერის სახეები მუხლი 2🔗. პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების მხარდაჭერის  სახეები თეთრიწყაროს მუნიციპალიტეტის 2020 წლის ბიუჯეტით გათვალისწინებული პროფესიული განვითარების, განათლების ხელშეწყობის და ადგილობრივი სათემო ჯგუფების/ორგანიზაციების სოციალური ინიციატივების ხელშეწყობა/მხარდაჭერის სახეებია: ა) ფულადი მხარდაჭერა; ბ) სოციალური ინიციატივების თანამონაწილეობითი მხარდაჭერა. მუხლი 3🔗. ფულადი მხარდაჭერის სახეები თეთრიწყაროს მუნიციპალიტეტის 2020 წლის ბიუჯეტით გათვალისწინებულია შემდეგი სახის ფულადი მხარდაჭერა: ა) ვაჟა-ფშაველას სახელობის პრემია (მოსწავლეებისთვის/სტუდენტებისათვის); ბ) ერთჯერადი ფულადი ჯილდო პროფესიული განათლების ხელშეწყობის მიზნით; გ) ერთჯერადი ფულადი ჯილდო პროფესიულ საქმიანობაში მიღწეული წარმატება/აღიარებისთვის. მუხლი 4🔗. სოციალური ინიციატივების თანამონაწილეობითი მხარდაჭერა. 1. პროგრამის ფარგლებში მუნიციპალიტეტის მერია თანადაფინანსების ან/და მატერიალური ფორმით განახორციელებს ადგილობრივი არაკომერციული სათემო ჯგუფების/ორგანიზაციების სოციალური ინიციატივების მხარდაჭერას ორი ძირითადი მიზნის მისაღწევად: ა) მოქალაქეთა მონაწილეობის ინსტრუმენტების და მექანიზმების, ასევე გამჭვირვალე საინფორმაციო და ანგარიშვალდებულების სისტემების ჩამოყალიბების ხელშეწყობა; ბ) თემების და სამოქალაქო საზოგადოების ორგანიზაციების გაძლიერება და სტიმულირება თემში სერვისებზე ხელმიუწვდომლობის აღმოფხვრის მიზნით; 2. ამ მუხლის პირველი პუნქტით გათვალისწინებული მიზნების მისაღწევად თეთრიწყაროს მუნიციპალიტეტის მიერ გათვალისწინებულია სოციალური ინიციატივების თანამონაწილეობითი მხარდაჭერა როგორც ფულადი, ასევე არაფულადი სახით. თავი III ერთჯერადი ფულადი მხარდაჭერა/წახალისების კატეგორიები და საჭირო დოკუმენტაცია მუხლი 5🔗. ვაჟა-ფაშაველას სახელობის პრემია მოსწავლეთათვის 1. ქვეპროგრამა ითვალისწინებს ვაჟა-ფშაველას სახელობის ერთჯერადი ფულადი ჯილდოს გაცემას, თეთრიწყაროს მუნიციპალიტეტის ტერიტორიაზე და ამავე მუნიციპალიტეტში მოქმედ საჯარო და კერძო სკოლებში რეგისტრირებულ 10 მოსწავლეზე, რომელთაც სახელმწიფო და საერთაშორისო მნიშვნელობის კულტურულ-საგანმანათლებლო და ინოვაციურობაზე ორიენტირებულ კონკურსებში (ეტალონი, დიდგორელი, კინგსის ოლიმპიადები, მომავალ ლიდერთა გაცვლითი პროგრამა (FLEX) და სხვ. ) მიაღწიეს წარმატებას მინიმუმ მუნიციპალიტეტის დონეზე. 2. მოსწავლეებზე ჯილდოს გაცემა მოხდება მიღწეული წარმატების დამადასტურებელი დოკუმენტის და საჯარო სკოლის ოფიციალური წერილის საფუძველზე. 3. ვაჟა-ფაშაველას სახელობის პრემია მოსწავლეთათვის ერთჯერადად შეადგენს 100 ლარს, საქართველოს კანონმდებლობით გათვალისწინებული გადასახადების ჩათვლით. 4. განმცხადებელმა თეთრიწყაროს მუნიციპალიტეტის მერიაში უნდა წარმოადგინოს შემდეგი დოკუმენტაცია: ა) განცხადება მუნიციპალიტეტის მერის სახელზე ბ) პირადობის მოწმობის ასლი; გ) წარმატებული მოსწავლის პირადობის ან დაბადების მოწმობის ასლი; დ) საჯარო სკოლის ოფიციალური წერილი; ე) წარმატების დამადასტურებელი დოკუმენტი; ვ) განმცხადებლის საბანკო რეკვიზიტი; თ) ნათესაური კავშირის/კანონიერი წარმომადგენლობის დამადასტურებელი რაიმე სახის დოკუმენტი/დოკუმენტები. 5. პირის ოჯახის წევრად შეიძლება ჩაითვალოს მშობელი, სრულწლოვანი და/ძმა , ბებია/პაპა,  კანონიერი წარმომადგენელი მუხლი 6🔗. ვაჟა-ფშაველას სახელობის პრემია სტუდენტთათვის 1. ქვეპროგრამა ითვალისწინებს ვაჟა-ფშაველას სახელობის პრემიის გაცემას, ავტორიზებულ უმაღლეს საგანმანათლებლო დაწესებულებებში აკადემიური უმაღლესი განათლების პირველი და მეორე საფეხურის უმაღლეს საგანამანათლებლო პროგრამებზე ჩარიცხულ იმ საუკეთესო შედეგების მქონე 5 სტუდენტზე, რომლებიც უმაღლეს სასწავლებლებში ჩარიცხვის მომენტისათვის რეგისტრირებულნი არიან თეთრიწყაროს მუნიციპალიტეტის ტერიტორიაზე, მიღებული აქვთ დადებითი შეფასება (A)-ფრიადი (91 ქულა და მეტი) იმავე საფეხურის წინა სემესტრის საშუალო აკადემიური მოსწრების დოკუმენტის თანახმად. ამასთან, აქტიურად მონაწილეობენ სტუდენტთა სამეცნიერო კონფერენციებში, გაცვლით პროგრამებსა თუ სხვა საგანმანათლებლო პროექტებში. 2. სტუდენტთა შერჩევა ხორციელდება კონკურსის წესით. 3. კონკურსანტთა თანაბარი ქულების შემთხვევაში შეფასება ხორციელდება ოჯახის სოციალურ-ეკონომიკური მდგომარეობის გათვალისწინებით. 4. ვაჟა-ფაშაველას სახელობის პრემია სემესტრში შეადგენს 300 ლარს, საქართველოს კანონმდებლობით გათვალისწინებული გადასახადების ჩათვლით. 5. კონკურსში მონაწილეობის მისაღებად სტუდენტმა თეთრიწყაროს მუნიციპალიტეტის მერიაში უნდა წარმოადგინოს შემდეგი დოკუმენტაცია: ა) განცხადება მუნიციპალიტეტის მერის სახელზე; ბ) პირადობის მოწმობის ასლი; გ) ავტორიზებული უმაღლესი სასწავლებლის მიერ გაცემული ცნობა სტუდენტის ჩარიცხვის თარიღის, ფაკულტეტის, სპეციალობისა და კურსის მითითებით; დ) ცნობა შესაბამისი უმაღლესი სასწავლებლიდან სტუდენტის წინა სემესტრის შედეგების შესახებ; ე) სერთიფიკატის ასლი სტუდენტურ სამეცნიერო კონფერენციებში, გაცვლით პროგრამებსა და სხვა პროექტებში მონაწილეობის შესახებ. ვ) განმცხადებლის საბანკო რეკვიზიტი; მუხლი 7🔗. აკრედიტებული პროფესიული სასწავლებლების სტუდენტთა ხელშეწყობა 1. ქვეპროგრამა ითვალისწინებს ერთჯერადი ფულადი ჯილდოს გაცემას აკრედიტებულ პროფესიულ სასწავლებლებში, პროფესიულ პროგრამებზე ჩარიცხულ სოციალურად დაუცველ (100000-მდე ქულის მქონე) 15 სტუდენტზე, რომლებიც სასწავლებლებში ჩარიცხვის მომენტისათვის რეგისტრირებულნი არიან თეთრიწყაროს მუნიციპალიტეტის ტერიტორიაზე. 2. პროფესიული სასწავლებელების სტუდენტთა შერჩევა ხორციელდება კონკურსის წესით. 3. ჯილდო პროფესიული პროგრამის სტუდენტზე, სასწავლო წლის განმავლობაში ერთჯერადად, შეადგენს 300 ლარს. 4. კონკურსში მონაწილეობის მისაღებად სტუდენტმა თეთრიწყაროს მუნიციპალიტეტის მერიაში უნდა წარმოადგინოს შემდეგი დოკუმენტაცია: ა) განცხადება მუნიციპალიტეტის მერის სახელზე; ბ) პირადობის მოწმობის ასლი; გ) ავტორიზებული პროფესიული სასწავლებლის მიერ გაცემული ცნობა სტუდენტის ჩარიცხვის თარიღის და სპეციალობი მითითებით; დ) ცნობა ან ამონაწერი სოციალურად დაუცველთა ერთიან მონაცემთა ბაზაში რეგისტრაციის თაობაზე; ე) განმცხადებლის საბანკო რეკვიზიტი; მუხლი 8🔗. პროფესიული წარმატება/აღიარების მქონე მოქალაქეთა წახალისება 1. ქვეპროგრამა ითვალისწინებს ერთჯერადი ფულადი ჯილდოს გაცემას, თეთრიწყაროს მუნიციპალიტეტის ტერიტორიაზე რეგისტრირებულ 5 მოქალაქეზე, რომელმაც თავის საქმიანობაში მიაღწია წარმატებას და მოიპოვა სახელმწიფო ან/და საერთაშორისო აღიარება. 2. ჯილდო შეადგენს წარმატებულ მოქალაქეზე ერთჯერადად 500 ლარს, საქართველოს კანონმდებლობით გათვალისწინებული გადასახადების ჩათვლით. 3. პროფესიული წარმატების მქონე მოქალაქეებზე ჯილდოს გაცემა მოხდება მიღწეული წარმატების დამადასტურებელი დოკუმენტის საფუძველზე. 4. განმცხადებელმა თეთრიწყაროს მუნიციპალიტეტის მერიაში უნდა წარმოადგინოს შემდეგი დოკუმენტაცია: ა) განცხადება მუნიციპალიტეტის მერის სახელზე; ბ) პირადობის მოწმობის ასლი; გ) წარმატების დამადასტურებელი დოკუმენტი; დ) განმცხადებლის საბანკო რეკვიზიტი; თავი IV სოციალური ინიციატივების თანამონაწილეობითი მხარდაჭერის კატეგორიები და საჭირო დოკუმენტაცია მუხლი 9🔗. სოციალური ინიციატივების თანამონაწილეობითი მხარდაჭერა ფულადი სახით 1. პროგრამის ფარგლებში მუნიციპალიტეტის მერია თანადაფინანსების (მუნიციპალიტეტის ფინანსური თანამონაწილეობით) ფორმით განახორციელებს ადგილობრივი არაკომერციული სათემო ჯგუფების/ორგანიზაციების იმ სოციალური ინიციატივების მხარდაჭერას, რომელიც გულისხმობს თემში მოხალისეობრივი საქმიანობის გაძლერებას. 3. პროგრამით სარგებლობა (განაცხადების მიღება) შესაძლებელი იქნება მთელი წლის განმავლობაში. 4. სოციალურ ინიციატივებს განიხილავს შესაბამისი კომისია, რომელიც იდეის მოწონების შემთხვევაში შუამდგომლობით მიმართავს მუნიციპალიტეტის მერს საგარანტიო წერილის გაცემის თაობაზე, ხოლო პროექტის მოწონებისა და გამარჯვების შემთხვევაში მისი თანამონაწილეობით დაფინანსების თაობაზე.  5. განმცხადებელმა აუცილებლად უნდა წარმოადგინოს: ა) განცხადება მერის სახელზე, რომელიც უნდა მოიცავდეს დეტალურ ინფორმაციას სოციალური ინიციატივის/პროექტის შესახებ (პრობლემა, გადაწყვეტის გზა, მიზანი, მოსალოდნელი შედეგები, მდგრადობა და სხვ.) და სრულად ან ნაწილობრივ უგვარებდეს პრობლემას მინიმუმ ერთ თემს, პრიორიტეტი მიენიჭება ინიციატივას, რომელიც ითვალისწინებს სამუშაო ადგილების ან თვითდასაქმებულების გაჩენას; ბ) საგრანტო კონკურსში მონაწილეობის დამადასტურებელი დოკუმენტაცია, კერძოდ: საპროექტო განაცხადის და ბიუჯეტის ფორმა; გ) სათემო ჯგუფის წარმომადგენელთა პირადობის მოწმობის ასლები (შემდგომში ამხანაგობა ან ა.ა.ი.პ), ხოლო ორგანიზაციის შემთხვევაში ამონაწერი საჯარო რეესტრიდან; დ) საბანკო რეკვიზიტები; მუხლი 10🔗. სოციალური ინიციატივების თანამონაწილეობითი მხარდაჭერა არაფულადი სახით 1. პროგრამის ფარგლებში მუნიციპალიტეტის მერია მატერიალური (შენობა-ნაგებობის დროებით უსასყიდლოდ სარგებლობა საკრებულოს თანხმობით) რესურსის გაცემის ფორმით განახორციელებს ადგილობრივი არაკომერციული სათემო ჯგუფების/ორგანიზაციების სოციალური ინიციატივების მხარდაჭერას 3. პროგრამით სარგებლობა (განაცხადების მიღება) შესაძლებელი იქნება მთელი წლის განმავლობაში. 4. სოციალურ ინიციატივებს განიხილავს შესაბამისი კომისია, რომელიც დადებითი შეფასების გაკეთების შემთხვევაში შუამდგომლობას წარუდგენს მერს ადგილობრივი არაკომერციული სათემო ჯგუფების/ორგანიზაციებისთვის მუნიციპალიტეტის საკუთრებაში არსებული უძრავი ქონების სარგებლობის უფლებით გადაცემის თაობაზე. 5. ამ მუხლის მე-4 პუნქტში ნახსენები შუამდგომლობის საფუძველზე მზადდება წერილი მუნიციპალიტეტის საკრებულოს სახელზე, უძრავი ქონების სარგებლობის უფლებით გადაცემისათვის თანხმობის გაცემის შესახებ, ხოლო საკრებულოს დადებითი გადაწყვეტილების მიღების შემთხვევაში, მუნიციპალიტეტის მერის ბრძანების საფუძველზე ფორმდება ხელშეკრულება ქონების სარგებლობის უფლებით გადაცემის თაობაზე. 6. განმცხადებელმა აუცილებლად უნდა წარმოადგინოს: ა) განცხადება მერის სახელზე, რომელიც უნდა მოიცავდეს დეტალურ ინფორმაციას სოციალური ინიციატივის/პროექტის შესახებ (პრობლემა, გადაწყვეტის გზა, მიზანი, მოსალოდნელი შედეგები, მდგრადობა და სხვ.) და სრულად ან ნაწილობრივ უგვარებდეს პრობლემას მინიმუმ ერთ თემს, პრიორიტეტი მიენიჭება ინიციატივას, რომელიც ითვალისწინებს სამუშაო ადგილების ან თვითდასაქმებულების გაჩენას; ბ) საგრანტო კონკურსში მონაწილეობის დამადასტურებელი დოკუმენტაცია, კერძოდ, საპროექტო განაცხადის და ბიუჯეტის ფორმა; გ) სათემო ჯგუფის წარმომადგენელთა პირადობის მოწმობის ასლები (შემდგომში - ამხანაგობა ან ა(ა)იპ), ხოლო ორგანიზაციის შემთხვევაში ამონაწერი საჯარო რეესტრიდან, საბანკო რეკვიზიტები. თავი V დასკვნითი დებულებანი მუხლი 11🔗. დასკვნითი დებულებები 1. აღნიშნულ პროგრამას მერის წარდგინებით ამტკიცებს თეთრიწყაროს მუნიციპალიტეტის საკრებულო. 2. პროგრამაში ცვლილებებისა და დამატებების შეტანა ხორციელდება მოქმედი კანონმდებლობით დადგენილი წესით. 3. თუ ამ პროგრამის ნორმა ბათილად იქნა ცნობილი, ეს არ მოახდენს გავლენას მთლიანად პროგრამის მართებულობაზე, ბათილი ნორმის ნაცვლად გამოიყენება წესი (ნორმა), რომელიც ძალაშია.