საკონსულო აღრიცხვაზე დაყენებისა და საკონსულო აღრიცხვიდან მოხსნის წესის დამტკიცების შესახებ

საკონსულო აღრიცხვაზე დაყენებისა და საკონსულო აღრიცხვიდან მოხსნის წესის დამტკიცების შესახებ საქართველოს საგარეო საქმეთა მინისტრის ბრძანება  №01-72 2020 წლის 23 აპრილი ქ. თბილისი საკონსულო აღრიცხვაზე დაყენებისა და საკონსულო აღრიცხვიდან მოხსნის წესის დამტკიცების შესახებ ,,საკონსულო საქმიანობის  შესახებ“  საქართველოს  კანონის 21-ე  მუხლის მე-2 პუნქტის, „საქართველოში მცხოვრებ უცხოელთა რეგისტრაციის, პირადობის  (ბინადრობის)  მოწმობისა  და საქართველოს მოქალაქის პასპორტის გაცემის წესის შესახებ“ საქართველოს კანონის მე-3 მუხლის მე-13 პუნქტის და საქართველოს ზოგადი ადმინისტრაციული კოდექსის 61-ე მუხლის პირველი ნაწილის მოთხოვნათა შესაბამისად, ვბრძანებ: 1. დამტკიცდეს: ა) საკონსულო   აღრიცხვაზე   დაყენებისა და საკონსულო აღრიცხვიდან მოხსნის თანდართული წესი (დანართი №1); ბ) საკონსულო აღრიცხვის ბარათი (ქართულ და ინგლისურ ენებზე) (დანართი №2); გ) საკონსულო აღრიცხვაზე დაყენების შესახებ განცხადების ფორმა (დანართი №3); დ) მატერიალური ფორმის სარეგისტრაციო  ჟურნალი (დანართი №4); ე) მატერიალური ფორმის სარეგისტრაციო  ჟურნალის შევსების წესი (დანართი №5); ვ) საკონსულო აღრიცხვაზე დაყენების შესახებ ელექტრონული განცხადების ფორმა (დანართი №6); ზ) საკონსულო აღრიცხვაზე დაყენების შესახებ განცხადების შევსების წესი (დანართი №7); თ) საკონსულო აღრიცხვაზე დაყენების შესახებ სახელმწიფო სერვისების განვითარების სააგენტოს განცხადების ფორმა (დანართი №8); ი) საკონსულო აღრიცხვაზე დაყენების შესახებ სახელმწიფო სერვისების განვითარების სააგენტოს განცხადების შევსების წესი (დანართი №9). 2. ძალადაკარგულად   გამოცხადდეს   „საკონსულო   აღრიცხვაზე   დაყენებისა   და   საკონსულო აღრიცხვიდან მოხსნის წესის დამტკიცების შესახებ“ საქართველოს საგარეო საქმეთა მინისტრის 2011 წლის 10 ოქტომბრის №241 ბრძანება. 3. ეს ბრძანება ამოქმედდეს გამოქვეყნებისთანავე.საგარეო საქმეთა მინისტრიდავით ზალკალიანი