საქართველოში ახალი კორონავირუსით გამოწვეული სოციალურ-ეკონომიკური მდგომარეობის გაუარესების გამო ქალაქ ბათუმის მუნიციპალიტეტში ზოგიერთი პირის დასახლებული ტერიტორიის დასუფთავების მოსაკრებლის გადახდისაგან გათავისუფლების შესახებ

საქართველოში ახალი კორონავირუსით გამოწვეული სოციალურ-ეკონომიკური მდგომარეობის გაუარესების გამო ქალაქ ბათუმის მუნიციპალიტეტში ზოგიერთი პირის დასახლებული ტერიტორიის დასუფთავების მოსაკრებლის გადახდისაგან გათავისუფლების შესახებ ქალაქ ბათუმის მუნიციპალიტეტის საკრებულოს დადგენილება №20 2020 წლის 30 აპრილი ქ. ბათუმი საქართველოში ახალი კორონავირუსით გამოწვეული სოციალურ-ეკონომიკური მდგომარეობის გაუარესების გამო ქალაქ ბათუმის მუნიციპალიტეტში ზოგიერთი პირის დასახლებული ტერიტორიის დასუფთავების მოსაკრებლის გადახდისაგან გათავისუფლების შესახებ საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის  პირველი პუნქტის „დ.ბ“ ქვეპუნქტის, 54-ე მუხლის პირველი პუნქტის „გ.დ“ ქვეპუნქტის, „ადგილობრივი მოსაკრებლების შესახებ“ საქართველოს კანონის მე-3 მუხლის პირველი პუნქტის, მე-4 მუხლისა და „კომუნალური გადასახადების სუბსიდირების წესისა და პირობების დამტკიცების შესახებ“ საქართველოს მთავრობის 2020 წლის 3 აპრილის №220 დადგენილების მე-6 მუხლის შესაბამისად,  ქალაქ ბათუმის მუნიციპალიტეტის საკრებულო ადგენს: მუხლი 1🔗 ქალაქ ბათუმის მუნიციპალიტეტის მოსახლეობა სრულად გათავისუფლდეს 2020 წლის მარტის, აპრილის და მაისის თვის დასახლებული ტერიტორიის დასუფთავების მოსაკრებლის გადახდისაგან. მუხლი 2🔗 ქალაქ ბათუმის მუნიციპალიტეტის ტერიტორიაზე მოქმედი ზოგიერთი ფიზიკური და იური­დიუ­ლი პირები, ორგანიზაციები და დაწესებულებები გათავისუფლდნენ დასახლებული ტერი­ტორიის დასუფთავებისათვის დაწესებული მოსაკრებლის გადახდისაგან 2020 წელს საქართველოში ახალი კორონავირუსის (COVID-19) მიერ გამოწვეული მდგომარეობის გამო დაწესებული შეზღუდ­ვე­ბის მოქმედების პერიოდში, თანახმად დანარ­თისა. მუხლი 3🔗 ამ დადგენილებით გათვალისწინებულ პირებს, რომელთაც ამ დადგენილების პირველი და მეორე მუხლით გათვალისწინებულ პერიოდზე გადახდილი აქვთ მოსაკრებელი, გადახ­დილი თანხა აესახებათ სააბონენტო ბარათზე (რომელიც არ ექვემდებარება დაბრუნებას), გარდა ამ დადგენილების მე-4 მუხლით გათვალისწინებული შემთხვევისა. მუხლი 4🔗 ამ დადგენილებით გათვალისწინებული პირებს უფლება აქვთ უარი განაცხადონ მოსაკ­რებლის გადახდისაგან გათავისუფლებაზე. უარის თქმის შესახებ განცხადებით უნდა მიმარ­თონ ქალაქ ბათუმის მუნიციპალიტეტის მერიას ან/და შპს „სანდასუფთავებას“. მუხლი 5🔗 ეს დადგენილება ამოქმედდეს გამოქვეყნებისთანავე. ქალაქ ბათუმის მუნიციპალიტეტის საკრებულოს თავმჯდომარესულიკო თებიძე დანართი 1 №  საქმიანობის სფერო 1  მუზეუმები, ბიბლიოთეკები, არქივები 2  ოფისები, სააგენტოები (გარდა სახელმწიფო ორგანიზაციებისა და საქართველოს მთავრობის შესაბამისი დადგენილებით განსაზღვრულ ეკონომიკური საქმიანობის განმახორციელებელი ობიექტები/მეწარმე სუბიექტები, რომლებსაც არ ეზღუდებათ ეკონომიკური საქმიანობა) 3  კინოთეატრები და თეატრები 4  სკოლები, ინსტიტუტები, კოლეჯები, საბავშვო ბაგა‐ბაღები, საგანმანათლებლო დაწესებულებები 5  სასტუმროები (გარდა იმ ობიექტებისა, რომლებსაცარ შეუწყვეტიათ ფუნქციონირება) 6  სტადიონები, სპორტულ‐გამაჯანსაღებელი დაწესებუ ლებების ღია ტერიტორიები და მანეჟები (სატურნირო და სავარჯიშო მოედნების გარდა) 7  სამრეწველო საქონლის მაღაზიები და აფთიაქები (გარდა აფთიაქებისა და ზოომაღაზიებისა) 8  აგრარული  და შერეული ბაზრები, ყვავილების ღია და დახურული მაღაზიები 9  ავტოსადგომები 10  საწყობები პირდაპირი მიყიდვის გარეშე 11  მანქანის საჩვენებელი და გასაყიდი ნაგებობები 12  ა/მანქანების სარემონტო სადგურები, ტექ.მომსახურების ადგილები, ავტოსამრეცხაოები 13  აბანოები, საუნები 14  სადალაქოები და  სილამაზის სალონები 15  მცირე სამეწარმეო საქმიანობა შენობის შიგნით მიმდინარე წარმოებისას, საყოფაცხოვრებო მომსახურების ობიექტები 16  რესტორნები, პიცერიები, სასადილოები, კაფეები და ბარები 17  საბანკეტო დარბაზები, სარიტუალო მომსახურებისათვის 18  დისკოთეკები, ღამის კლუბები 19  კაზინოები, ტოტალიზატორები, სათამაშო და გასართობი ცენტრები 20  ვაგზლები, აეროპორტები, რკინიგზის, საავტომობილო 21  ღია ტიპის დასვენებისა და გასართობი თავშეყრის ადგილები, სკვერები, ბაღები, ატრაქციონები 22  სამხედრო ნაწილები და პენიტენციარული სისტემები  23  საწარმოო ობიექტების ღია ტერიტორიები, სადაც მიმდინარეობს საწარმოო პროცესი 24  სერიული პროდუქციის საწარმოების შენობა‐ნაგებობები 25  საგამოფენო და საჩვენებელი დარბაზები