„№75 გულრიფშის რაიონის კოდორის ხეობაში (აჟარის თემში) საარჩევნო უბნების შექმნის შესახებ“
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო სარეგისტრაციო კოდი 010.008.003.903
საქართველოს ცენტრალური საარჩევნო კომისიის
დადგენილება N 157/1999
1999 წლის 20 ოქტომბერი
ქ. თბილისი
N 75 გულრიფშის რაიონის კოდორის ხეობაში (აჟარის თემი) საარჩევნო უბნების შექმნის შესახებ
„საქართველოს პარლამენტის არჩევნების შესახებ“ საქართველოს ორგანული კანონის 22-ე მუხლის „ღ“ ქვეპუნქტის და მე-16 მუხლის პირველი პუნქტის შესაბამისად, ამომრჩეველთა არჩევნებში მონაწილეობის უფლების უზრუნველყოფის მიზნით
საქართველოს ცენტრალური საარჩევნო კომისია ადგენს:
1. შეიქმნას N 75 გულრიფშის რაიონის კოდორის ხეობაში (აჟარის თემი) სამი საარჩევნო უბანი: აჟარის - ცენტრი აჟარის საშუალო სკოლა, ჩხალთის - ცენტრი ჩხალთის საშუალო სკოლა, გენწვიშის - ცენტრი გენწვიშის საშუალო სკოლა.
2. ამ დადგენილების პირველ პუნქტში აღნიშნული საარჩევნო უბნებიდან ყოველგვარი საარჩევნო დოკუმენტების მიღება განახორციელოს N 9 ნაძალადევის საოლქო სარჩევნო კომისიამ.
3. საარჩევნო უბნების დაკომპლექტება "საქართველოს პარლამენტის არჩევნების შესახებ" საქართველოს ორგანული კანონის შესაბამისად მოხდეს N 9 ნაძალადევის საოლქო საარჩევნო კომისიის მიერ არჩევნებამდე არა უგვიანეს 5 დღისა.
4. ცნობად იქნეს მიღებული, რომ ამ დადგენილებით განსაზღვრულ საარჩევნო უბნებში არჩევნები ჩატარდება მხოლოდ პროპორციული საარჩევნო სისტემით.
5. მოსალოდნელი რთული მეტეოროლოგიური პირობების გამო N 75 გულრიფშის რაიონის კოდორის ხეობაში (აჟარის თემი) საარჩევნო უბნებში ხმის მიცემის დღე განისაზღვროს 1999 წლის 24-დან 31 ოქტომბრამდე, რომელიც საუბნო საარჩევნო კომისიების შეტყობინების შემდეგ დაადგინოს N 9 ნაძალადევის საოლქო საარჩევნო კომისიამ.
6. საარჩევნო ყუთის გახსნა მოხდეს 1999 წლის 31 ოქტომბერს 20 საათის შემდეგ.
ჯ. ლომინაძე