„სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკის დამტკიცების შესახებ“ საქართველოს იუსტიციის მინისტრის 2018 წლის 17 ოქტომბრის №341 ბრძანებაში ცვლილების შეტანის თაობაზე

✨ ჰკითხე AI-ს ამ კანონის შესახებ

საქართველოს მინისტრის ბრძანება მოქმედი სახელმწიფო მმართველობა

მიღების თარიღი

26.10.2020

გამომცემი ორგანო

საქართველოს იუსტიციის მინისტრი

ნომერი

№646

სარეგისტრაციო კოდი

100110000.22.027.017140

გამოქვეყნების წყარო

matsne.gov.ge , 26/10/2020

📥 მინიშნება 1 🧬 მსგავსი 10 📎 დანართები 1

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

📥 უკუმითითებები — 1 დოკუმენტი

საქართველოს მინისტრის ბრძანება (1)

სპეციალური პენიტენციური სამსახურის ცალკეული დანაყოფების მოსამსახურეთა სამსახურებრივი ფორმის (უნიფორმის) ნიმუშების დამტკი 17.10.2018

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს იუსტიციის მინისტრის

ბრძანება №646

2020 წლის 26 ოქტომბერი

ქ. თბილისი

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

„სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკის დამტკიცების შესახებ“ საქართველოს იუსტიციის მინისტრის 2018 წლის 17 ოქტომბრის №341 ბრძანებაში (საქართველოს საკანონმდებლო მაცნე (www.matsne.gov.ge), გამოქვეყნების თარიღი: 17/10/2018, სარეგისტრაციო კოდი: 100110000.22.027.016841) შეტანილ იქნეს შემდეგი ცვლილება:

1. ბრძანების პრეამბულა ჩამოყალიბდეს შემდეგი რედაქციით:

„სპეციალური პენიტენციური სამსახურის შესახებ“ საქართველოს კანონის 23-ე მუხლის მე-2 და მე-3 პუნქტების, „ნორმატიული აქტების შესახებ“ საქართველოს ორგანული კანონის 25-ე მუხლის პირველი პუნქტის „ბ“ ქვეპუნქტისა და „სპეციალური პენიტენციური სამსახურის შესახებ“ საქართველოს კანონში ცვლილების შეტანის თაობაზე“ საქართველოს 2018 წლის 5 ივლისის №3129 კანონის მე-2 მუხლის მე-6 პუნქტის შესაბამისად, ვბრძანებ:“.

2. ბრძანებას დაემატოს შემდეგი შინაარსის 1¹ პუნქტი:

„1¹. ეს ბრძანება არ ვრცელდება სპეციალური პენიტენციური სამსახურის რესოციალიზაცია-რეაბილიტაციის დეპარტამენტის მოსამსახურეებზე და სპეციალური პენიტენციური სამსახურის პენიტენციური დეპარტამენტის გარე დაცვისა და ინფორმაციულ-ტექნიკური უსაფრთხოების მთავარი სამმართველოს ინფორმაციული ტექნოლოგიების ან/და ტექნიკური უსაფრთხოების სამმართველოების მოსამსახურეებზე.“.

3. ბრძანებით დამტკიცებული სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკა ჩამოყალიბდეს თანდართული რედაქციით.

მუხლი 2

ეს ბრძანება ამოქმედდეს გამოქვეყნებისთანავე.

საქართველოს იუსტიციის მინისტრის მოვალეობის შემსრულებელი

გოჩა ლორთქიფანიძე

📎 დანართები (1)

ნორმატიული-აქტი-2 ⬇

დანართი

საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულების – სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკა

პლანშეტი №1

გენერლის ყოველდღიური ფორმა

1. საგაზაფხულო-საშემოდგომო ფორმა – ლურჯი შარვალი, ლურჯი პიჯაკი, ლურჯი წინაფრიანი ქუდი, თეთრი ფერის პერანგი, შავი ჰალსტუხი, შავი ქამარი; გენერლის წოდების შესაბამისი ატრიბუტიკა და ფურნიტურა.

2. საზაფხულო ფორმა – ლურჯი შარვალი, ლურჯი წინაფრიანი ქუდი, თეთრი ფერის მოკლემკლავიანი პერანგი, შავი ქამარი; გენერლის წოდების შესაბამისი ატრიბუტიკა და ფურნიტურა.

3. ზამთრის ფორმა – ლურჯი შარვალი, ლურჯი მოკლე პალტო, ლურჯი წინაფრიანი ქუდი, თეთრი ფერის პერანგი, შავი ქამარი; გენერლის წოდების შესაბამისი ატრიბუტიკა და ფურნიტურა.

საგაზაფხულო-საშემოდგომო საზაფხულო ზამთრის

პლანშეტი №2

გენერლის გამოსასვლელი ფორმა

1. საგაზაფხულო-საშემოდგომო ფორმა – მუქი რუხი შარვალი, მუქი რუხი პიჯაკი, მუქი რუხი წინაფრიანი ქუდი, თეთრი ფერის პერანგი, შავი ჰალსტუხი, შავი ქამარი; გენერლის წოდების შესაბამისი ატრიბუტიკა და ფურნიტურა.

2. საზაფხულო ფორმა – მუქი რუხი შარვალი, მუქი რუხი წინაფრიანი ქუდი, თეთრი ფერის პერანგი გახსნილი საყელოთი, შავი ქამარი; გენერლის წოდების შესაბამისი ატრიბუტიკა და ფურნიტურა.

3. ზამთრის ფორმა – მუქი რუხი შარვალი, მუქი რუხი მოკლე პალტო, მუქი რუხი წინაფრიანი ქუდი, თეთრი ფერის პერანგი, შავი ქამარი; გენერლის წოდების შესაბამისი ატრიბუტიკა და ფურნიტურა.

საგაზაფხულო-საშემოდგომო საზაფხულო ზამთრის

პლანშეტი №3
მამაკაცის ყოველდღიური ფორმა

1. საზაფხულო ფორმა – მუქი ხაკისფერი შარვალი, ხაკისფერი მოკლემკლავიანი პერანგი, შავი ქამარი და შავი კეპი.

2. საგაზაფხულო-საშემოდგომო ფორმა – მუქი ხაკისფერი შარვალი, ხაკისფერი გრძელმკლავიანი პერანგი, შავი ქამარი, შავი ფერის სამკომპონენტიანი ქურთუკის შემადგენელი ჟილეტი და თხელი ქურთუკი, შავი კეპი.

3. ზამთრის ფორმა – მუქი ხაკისფერი შარვალი, ხაკისფერი გრძელმკლავიანი პერანგი, შავი ქამარი, შავი ფერის სამკომპონენტიანი ქურთუკი (მოიცავს გარეთა ქურთუკს და შიგნიდან მიმაგრებად თხელ ქურთუკს, რომელიც საჭიროებისამებრ გადაკეთებადია ჟილეტად) და შავი კეპი.

საზაფხულო საგაზაფხულო-საშემოდგომო ზამთრის

პლანშეტი №4
მამაკაცის გამოსასვლელი ფორმა

1. საზაფხულო ფორმა – მუქი ლურჯი შარვალი, თეთრი მოკლემკლავიანი პერანგი, შავი ქამარი და მუქი ლურჯი წინაფრიანი ქუდი.

2. საგაზაფხულო-საშემოდგომო ფორმა – მუქი ლურჯი შარვალი, თეთრი გრძელმკლავიანი პერანგი, მუქი ლურჯი პიჯაკი, შავი ჰალსტუხი, შავი ქამარი და მუქი ლურჯი წინაფრიანი ქუდი.

3. ზამთრის ფორმა – მუქი ლურჯი შარვალი, თეთრი გრძელმკლავიანი პერანგი, მუქი ლურჯი პიჯაკი, მუქი ლურჯი პალტო, შავი ჰალსტუხი, შავი ქამარი და მუქი ლურჯი წინაფრიანი ქუდი.

საზაფხულო საგაზაფხულო-საშემოდგომო ზამთრის

პლანშეტი №5
ქალის ყოველდღიური ფორმა

საზაფხულო საგაზაფხულო-საშემოდგომო ზამთრის

პლანშეტი №6

ქალის გამოსასვლელი ფორმა

1. საგაზაფხულო-საშემოდგომო ფორმა – მუქი ლურჯი შარვალი (მუქი ლურჯი ქვედა კაბა), თეთრი გრძელმკლავიანი პერანგი, მუქი ლურჯი პიჯაკი, შავი ჰალსტუხი, შავი ქამარი და მუქი ლურჯი წინაფრიანი ქუდი.

2. საზაფხულო ფორმა – მუქი ლურჯი შარვალი (მუქი ლურჯი ქვედა კაბა), თეთრი მოკლემკლავიანი პერანგი, შავი ქამარი და მუქი ლურჯი წინაფრიანი ქუდი.

3. ზამთრის ფორმა – მუქი ლურჯი შარვალი (მუქი ლურჯი ქვედა კაბა), თეთრი გრძელმკლავიანი პერანგი, მუქი ლურჯი პიჯაკი, მუქი ლურჯი პალტო, შავი ჰალსტუხი, შავი ქამარი და მუქი ლურჯი წინაფრიანი ქუდი.

საგაზაფხულო-საშემოდგომო საზაფხულო ზამთრის

პლანშეტი №7

სპეციალური პენიტენციური სამსახურის პენიტენციური დეპარტამენტის გარე დაცვისა და ინფორმაციულ-ტექნიკური უსაფრთხოების მთავარი სამმართველოს სამხედრო სავალდებულო მოსამსახურის ფორმა

1. საზაფხულო ფორმა – დამცავი ფერის შარვალი, შავი მაისური, შავი ქამარი და დამცავი ფერის (ღია ხაკისფერი) კეპი.

2. საგაზაფხულო-საშემოდგომო ფორმა – დამცავი ფერის (ღია ხაკისფერი) შარვალი, შავი მაისური, დამცავი ფერის (ღია ხაკისფერი) პერანგი, შავი ქამარი და დამცავი ფერის (ღია ხაკისფერი) კეპი.

3. ზამთრის ფორმა – დამცავი ფერის (ღია ხაკისფერი) შარვალი, შავი მაისური, დამცავი ფერის (ღია ხაკისფერი) პერანგი, შავი ქამარი, დამცავი ფერის (ღია ხაკისფერი) დათბილული ქურთუკი და შავი დათბილული ქუდი.

საზაფხულო საგაზაფხულო-საშემოდგომო ზამთრის

პლანშეტი №8

სპეციალური პენიტენციური სამსახურის პენიტენციური დეპარტამენტისა და პენიტენციური დაწესებულებების განმასხვავებელი ატრიბუტიკა

A – სპეციალური პენიტენციური სამსახურის ცენტრალური აპარატი

G – გარე დაცვისა და ინფორმაციულ-ტექნიკური უსაფრთხოების მთავარი სამმართველო

B – ესკორტირებისა და სპეციალურ ღონისძიებათა მთავარი სამმართველო

C – პენიტენციური დაწესებულება

შენიშვნა: განმასხვავებელი ნიშანი მაგრდება პერანგისა და ქურთუკის მარჯვენა მხარეს მკერდზე.

პლანშეტი №9

1. გენერლის ქუდის ემბლემა (კოკარდა) – ვაზის წნულის ოქროსფერი ორნამენტი, სტილიზებული ვარსკვლავი ოქროსფერში.

2. ოფიცრის წინაფრიანი ქუდის ემბლემა (კოკარდა) – ვაზის წნულის ვერცხლისფერი ორნამენტი (მცირე), რომელშიც განთავსებულია სპეციალური პენიტენციური სამსახურის ემბლემა.

3. წინაფრიანი ქუდის (კეპის) ემბლემა (კოკარდა) – სპეციალური პენიტენციური სამსახურის ემბლემა.

პლანშეტი №10

1. იუსტიციის გენერალ-ლეიტენანტის სამხრე – ლურჯი/მუქი რუხი სამხრე (მანჟეტი) ოქროსფერი კანტებით, სტილიზებული ორნამენტით, სამი ვარსკვლავით.

2. იუსტიციის გენერალ-მაიორის სამხრე – ლურჯი/მუქი რუხი სამხრე (მანჟეტი) ოქროსფერი კანტებით, სტილიზებული ორნამენტით, ორი ვარსკვლავით.

3. იუსტიციის პოლკოვნიკის სამხრე – ყოველდღიური ფორმისათვის შავი სამხრე (მანჟეტი), ვერცხლისფერი სტილიზებული ორნამენტით, სამი ვარსკვლავით; გამოსასვლელი ფორმისათვის ლურჯი სამხრე (მანჟეტი) ვერცხლისფერი კანტებით, ვერცხლისფერი სტილიზებული ორნამენტით, სამი ვარსკვლავით.

4. იუსტიციის ვიცე-პოლკოვნიკის სამხრე – ყოველდღიური ფორმისათვის შავი სამხრე (მანჟეტი), ვერცხლისფერი სტილიზებული ორნამენტით, ორი ვარსკვლავით; გამოსასვლელი ფორმისათვის ლურჯი სამხრე (მანჟეტი) ვერცხლისფერი კანტებით, ვერცხლისფერი სტილიზებული ორნამენტით, ორი ვარსკვლავით.

5. იუსტიციის მაიორის სამხრე – ყოველდღიური ფორმისათვის შავი სამხრე (მანჟეტი), ვერცხლისფერი სტილიზებული ორნამენტით, ერთი ვარსკვლავით; გამოსასვლელი ფორმისათვის ლურჯი სამხრე (მანჟეტი) ვერცხლისფერი კანტებით, ვერცხლისფერი სტილიზებული ორნამენტით, ერთი ვარსკვლავით.

6. იუსტიციის კაპიტნის სამხრე – ყოველდღიური ფორმისათვის შავი სამხრე (მანჟეტი) ოთხი ვერცხლისფერი ვარსკვლავით (მცირე); გამოსასვლელი ფორმისათვის ლურჯი სამხრე (მანჟეტი) ვერცხლისფერი კანტებით, ოთხი ვერცხლისფერი ვარსკვლავით (მცირე).

7. იუსტიციის უფროსი ლეიტენანტის სამხრე – ყოველდღიური ფორმისათვის შავი სამხრე (მანჟეტი) სამი ვერცხლისფერი ვარსკვლავით (მცირე); გამოსასვლელი ფორმისათვის ლურჯი სამხრე (მანჟეტი) ვერცხლისფერი კანტებით, სამი ვერცხლისფერი ვარსკვლავით (მცირე).

8. იუსტიციის ლეიტენანტის სამხრე – ყოველდღიური ფორმისათვის შავი სამხრე (მანჟეტი) ორი ვერცხლისფერი ვარსკვლავით (მცირე); გამოსასვლელი ფორმისათვის ლურჯი სამხრე (მანჟეტი) ვერცხლისფერი კანტებით, ორი ვერცხლისფერი ვარსკვლავით (მცირე).

9. იუსტიციის უმცროსი ლეიტენანტის სამხრე – ყოველდღიური ფორმისათვის შავი სამხრე (მანჟეტი) ერთი ვერცხლისფერი ვარსკვლავით (მცირე); გამოსასვლელი ფორმისათვის ლურჯი სამხრე (მანჟეტი) ვერცხლისფერი კანტებით, ერთი ვერცხლისფერი ვარსკვლავით (მცირე).

10. იუსტიციის ზემდეგის სამხრე – შავი სამხრე (მანჟეტი) ვერცხლისფერი ფართო ზოლით.

11. იუსტიციის უფროსი სერჟანტის სამხრე – შავი სამხრე (მანჟეტი) ვერცხლისფერი სამი ზოლით.

12. იუსტიციის სერჟანტის სამხრე – შავი სამხრე (მანჟეტი) ვერცხლისფერი ორი ზოლით.

13. იუსტიციის უმცროსი სერჟანტის სამხრე – შავი სამხრე (მანჟეტი) ვერცხლისფერი ერთი ზოლით.

14. იუსტიციის რიგითის სამხრე – შავი სამხრე (მანჟეტი).

სამხრეები პიჯაკისათვის:

1. იუსტიციის გენერალ-ლეიტენანტის სამხრე – ლურჯი/მუქი რუხი სამხრე ოქროსფერი კანტებით, სტილიზებული ორნამენტით, სამი ვარსკვლავით.

2. იუსტიციის გენერალ-მაიორის სამხრე – ლურჯი/მუქი რუხი სამხრე ოქროსფერი კანტებით, სტილიზებული ორნამენტით, ორი ვარსკვლავით.

3. იუსტიციის პოლკოვნიკის სამხრე – ლურჯი სამხრე ვერცხლისფერი კანტებით, ვერცხლისფერი სტილიზებული ორნამენტით, სამი ვარსკვლავით.

4. იუსტიციის ვიცე-პოლკოვნიკის სამხრე – ლურჯი სამხრე ვერცხლისფერი კანტებით, ვერცხლისფერი სტილიზებული ორნამენტით, ორი ვარსკვლავით.

5. იუსტიციის მაიორის სამხრე – ლურჯი სამხრე ვერცხლისფერი კანტებით, ვერცხლისფერი სტილიზებული ორნამენტით, ერთი ვარსკვლავით.

6. იუსტიციის კაპიტნის სამხრე – ლურჯი სამხრე ვერცხლისფერი კანტებით, ოთხი ვერცხლისფერი ვარსკვლავით (მცირე).

7. იუსტიციის უფროსი ლეიტენანტის სამხრე – ლურჯი სამხრე ვერცხლისფერი კანტებით, სამი ვერცხლისფერი ვარსკვლავით (მცირე).

8. იუსტიციის ლეიტენანტის სამხრე – ლურჯი სამხრე ვერცხლისფერი კანტებით, ორი ვერცხლისფერი ვარსკვლავით (მცირე).

9. იუსტიციის უმცროსი ლეიტენანტის სამხრე – ლურჯი სამხრე ვერცხლისფერი კანტებით, ერთი ვერცხლისფერი ვარსკვლავით (მცირე).

პლანშეტი №11

1. გენერლის ქუდის წინაფრის ორნამენტი და ქამარი ოქროსფერი.

2. წინაფრიანი ქუდის ქამარი ვერცხლისფერი.

3. ჰალსტუხის სამაგრი ოქროსფერი (გენერლის).

4. ჰალსტუხის სამაგრი ვერცხლისფერი.

5. გვარის აღმნიშვნელი სამკერდე ფირნიში (ოქროსფერზე შავი წარწერა (გენერლის), შავზე ვერცხლისფერი წარწერა).

6. სამკლაური ემბლემა.

7. ღილები – ოქროსფერი (გენერლის).

8. ღილები – ვერცხლისფერი.

9. გენერლის ღილკილო.

10. ოფიცრის ღილკილო.

ხშირად დასმული კითხვები

მოქმედებს თუ არა „სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკის დამტკიცების შესახებ“ საქართველოს იუსტიციის მინისტრის 2018 წლის 17 ოქტომბრის №341 ბრძანებაში ცვლილების შეტანის თაობაზე?: დიახ, საქართველოს მინისტრის ბრძანება „სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკის დამტკიცების შესახებ“ საქართველოს იუსტიციის მინისტრის 2018 წლის 17 ოქტომბრის №341 ბრძანებაში ცვლილების შეტანის თაობაზე ამჟამად ძალაშია. ბოლო კონსოლიდირებული რედაქცია — 26.10.2020.
როდის იქნა მიღებული „სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკის დამტკიცების შესახებ“ საქართველოს იუსტიციის მინისტრის 2018 წლის 17 ოქტომბრის №341 ბრძანებაში ცვლილების შეტანის თაობაზე?: „სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკის დამტკიცების შესახებ“ საქართველოს იუსტიციის მინისტრის 2018 წლის 17 ოქტომბრის №341 ბრძანებაში ცვლილების შეტანის თაობაზე მიღებულია 26.10.2020. მიმღები ორგანო — საქართველოს იუსტიციის მინისტრი. დოკუმენტის ნომერი — №646. სარეგისტრაციო კოდი — 100110000.22.027.017140.
რამდენი მუხლისგან შედგება „სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკის დამტკიცების შესახებ“ საქართველოს იუსტიციის მინისტრის 2018 წლის 17 ოქტომბრის №341 ბრძანებაში ცვლილების შეტანის თაობაზე?: დოკუმენტი შედგება 2 მუხლისგან. თითოეული მუხლი ხელმისაწვდომია ცალკე ბმულით.
რომელი დოკუმენტები უთითებენ „სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკის დამტკიცების შესახებ“ საქართველოს იუსტიციის მინისტრის 2018 წლის 17 ოქტომბრის №341 ბრძანებაში ცვლილების შეტანის თაობაზე-ზე?: legali.ge-ის ბაზაში 1 დოკუმენტი უთითებს ამ აქტზე — ცვლილებები, კანონქვემდებარე აქტები და სასამართლო გადაწყვეტილებები.
სად არის „სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკის დამტკიცების შესახებ“ საქართველოს იუსტიციის მინისტრის 2018 წლის 17 ოქტომბრის №341 ბრძანებაში ცვლილების შეტანის თაობაზე-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 26.10.2020 მდგომარეობით.

როგორ დავიმოწმოთ

საქართველოს მინისტრის ბრძანება „სპეციალური პენიტენციური სამსახურის სპეციალური დანაყოფის მოსამსახურეთა სამსახურებრივი ფორმის ატრიბუტიკის დამტკიცების შესახებ“ საქართველოს იუსტიციის მინისტრის 2018 წლის 17 ოქტომბრის №341 ბრძანებაში ცვლილების შეტანის თაობაზე, №646, 26.10.2020, სარეგისტრაციო კოდი 100110000.22.027.017140 (კონსოლიდირებული რედაქცია 26.10.2020). ხელმისაწვდომია: https://legali.ge/law/5022879/