„საზღვარგარეთ საქართველოს დიპლომატიური წარმომადგენლობების საქმიანობის წესისა და ტიპობრივი დებულების დამტკიცების თაობაზე“ საქართველოს საგარეო საქმეთა მინისტრის 2014 წლის 20 ივნისის №01-111 ბრძანებაში ცვლილების შეტანის შესახებ’’

საქართველოს საგარეო საქმეთა მინისტრის

2021 წლის 13 აპრილი

ქ. თბილისი

ა) მე-5 მუხლის:

ა. ა) პირველი პუნქტი ჩამოყალიბდეს შემდეგი რედაქციით:

,,1. წარმომადგენლობას ხელმძღვანელობს: საქართველოს საგანგებო და სრულუფლებიანი ელჩი, საქართველოს მუდმივი წარმომადგენელი საერთაშორისო ორგანიზაციასთან და საქართველოს  წარმომადგენელი საერთაშორისო ორგანიზაციასთან.’’;

ა. ბ) მე-3 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ფუნქცია-მოვალეობების განაწილების შესახებ ბრძანების შესაბამისად, უზრუნველყოფს თანამშრომელთა მიერ მათზე დაკისრებული ფუნქციებისა და სამუშაო გეგმის შესრულებაზე ზედამხედველობას;’’;

ა. გ) მე-3 პუნქტის ,,თ’’ და ,,ი“ ქვეპუნქტები ჩამოყალიბდეს შემდეგი რედაქციით:

,,თ) მინისტრს წარუდგენს წინადადებებს  წარმომადგენლობის თანამშრომელთა წახალისების, დისციპლინური პასუხისმგებლობის დაკისრების შესახებ;

ი) გამოსცემს ბრძანებებს წარმომადგენლობის საშტატო ნუსხით გათვალისწინებულ თანამშრომელთა ადგილსამყოფელი ქვეყნის და იმ სახელმწიფოს ტერიტორიაზე მივლინების თაობაზე, რომელშიც ასევე აკრედიტებულია წარმომადგენლობა;“;

ა.დ) მე-3 პუნქტის ,,ი’’ ქვეპუნქტის შემდეგ დაემატოს შემდეგი შინაარსის „ი¹’’ - „ი³“ ქვეპუნქტები:

„ი¹) ამტკიცებს წარმომადგენლობის შინაგანაწესს და ზედამხედველობს შინაგანაწესის სათანადოდ შესრულებას;

ი²) გეგმავს სტრუქტურული ერთეულის საქმიანობას, უსახავს უშუალოდ დაქვემდებარებულ თანამშრომლებს ინდივიდუალურ მიზნებს და მონიტორინგს უწევს მათ მისაღწევად საჭირო ქმედებებს, ახორციელებს თანამშრომელთა მიერ შესრულებული სამუშაოს შეფასებას, ზრუნავს მათ პროფესიულ განვითარებაზე და მოტივაციაზე;

ი³) უზრუნველყოფს თანამშრომელებს შორის ძირითადი ფუნქცია-მოვალეობების გადანაწილებას, რასაც ამტკიცებს ინდივიდუალური ადმინისტრაციულ-სამართლებრივი აქტით და უგზავნის სამინისტროს ადამიანური რესურსების მართვის დეპარტამენტს;“;

ა. ე) მე-3 პუნქტის ,,ნ’’ და ,,ო’’ ქვეპუნქტები ჩამოყალიბდეს შემდეგი რედაქციით:

,,ნ) სამინისტროსთან შეთანხმებით აფორმებს ხელშეკრულებას წარმომადგენლობის მომსახურე პერსონალთან და წყვეტს მათთან სახელშეკრულებო ურთიერთობას;

ო) გამოსცემს ბრძანებებს წარმომადგენლობის მომსახურე პერსონალის შვებულების, წახალისების, დისციპლინური პასუხისმგებლობის დაკისრების და მათი ადგილსამყოფელი ქვეყნის და იმ სახელმწიფოს ტერიტორიაზე მივლინების თაობაზე, რომელშიც ასევე აკრედიტებულია წარმომადგენლობა;’’;

ა. ვ) მე-3 პუნქტის ,,ს’’ ქვეპუნქტის შემდეგ დაემატოს შემდეგი შინაარსის ,,ტ’’ ქვეპუნქტი:

,,ტ)  ახორციელებს ამ დებულებით, მინისტრის სამართლებრივი აქტებითა და სხვა შესაბამისი აქტებით განსაზღვრულ ფუნქციებსა და უფლება-მოვალეობებს.’’;

ა. ზ) მე-4 პუნქტი ჩამოყალიბდეს შემდეგი რედაქციით:

,,4. წარმომადგენლობის ხელმძღვანელი ბრძანების გამოცემისთანავე უზრუნველყოფს სამინისტროს ადამიანური რესურსების მართვის დეპარტამენტში ამ მუხლის მე-3 პუნქტის  „ი“, ,,კ“, ,,ნ’’ და „ო“ ქვეპუნქტებით გათვალისწინებული ბრძანების ელექტრონული ვერსიის გადაგზავნას, რომელშიც ასახული უნდა იყოს ბრძანების გამოცემის მიზანი, საფუძველი და ვადები.’’.

ბ) მე-7 მუხლის მე-2 პუნქტის:

ბ. ა) ,,ა“ ქვეპუნქტი ჩამოყალიბდეს შემდეგი რედაქციით:

,,ა) ახორციელებს საკონსულო საქმიანობას წარმომადგენლობის ხელმძღვანელის მიერ ინდივიდუალური ადმინისტრაციულ-სამართლებრივი აქტით დამტკიცებული ფუნქცია-მოვალეობების შესაბამისად;’’;

ბ. ბ) ,,გ’’ ქვეპუნქტი ჩამოყალიბდეს შემდეგი რედაქციით:

,,გ) წარმომადგენლობის ხელმძღვანელის მიერ ინდივიდუალური ადმინისტრაციულ-სამართლებრივი აქტით დამტკიცებული ფუნქცია-მოვალეობების შესაბამისად, უზრუნველყოფს საკონსულო  თანამდებობის პირთა და  საკონსულო მოსამსახურეთა მიერ  მათზე დაკისრებული ფუნქციების შესრულებაზე ზედამხედველობას;’’;

გ) მე-8 მუხლის:

გ. ა) მე-3 პუნქტი ჩამოყალიბდეს შემდეგი რედაქციით:

,,3.  საკონსულო თანამდებობის პირი  საკონსულო საქმიანობას ახორციელებს ,,საკონსულო საქმიანობის შესახებ’’ საქართველოს კანონის, ამ დებულების, წარმომადგენლობის ხელმძღვანელის მიერ ინდივიდუალური ადმინისტრაციულ-სამართლებრივი აქტით დამტკიცებული ფუნქცია-მოვალეობებისა და სხვა სამართლებრივი აქტების მოთხოვნათა შესაბამისად.";

გ. ბ) მე-6 პუნქტი ჩამოყალიბდეს შემდეგი რედაქციით:

,,6. წარმომადგენლობის თანამშრომელთა უფლებები და მოვალეობები განისაზღვრება საქართველოს კანონმდებლობით. მათ ფუნქცია-მოვალეობებს ამტკიცებს წარმომადგენლობის ხელმძღვანელი ინდივიდუალური ადმინისტრაციულ-სამართლებრივი აქტით.’’.