„კომერციული ბანკების სტანდარტული სადეპოზიტო სერტიფიკატების დებულების დამტკიცების თაობაზე“ საქართველოს ეროვნული ბანკის პრეზიდენტის 2012 წლის 3 მაისის №49/04 ბრძანებაში ცვლილების შეტანის შესახებ

საქართველოს ეროვნული ბანკის პრეზიდენტის

2021 წლის 7 მაისი

ქ. თბილისი

1. პირველ მუხლს მე-4 პუნქტის შემდეგ დაემატოს შემდეგი შინაარსის მე-5 პუნქტი:

„5. „დაგროვებითი პენსიის შესახებ“ საქართველოს კანონით მინიჭებული უფლებამოსილების ფარგლებში სსიპ – საპენსიო სააგენტოს ან საპენსიო აქტივების მმართველი კომპანიის მიერ ამ დებულების პირობების შესაბამისად სერტიფიკატის ფლობა ითვლება სერტიფიკატის ნომინალურად ფლობად, დაგროვებითი საპენსიო სქემისა და მისი მონაწილეების სასარგებლოდ.“.

2. მე-3 მუხლს მე-8 პუნქტის შემდეგ დაემატოს შემდეგი შინაარსის 8¹ პუნქტი:

„8¹. ამ მუხლის მე-8 პუნქტით დადგენილი ვალდებულება არ ვრცელდება „დაგროვებითი პენსიის შესახებ“ საქართველოს კანონით მინიჭებული უფლებამოსილების ფარგლებში სსიპ – საპენსიო სააგენტოს ან საპენსიო აქტივების მმართველი კომპანიის მიერ შეძენილ სერტიფიკატზე. ამ შემთხვევაში სერტიფიკატთან დაკავშირებული ნებისმიერი ანგარიშსწორება (შეძენა, საპროცენტო სარგებლის გადახდა, დაფარვა) შესაძლებელია განხორციელდეს დაგროვებითი საპენსიო სქემის სპეციალიზებული დეპოზიტარის ნომინალური მფლობელობის მიმდინარე ანგარიშის მეშვეობით.“.

3. მე-4 მუხლის მე-7 პუნქტის „ზ“ ქვეპუნქტი ჩამოყალიბდეს შემდეგი რედაქციით:

„ზ) მიმდინარე ანგარიშის ნომრები, რომელთა საშუალებითაც განხორციელდება მხარეთა შორის ანგარიშსწორება;“.