ზოგიერთი საარჩევნო ღონისძიებისა და ვადის განსაზღვრის შესახებ
ჰკითხე AI-ს ამ კანონის შესახებ
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
📑 სარჩევი (6 მუხლი)
|
საქართველოს საარჩევნო ადმინისტრაცია საქართველოს ცენტრალური საარჩევნო კომისიის დადგენილება №69/2021 |
|
2021 წლის 16 ოქტომბერი ქ. თბილისი |
საქართველოს ორგანული კანონის „საქართველოს საარჩევნო კოდექსი“ 30-ე მუხლის მე-2-ე პუნქტის, 761 მუხლის 23-ე პუნქტის, 199-ე მუხლის მე-8 პუნქტის „დ“ ქვეპუნქტისა და 77-ე მუხლის მე-5 პუნქტის საფუძველზე საქართველოს ცენტრალური საარჩევნო კომისია ადგენს:
|
| მუხლი 1. უფლებამოსილი პოლიტიკური პარტიის მიერ დანიშნული საოლქო საარჩევნო კომისიის წევრის გამოწვევა |
მუნიციპალიტეტის ორგანოთა 2021 წლის 2 ოქტომბრის არჩევნების მეორე ტურისთვის, აკრძალულია უფლებამოსილი პარტიის მიერ დანიშნული საოლქო საარჩევნო კომისიის წევრის გამოწვევა არჩევნების მეორე ტურის კენჭისყრის დღემდე ბოლო 4 დღის განმავლობაში, კენჭისყრის დღეს და კენჭისყრის დღის მომდევნო დღეს. პარტიას უფლება აქვს, კენჭისყრის დღემდე ბოლო 4 დღის განმავლობაში, კენჭისყრის დღეს და კენჭისყრის დღის მომდევნო დღეს საოლქო საარჩევნო კომისიის ახალი წევრი დანიშნოს მხოლოდ დანიშნული წევრის გადადგომის, ახალი კორონავირუსით (SARS-CoV-2) გამოწვეული ინფექციით (COVID-19) ინფიცირების ან გარდაცვალების შემთხვევაში, აგრეთვე იმ შემთხვევაში, თუ სასამართლოს გადაწყვეტილებით შეუძლებელია პირის მიერ საოლქო საარჩევნო კომისიის წევრის საქმიანობის განხორციელება.
|
მუხლი 2.
უფლებამოსილი პოლიტიკური პარტიის მიერ დანიშნული საუბნო საარჩევნო კომისიის/სპეცჯგუფის წევრის ახალი კორონავირუსით (SARS-CoV-2) გამოწვეული ინფექციით (COVID-19) ინფიცირება
|
უფლებამოსილი პოლიტიკური პარტიის მიერ დანიშნული საუბნო საარჩევნო კომისიის/სპეცჯგუფის წევრის ახალი კორონავირუსით (SARS-CoV-2) გამოწვეული ინფექციით (COVID-19) ინფიცირების შემთხვევაში, პარტიას უფლება აქვს, მის ნაცვლად დაუყოვნებლივ დანიშნოს საუბნო საარჩევნო კომისიის/სპეცჯგუფის სხვა წევრი.
|
მუხლი 3.
საარჩევნო სუბიექტის წარმომადგენლის ახალი კორონავირუსით (SARS-CoV-2) გამოწვეული ინფექციით (COVID-19) ინფიცირება |
საარჩევნო სუბიექტის წარმომადგენლის ახალი კორონავირუსით (SARS-CoV-2) გამოწვეული ინფექციით (COVID-19) ინფიცირების შემთხვევაში, მის წარმდგენ საარჩევნო სუბიექტს უფლება აქვს დაუყოვნებლივ დანიშნოს სხვა წარმომადგენელი.
|
მუხლი 4.
საუბნო საარჩევნო კომისიის/სპეცჯგუფის სხვა წევრის/საარჩევნო სუბიექტის წარმომადგენლის კენჭისყრის შენობაში დაშვება |
კენჭისყრის დღეს ამ დადგენილების მე-2-მე-3 მუხლების საფუძველზე დანიშნული საუბნო საარჩევნო კომისიის/სპეცჯგუფის სხვა წევრი/საარჩევნო სუბიექტის წარმომადგენელი კენჭისყრის შენობაში დაიშვება საქართველოს მოქალაქის პირადობის მოწმობის ან საქართველოს მოქალაქის პასპორტის წარდგენისა და შესაბამის ელექტრონულ პროგრამაში დანიშვნის შესახებ ინფორმაციის გადამოწმების შემდეგ.
|
მუხლი 5.
საუბნო საარჩევნო კომისიის/სპეცჯგუფის წევრისთვის ფუნქციის მინიჭება |
ამ დადგენილების მე-2 მუხლის საფუძველზე დანიშნული საუბნო საარჩევნო კომისიის/სპეცჯგუფის წევრისთვის ფუნქციის მინიჭების საკითხს წყვეტს საუბნო საარჩევნო კომისიის/სპეცჯგუფის თავმჯდომარე.
|
მუხლი 6.
დასკვნითი დებულებანი |
1. ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი №64) მისი მიღებიდან 2 კალენდარული დღის ვადაში.
2. ეს დადგენილება ამოქმედდეს გამოქვეყნებისთანავე. |
|
ხშირად დასმული კითხვები
- მოქმედებს თუ არა „ზოგიერთი საარჩევნო ღონისძიებისა და ვადის განსაზღვრის შესახებ“?
- დიახ, საქართველოს ცენტრალური საარჩევნო კომისიის დადგენილება „ზოგიერთი საარჩევნო ღონისძიებისა და ვადის განსაზღვრის შესახებ“ ამჟამად ძალაშია. ბოლო კონსოლიდირებული რედაქცია — 16.10.2021.
- როდის იქნა მიღებული „ზოგიერთი საარჩევნო ღონისძიებისა და ვადის განსაზღვრის შესახებ“?
- „ზოგიერთი საარჩევნო ღონისძიებისა და ვადის განსაზღვრის შესახებ“ მიღებულია 16.10.2021. მიმღები ორგანო — საქართველოს ცენტრალური საარჩევნო კომისია. დოკუმენტის ნომერი — №69/2021. სარეგისტრაციო კოდი — 010210010.15.008.016597.
- რამდენი მუხლისგან შედგება „ზოგიერთი საარჩევნო ღონისძიებისა და ვადის განსაზღვრის შესახებ“?
- დოკუმენტი შედგება 6 მუხლისგან. თითოეული მუხლი ხელმისაწვდომია ცალკე ბმულით.
- სად არის „ზოგიერთი საარჩევნო ღონისძიებისა და ვადის განსაზღვრის შესახებ“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 16.10.2021 მდგომარეობით.
როგორ დავიმოწმოთ
საქართველოს ცენტრალური საარჩევნო კომისიის დადგენილება „ზოგიერთი საარჩევნო ღონისძიებისა და ვადის განსაზღვრის შესახებ“, №69/2021, 16.10.2021, სარეგისტრაციო კოდი 010210010.15.008.016597 (კონსოლიდირებული რედაქცია 16.10.2021). ხელმისაწვდომია: https://legali.ge/law/5269341/