ზოგიერთი საარჩევნო ღონისძიებისა და ვადის განსაზღვრის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო სარეგისტრაციო კოდი 010.190.020.15.008.014.716
საქართველოს საარჩევნო ადმინისტრაცია
საქართველოს ცენტრალური საარჩევნო
კომისიის დადგენილება №46/2010
2010 წლის 4 ივნისი
ქ. თბილისი
ზოგიერთი საარჩევნო ღონისძიებისა და ვადის განსაზღვრის თაობაზე
საქართველოს ორგანული კანონის „საქართველოს საარჩევნო კოდექსი“ 25-ე მუხლის მე-2 და მე-3 პუნქტების, 29-ე მუხლის პირველი პუნქტის “გ“ ქვეპუნქტის, მე-3 პუნქტისა და 77-ე მუხლის მე-5 პუნქტის საფუძველზე, საქართველოს ცენტრალური საარჩევნო კომისია ადგენს:
მუხლი 1
იმ საარჩევნო უბნებში, სადაც ტარდება განმეორებითი კენჭისყრა, შესაბამის საოლქო საარჩევნო კომისიაში ცესკოს მიერ არჩეული დროებითი და პარტიების მიერ დანიშნული წევრების უფლებამოსილების ვადა, განისაზღვროს შესაბამისი არჩევნების საბოლოო შედეგების გამოცხადებამდე დროის მონაკვეთით.
მუხლი 2
საუბნო საარჩევნო კომისიების წევრებისა და ხელმძღვანელი პირების უფლებამოსილების ვადა (გარდა გაბათილებული საარჩევნო უბნებისა) გაგრძელდეს ზემდგომი საოლქო საარჩევნო კომისიის მიერ არჩევნების შედეგების შემაჯამებელი ოქმის შედგენამდე.
მუხლი 3
ახლად შექმნილი საუბნო საარჩევნო კომისიების პირველი სხდომა, საოლქო საარჩევნო კომისიის თავმჯდომარის განკარგულების საფუძველზე, მოიწვევა და იმართება არა უგვიანეს 2010 წლის 10 ივნისისა.
მუხლი 4
განმეორებით კენჭისყრამდე არა უგვიანეს მე-2 დღისა (10 ივნისი) საოლქო საარჩევნო კომისიის თავმჯდომარისა და კომისიის მდივნის მიერ ხელმოწერილი ამომრჩეველთა დაზუსტებული სიების საბოლოო ვერსიის 2 ეგზემპლარი გადაეცემა საუბნო საარჩევნო კომისიებს. საუბნო საარჩევნო კომისიების მდივნების მიერ ამომრჩეველთა სიის საჯარო ინფორმაციისათვის მიკუთვნებული ვერსია დაუყოვნებლივ უნდა გამოიკრას საუბნო საარჩევნო კომისიის (კენჭისყრის) შენობაში თვალსაჩინო ადგილას.
მუხლი 5
ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებელის ხეივანი მე-12 კმ. №6) მისი მიღებიდან 2 კალენდარული დღის ვადაში.
მუხლი 6
ეს დადგენილება ძალაშია გამოქვეყნებისთანავე.
კომისიის თავმჯდომარე ზ. ხარატიშვილი
კომისიის მდივანი გ. მჭედლიძე
ხშირად დასმული კითხვები
- მოქმედებს თუ არა „ზოგიერთი საარჩევნო ღონისძიებისა და ვადის განსაზღვრის თაობაზე“?
- დიახ, ცენტრალური საარჩევნო კომისიის დადგენილება „ზოგიერთი საარჩევნო ღონისძიებისა და ვადის განსაზღვრის თაობაზე“ ამჟამად ძალაშია. ბოლო კონსოლიდირებული რედაქცია — 04.06.2010.
- როდის იქნა მიღებული „ზოგიერთი საარჩევნო ღონისძიებისა და ვადის განსაზღვრის თაობაზე“?
- „ზოგიერთი საარჩევნო ღონისძიებისა და ვადის განსაზღვრის თაობაზე“ მიღებულია 04.06.2010. მიმღები ორგანო — საქართველოს ცენტრალური საარჩევნო კომისია. დოკუმენტის ნომერი — №46/2010. სარეგისტრაციო კოდი — 010190020.15.008.014716.
- სად არის „ზოგიერთი საარჩევნო ღონისძიებისა და ვადის განსაზღვრის თაობაზე“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 04.06.2010 მდგომარეობით.
როგორ დავიმოწმოთ
ცენტრალური საარჩევნო კომისიის დადგენილება „ზოგიერთი საარჩევნო ღონისძიებისა და ვადის განსაზღვრის თაობაზე“, №46/2010, 04.06.2010, სარეგისტრაციო კოდი 010190020.15.008.014716 (კონსოლიდირებული რედაქცია 04.06.2010). ხელმისაწვდომია: https://legali.ge/law/1021408/