„საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებაში ცვლილების შეტანის შესახებ

✨ ჰკითხე AI-ს ამ კანონის შესახებ

მიღების თარიღი

18.11.2021

გამომცემი ორგანო

საქართველოს ფინანსთა მინისტრი

ნომერი

№304

სარეგისტრაციო კოდი

230210000.22.033.017527

გამოქვეყნების წყარო

matsne.gov.ge , 19/11/2021

🧬 მსგავსი 10 📎 დანართები 3

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს ფინანსთა მინისტრის

ბრძანება №304

2021 წლის 18 ნოემბერი

ქ. თბილისი

„საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

„საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებით (ვებგვერდი, 30/08/2019, სარეგისტრაციო კოდი: 230210000.22.033.017230) დამტკიცებული:

1. „გარანტიის შესახებ“ ინსტრუქციის (დანართი №4):

ა) პირველი მუხლის:

ა.ა) მე-9 პუნქტის „დ.ბ“ ქვეპუნქტის შემდეგ დაემატოს შემდეგი შინაარსის „დ.გ“ ქვეპუნქტი:

„დ.გ) შიდა გადამუშავებისას.“;

ა.ბ) მე-11 და მე-12 პუნქტები ჩამოყალიბდეს შემდეგი რედაქციით:

„11. შიდა გადამუშავებისას ან საბაჟო საწყობის საქმიანობის ნებართვის მისაღებად უძრავი ქონების იპოთეკით დატვირთვის მიზნით, შემოსავლების სამსახურს განცხადებასთან ერთად წარედგინება უფლებრივად უნაკლო ქონების საკუთრების უფლების დამადასტურებელი დოკუმენტი (ამონაწერი საჯარო რეესტრიდან) და ქონების საბაზრო ღირებულების შესახებ შესაბამისი კვალიფიკაციის მქონე ექსპერტის/აუდიტორის დასკვნა.

12. უძრავი ქონების იპოთეკის უფლების წარმოშობისათვის შემოსავლების სამსახურსა და უძრავი ქონების მესაკუთრეს შორის ფორმდება იპოთეკის ხელშეკრულება (დანართი №4-04), რომელიც ძალაში შედის მარეგისტრირებელ ორგანოში (საჯარო რეესტრში) რეგისტრაციის მომენტიდან.“;

ა.გ) მე-12 პუნქტის შემდეგ დაემატოს შემდეგი შინაარსის მე-13 და მე-14 პუნქტები:

„13. იპოთეკის უფლების წარმოშობის, ცვლილებისა და შეწყვეტის რეგისტრაციას მარეგისტრირებელ ორგანოში უზრუნველყოფს უძრავი ქონების მესაკუთრე.

14. შიდა გადამუშავებისას თავდებსა და შემოსავლების სამსახურს შორის თავდებობის ხელშეკრულების გასაფორმებლად დეკლარანტი საბაჟო ორგანოში წარადგენს ამ ინსტრუქციის დანართი №4-05-ის შესაბამის განცხადებას, რომელსაც უნდა ერთოდეს:

ა) თავდების საკუთრებაში არსებული უფლებრივად უნაკლო უძრავი ქონების იპოთეკით დატვირთვის მიზნით – ამ ქონებაზე თავდების საკუთრების უფლების დამადასტურებელი დოკუმენტი (ამონაწერი საჯარო რეესტრიდან) და შესაბამისი კვალიფიკაციის მქონე ექსპერტის/აუდიტორის დასკვნა უძრავი ქონების საბაზრო ღირებულების შესახებ ან/და

ბ) საქართველოს ფინანსთა სამინისტროს სახელმწიფო საქვეუწყებო დაწესებულება – სახაზინო სამსახურის მიერ გაცემული ცნობა სახელმწიფო ხაზინაში შემოსავლების სამსახურის სადეპოზიტო ანგარიშზე (სახაზინო კოდი – 302002000) თავდებობის თანხის (დეპოზიტი) შეტანის შესახებ ან/და

გ) საბანკო დაწესებულების მიერ გაცემული საბანკო გარანტია ან/და

დ) დაზღვევის პოლისი.“;

ბ) დანართი №4–03 ჩამოყალიბდეს თანდართული რედაქციით;

გ) დანართი №4–03-ის შემდეგ დაემატოს თანდართული რედაქციის დანართი №4–04 და დანართი №4–05.

2. „საქონლის საბაჟო პროცედურაში ან რეექსპორტში დეკლარირებისა და გაფორმების შესახებ“ ინსტრუქციის (დანართი №8):

ა) დანართი №8-III-02 ჩამოყალიბდეს თანდართული რედაქციით;

ბ) დანართი №8-III-04 ჩამოყალიბდეს თანდართული რედაქციით.

3. „დეკლარირების კლასიფიკატორის“ (დანართი №19) ნაწილი 10. „საქონლის გაფორმებისათვის წარსადგენი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორის“ „037“ კოდის გრაფის შემდეგ დაემატოს შემდეგი შინაარსის „038“ კოდის გრაფა:

038	საქართველოს რეზიდენტის თავდებობის ხელშეკრულება

მუხლი 2

ეს ბრძანება ამოქმედდეს გამოქვეყნებისთანავე.

საქართველოს ფინანსთა მინისტრი

ლაშა ხუციშვილი

📎 დანართები (3)

304-dan-1.docx ⬇

დანართი №4–04

იპოთეკის ხელშეკრულება

ქ._____________ „______“ ____________ ___________ წ.

(ხელშეკრულების დადების ადგილი) (ხელშეკრულების დადების თარიღი)

ერთი მხრივ, ______________________________________________________________ „მესაკუთრე“, რეკვიზიტები: ______________________________________________________________________________

და, მეორე მხრივ, საქართველოს ფინანსთა სამინისტროს მმართველობის სფეროში შემავალი სსიპ – შემოსავლების სამსახური (მისამართი: ქ. თბილისი, ვ. გორგასლის ქ. №16) „იპოთეკარი“, ვდებთ წინამდებარე ხელშეკრულებას შემდეგზე:

1. ხელშეკრულების საგანი

1.1. მესაკუთრე იპოთეკით ტვირთავს ხელშეკრულების 1.3 პუნქტში მითითებულ უძრავ ქონებას (იპოთეკის საგანი);

1.2. იპოთეკის საგანი საკუთრების უფლებით ეკუთვნის მესაკუთრეს, რაც დასტურდება საქართველოს იუსტიციის სამინისტროს საჯარო რეესტრის ეროვნული სააგენტოს ქ. ________________ სარეგისტრაციო სამსახურის __________________ (თარიღი) ამონაწერით;

1.3. იპოთეკის საგანი წარმოადგენს შემდეგ ქონებას:

მიწის/შენობა-ნაგებობის რეგისტრაციის N ___________ რეგისტრაციის თარიღი ___________;
სარეგისტრაციო ზონა:___________________________________________________________;
ფართობი: _______________________________________________;

1.4. იპოთეკის საგანი არ არის იპოთეკით დატვირთული, ყადაღადადებული ან სხვამხრივ უფლებრივად დატვირთული.

1.5. იპოთეკის საგნის საბაზრო ღირებულებაა __________________________, რაც დასტურდება _______________________________________________________________ (ექსპერტის/აუდიტორის დასახელება) N ____________ _____________ (თარიღი) დასკვნით.

2. იპოთეკის საგნით უზრუნველსაყოფი

ვალდებულებები

2.1. მესაკუთრე იპოთეკის საგნით უზრუნველყოფს და კისრულობს გამოუწვევად ვალდებულებას, საბაჟო ორგანოს წერილობითი მოთხოვნის საფუძველზე, ყოველგვარი უარყოფისა და გასაჩივრების უფლების გარეშე, სრული მოცულობით დაფაროს ძირითადი მოვალის (გადასახადის გადამხდელის) _________________________________ (დასახელება/სახელი, გვარი, ს/ნ/პ/ნ) საგადასახადო დავალიანება, რომელიც შეიძლება წარმოიშვას ძირითადი მოვალის მიერ საბაჟო საწყობის საქმიანობის სანებართვო პირობის დარღვევისას ან შიდა გადამუშავების საბაჟო პროცედურის გამოყენებისას;

2.2. იპოთეკის საგნით უზრუნველსაყოფი მოთხოვნის ღირებულებაა: _____________________ ლარი.

3. მხარეთა უფლება-მოვალეობანი

3.1. მესაკუთრე ვალდებულია:

ა) შეინარჩუნოს იპოთეკის საგნის რეალური ღირებულება;

ბ) იპოთეკის საგანი ან მისი ნაწილი არ გაასხვისოს, იპოთეკით არ დატვირთოს, ქირავნობით, იჯარით არ გადასცეს მესამე პირს იპოთეკარის წერილობითი თანხმობის გარეშე;

გ) ამ ხელშეკრულებით გათვალისწინებული ვალდებულებები (მთლიანად ან ნაწილობრივ) არ გადასცეს მესამე პირს იპოთეკარის წერილობითი თანხმობის გარეშე;

დ) აცნობოს იპოთეკარს ყველა საკითხის ან გარემოების შესახებ, რამაც შეიძლება გავლენა იქონიოს იპოთეკის საგანზე;

ე) იპოთეკარს მისი მოთხოვნის საფუძველზე წარუდგინოს იპოთეკის საგანთან დაკავშირებული ნებისმიერი დოკუმენტი ან/და ინფორმაცია;

ვ) ნაკისრ ვალდებულებათა შესასრულებლად იპოთეკის საგნის იძულებით აუქციონზე რეალიზაციის შემთხვევაში, ახალი მესაკუთრის მოთხოვნიდან ერთი თვის ვადაში გაათავისუფლოს რეალიზებული იპოთეკის საგანი მასთან მცხოვრებ პირებთან ერთად.

3.2. იპოთეკარი უფლებამოსილია:

ა. ნებისმიერ დროს დაათვალიეროს და შეამოწმოს იპოთეკის საგანი, მოიპოვოს მასთან დაკავშირებული ნებისმიერი დოკუმენტი ნებისმიერი პირისაგან;

ბ. ხელშეკრულების მოქმედების პერიოდში იპოთეკის საგნის ღირებულების შემცირების ან ასეთი საფრთხის წარმოშობის შემთხვევაში, მესაკუთრეს მოსთხოვოს განსაზღვრულ ვადაში დამატებითი, იპოთეკარისათვის მისაღები ქონების იპოთეკით დატვირთვა.

4. იპოთეკარის დაკმაყოფილება

4.1. მესაკუთრის მიერ იპოთეკის საგნით უზრუნველყოფილი, ამ ხელშეკრულების მე-2 მუხლში განსაზღვრული ვალდებულების შეუსრულებლობის შემთხვევაში იპოთეკარი უფლებამოსილია მიიღოს დაკმაყოფილება იპოთეკის საგნიდან, მოქმედი კანონმდებლობის შესაბამისად;

4.2. თუკი იპოთეკის საგნის რეალიზაციიდან მიღებული ამონაგები საკმარისი არ იქნება ძირითადი მოვალის (გადასახადის გადამხდელის) საგადასახადო დავალიანების მთლიანად დასაფარად, ასეთ შემთხვევაში იპოთეკარის მოთხოვნა მესაკუთრის მიმართ დარჩება ნებისმიერი ასეთი დაუფარავი ვალდებულების ფარგლებში, იმ ხარჯების ჩათვლით, რაც შეიძლება წარმოიშვას იპოთეკის საგნის რეალიზაციის პროცესში.

5. ხელშეკრულების ძალაში შესვლა.

ხელშეკრულების მოქმედების ვადა

5.1. ხელშეკრულება ძალაში შედის საჯარო რეესტრში რეგისტრაციის მომენტიდან;

5.2. ხელშეკრულება მოქმედებს ამ ხელშეკრულების მე-2 მუხლში განსაზღვრული ვალდებულების შესრულებამდე ან ასეთი ვალდებულების შეუსრულებლობის შემთხვევაში იპოთეკის საგნიდან დაკმაყოფილების მიღებამდე.

6. დასკვნითი დებულებანი

6.1. ხელშეკრულება იდება ქართულ ენაზე, თანაბარი იურიდიული ძალის მქონე ორ იდენტურ ეგზემპლარად და გადაეცემა თითოეულ მხარეს;

6.2. ხელშეკრულებაში ცვლილებები შეიძლება შეტანილ იქნეს მხოლოდ მხარეთა წერილობითი თანხმობით;

6.3. ურთიერთობები, რომლებიც არ არის რეგულირებული წინამდებარე ხელშეკრულებით, გადაწყდება მოქმედი კანონმდებლობის შესაბამისად.

7. მხარეთა რეკვიზიტები:

7.1. მესაკუთრე:

მისამართი: __________________________________________
ტელეფონი :__________________________________________
ელფოსტა: __________________________________________
საკონტაქტო პირი:____________________________________

7.2. იპოთეკარი:

მისამართი: __________________________________________
ტელეფონი :__________________________________________
ელფოსტა: __________________________________________
საკონტაქტო პირი:____________________________________

მესაკუთრე: იპოთეკარი:

---------------------------------- ----------------------------------

/ხელმოწერა/ბეჭედი/ /ხელმოწერა/ბეჭედი/

დანართი №4–05

განცხადება

თავდებობის ხელშეკრულების გაფორმების თაობაზე

1. ____ 2. _____

(გადასახადის გადამხდელის დასახელება/სახელი და გვარი) (გადასახადის გადამხდელის საიდენტიფიკაციო/პირადი №)

3. ____ 4. _____

(თავდების დასახელება/სახელი და გვარი) (თავდების საიდენტიფიკაციო/პირადი №)

(თავდებობის ხელშეკრულების გაფორმების მიზანი (შიდა გადამუშავების პროცედურაში საქონლის მოქცევა)

(საგარანტიო თანხის ოდენობა (ციფრებით და სიტყვიერად), რაზედაც ფორმდება თავდებობის ხელშეკრულება)

7. ____ 8. _____

(გადასახადის გადამხდელის ხელმოწერა) (თავდების ხელმოწერა)

9. 20 წ.

რიცხვი, თვე, წელი

304-dan-2.docx ⬇

დანართი №8-III-02

საქონლის გაფორმებისათვის წარდგენილი დოკუმენტების შესახებ განაცხადი

დოკუმენტის დასახელება	დოკუმენტის №		ფურცლების რაოდენობა		შენიშვნა
საქონლისა და სატრანსპორტო საშუალების აღრიცხვის მოწმობა
ხელშეკრულება
შესყიდვის დოკუმენტი (ინვოისი ან სხვა საანგარიშსწორებო დოკუმენტი)
სატრანსპორტო ზედნადები (CMR)
სარკინიგზო ზედნადების მონაცემების შესახებ განაცხადი
კონოსამენტი
მანიფესტი
შეფუთვის ფურცელი
TIR-წიგნაკის ფურცელი
წარმომადგენლის უფლებამოსილების დამადასტურებელი დოკუმენტი
საბანკო გარანტია
ფინანსური რისკის დაზღვევის პოლისი
სახელმწიფო ხაზინის ცნობა სახელმწიფო ხაზინაში გარანტიის სახით სათანადო თანხის (დეპოზიტის) შეტანის თაობაზე
გარანტიის სახით უძრავი ქონების იპოთეკის რეგისტრაციის თაობაზე ამონაწერი საჯარო რეესტრიდან
იპოთეკის ხელშეკრულება
საქართველოს რეზიდენტის თავდებობის ხელშეკრულება
წინასწარი გადაწყვეტილება
ექსპერტიზის დასკვნა
სხვა დოკუმენტები:









ფურცლების რაოდენობა სულ –

დოკუმენტების წარმომდგენი პირის:

1. სახელი, გვარი ----------------------------------------------------------

2. პირადი ნომერი --------------------------

3. ხელმოწერა --------------------------

დანართი №8-III-04

საბაჟო ორგანოში საქონლის გაფორმებისათვის წარდგენილი დოკუმენტების შესახებ განაცხადი

დოკუმენტის დასახელება	დოკუმენტის №	ფურცლების რაოდენობა	შენიშვნა
საქონლისა და სატრანსპორტო საშუალების აღრიცხვის მოწმობა
ხელშეკრულება
შესყიდვის დოკუმენტი (ინვოისი ან სხვა საანგარიშსწორებო დოკუმენტი)
სატრანსპორტო ზედნადები (CMR)
სარკინიგზო ზედნადების მონაცემების შესახებ განაცხადი
კონოსამენტი
მანიფესტი
შეფუთვის ფურცელი
TIR-წიგნაკის ფურცელი
წარმომადგენლის უფლებამოსილების დამადასტურებელი დოკუმენტი
საბანკო გარანტია
ფინანსური რისკის დაზღვევის პოლისი
სახელმწიფო ხაზინის ცნობა სახელმწიფო ხაზინაში გარანტიის სახით სათანადო თანხის (დეპოზიტის) შეტანის თაობაზე
გარანტიის სახით უძრავი ქონების იპოთეკის რეგისტრაციის თაობაზე ამონაწერი საჯარო რეესტრიდან
იპოთეკის ხელშეკრულება
საქართველოს რეზიდენტის თავდებობის ხელშეკრულება
წინასწარი გადაწყვეტილება
ექსპერტიზის დასკვნა
სხვა დოკუმენტები:









ფურცლების რაოდენობა სულ –

საბაჟო პროცედურა/რეექსპორტი-

1. დოკუმენტების წარმომდგენი პირის სახელი, გვარი ----------------------------

2. პირის საიდენტიფიკაციო ნომერი -----------------------

3. საბაჟო ორგანო ს მიერ დოკუმენტების მიღების თარიღი და დრო

20 წელი ----სთ.-----წთ.

4. დოკუმენტების მიღებაზე პასუხისმგებელი პირის ხელმოწერა --------------

304-dan-3.docx ⬇

დანართი №4–03

საქართველოს რეზიდენტის თავდებობის ხელშეკრულება

„-----“ -------------------------- 20-- წ.

თავდების სრული დასახელება

ან სახელი, გვარი ------------------------------------------------------------

თავდების ს/ნ ან პ/ნ ------------------------------------------------------------

საბაჟო ორგანო --------------------------------------------------------

ძირითადი მოვალე

(გადასახადის გადამხდელი) -------------------------------------------------

თავდების ვალდებულება: თავდები სოლიდარულად კისრულობს გამოუწვევად ვალდებულებას, საბაჟო ორგანოს წერილობითი მოთხოვნის საფუძველზე, ყოველგვარი უარყოფისა და გასაჩივრების უფლების გარეშე, სრული მოცულობით დაფაროს ძირითადი მოვალის (გადასახადის გადამხდელის) საგადასახადო დავალიანება:

____ საქართველოს საგადასახადო კოდექსის 199-ე მუხლის „დ.ე” ქვეპუნქტით გათვალისწინებულ საქონელზე (თუ გადასახადის გადამხდელი 20 წლის ----- -------------------მდე არ წარუდგენს შემოსავლების სამსახურს საქართველოში მუდმივი საცხოვრებელი ადგილის დამადასტურებელ საბუთს).

____ იდენტიფიცირებული ავტოსადგომის ტერიტორიაზე შენახვით საბაჟო საწყობის პროცედურაში მოქცეულ სატრანსპორტო საშუალებაზე, საიდენტიფიკაციო (VIN/შასის) ნომრით -------

____ შიდა გადამუშავების პროცედურაში მოქცეულ საქონელზე ან/და გადამუშავებულ პროდუქტზე ან/და ნარჩენზე/ჯართზე.

შენიშვნა: თავდების ვალდებულების საფუძველი მიეთითება შესაბამისი უჯრედის

მონიშვნით.

თავდებობის ზღვრული თანხა: -----------------------------------

თავდების ხელმოწერა ------------------------------

საბაჟო ორგანოს უფლებამოსილი პირის

ხელმოწერა --------------------------------------------------------------

ხშირად დასმული კითხვები

მოქმედებს თუ არა „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებაში ცვლილების შეტანის შესახებ?: დიახ, საქართველოს მინისტრის ბრძანება „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებაში ცვლილების შეტანის შესახებ ამჟამად ძალაშია. ბოლო კონსოლიდირებული რედაქცია — 18.11.2021.
როდის იქნა მიღებული „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებაში ცვლილების შეტანის შესახებ?: „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებაში ცვლილების შეტანის შესახებ მიღებულია 18.11.2021. მიმღები ორგანო — საქართველოს ფინანსთა მინისტრი. დოკუმენტის ნომერი — №304. სარეგისტრაციო კოდი — 230210000.22.033.017527.
რამდენი მუხლისგან შედგება „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებაში ცვლილების შეტანის შესახებ?: დოკუმენტი შედგება 2 მუხლისგან. თითოეული მუხლი ხელმისაწვდომია ცალკე ბმულით.
სად არის „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებაში ცვლილების შეტანის შესახებ-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 18.11.2021 მდგომარეობით.

როგორ დავიმოწმოთ

საქართველოს მინისტრის ბრძანება „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ საქართველოს ფინანსთა მინისტრის 2019 წლის 29 აგვისტოს №257 ბრძანებაში ცვლილების შეტანის შესახებ, №304, 18.11.2021, სარეგისტრაციო კოდი 230210000.22.033.017527 (კონსოლიდირებული რედაქცია 18.11.2021). ხელმისაწვდომია: https://legali.ge/law/5282041/