ქალაქ თბილისის მუნიციპალიტეტში ზოგიერთი პირისათვის დასახლებული ტერიტორიის დასუფთავების მოსაკრებელის გადახდაზე შეღავათის დადგენის შესახებ

ქალაქ თბილისის მუნიციპალიტეტში ზოგიერთი პირისათვის დასახლებული ტერიტორიის დასუფთავების მოსაკრებელის გადახდაზე შეღავათის დადგენის შესახებ ქალაქ თბილისის მუნიციპალიტეტის საკრებულოს დადგენილება №4-13 2021 წლის 27 დეკემბერი ქ. თბილისი ქალაქ თბილისის მუნიციპალიტეტში ზოგიერთი პირისათვის დასახლებული ტერიტორიის დასუფთავების მოსაკრებელის გადახდაზე შეღავათის დადგენის შესახებ საქართველოს ორგანული კანონის „ადგილობრივი თვითმმართველობის კოდექსის“ მე-16 მუხლის მე-2 პუნქტის „დ“ ქვეპუნქტის და 61-ე მუხლის მე-2 პუნქტისა, „ადგილობრივი მოსაკრებლების შესახებ“ საქართველოს კანონის მე-3 მუხლის პირველი პუნქტის და მე-4 მუხლის მე-2 პუნქტის, შესაბამისად, ქალაქ თბილისის მუნიციპალიტეტის საკრებულო ადგენს: მუხლი 1🔗 საქართველოში ახალი კორონავირუსით გამოწვეული სოციალურ-ეკონომიკური მდგომარეობის გაუარესების გამო, ამ დადგენილების დანართით გათვალისწინებული პირების (შემდგომში - მოსაკრებლის გადამხდელები) მიმართ დადგინდეს შეღავათი დასახლებული ტერიტორიის დასუფთავების მოსაკრებლის გადახდაზე, ამ დადგენილების შესაბამისად. მუხლი 2🔗 1. მოსაკრებლის გადამხდელები, ამ მუხლის მე-2 პუნქტით გათვალისწინებული ზღვრული ოდენობის ფარგლებში, გათავისუფლდნენ დასახლებული ტერიტორიის დასუფთავებისათვის დაწესებული მოსაკრებლის (შემდგომში-მოსაკრებელი) გადახდისაგან 2022 წლის განმავლობაში, გარდა ამ დადგენილების მე-4 მუხლით გათვალისწინებული შემთხვევისა. 2. მოსაკრებლის გადამხდელი მოსაკრებლის გადახდისაგან თავისუფლდება არაუმეტეს 1000 ლარის ოდენობით. 3. იმ შემთხვევაში, თუ მოსაკრებლის გადამხდელი ამ მუხლის მე-2 პუნქტით გათვალისწინებული ოდენობის მოსაკრებლის გადახდისაგან გათავისუფლებით ისარგებლებს 2022 წლის დასრულებამდე, მას ამ პერიოდიდან მოსაკრებელი დაერიცხება ჩვეულებრივი წესით. 4. იმ შემთხვევაში, თუ მოსაკრებლის გადამხდელი ამ მუხლის მე-2 პუნქტით გათვალისწინებული ოდენობის მოსაკრებლის გადახდისაგან გათავისუფლებით ვერ ისარგებლებს 2022 წლის განმავლობაში, იგი გამოუყენებელი შეღავათით ვეღარ ისარგებლებს მომდევნო წლების განმავლობაში. მუხლი 3🔗 მოსაკრებლის გადამხდელებს, რომელთაც 2022 წლის პერიოდზე გადახდილი აქვთ მოსაკრებელი, გადახდილი თანხა აესახებათ სააბონენტო ბარათზე (რომელიც არ ექვემდებარება დაბრუნებას), რომელიც ჩაითვლება ამ დადგენილების მე-2 მუხლის მე-3 და მე-4 პუნქტებით გათვალისწინებული პერიოდის შემდგომ დარიცხული მიმდინარე დავალიანების დასაფარად. მუხლი 4🔗 ამ დადგენილების დანართით გათვალისწინებულ პირები უფლებამოსილი არიან უარი განაცხადონ ამ დადგენილებით გათვალისწინებულ შეღავათით სარგებლობაზე, მოსაკრებლის გადახდევინებისათვის პასუხისმგებელ სამსახურთან ან საამისოდ უფლებამოსილ იურიდიულ პირთან განაცხადის შეტანის გზით. მუხლი 5🔗 დადგენილება ამოქმედდეს 2022 წლის 1 იანვრიდან.ქალაქ თბილისის მუნიციპალიტეტის საკრებულოს თავმჯდომარეგიორგი ტყემალაძე დანართი № მოსაკრებლის გადამხდელთა კატეგორია 1. „ქ. თბილისის მუნიციპალიტეტში დასახლებული ტერიტორიის დასუფთავებისათვის მოსაკრებლის შემოღების, გადახდის ინსტრუქციისა და დაგვა-დასუფთავების, ნარჩენების მართვის, ოპერატორის შერჩევის და ქალაქ თბილისის მუნიციპალიტეტის საკუთრებაში არსებული ნარჩენების განკარგვის წესის დამტკიცების შესახებ“ ქალაქ თბილისის მუნიციპალიტეტის საკრებულოს 2014 წლის 12 დეკემბრის №17-46 დადგენილების „დანართი 2“-ის მე-6 გრაფით გათვალისწინებული სუბიექტები (სასტუმროები და სასტუმროს ტიპის საერთო საცხოვრებლები), რომლებიც აკმაყოფილებენ ყველა შემდეგ პირობას: დარეგისტრირებულნი არიან „ქ. თბილისის მუნიციპალიტეტში დასახლებული ტერიტორიის დასუფთავებისათვის მოსაკრებლის შემოღების, გადახდის ინსტრუქციისა და დაგვა-დასუფთავების, ნარჩენების მართვის, ოპერატორის შერჩევის და ქალაქ თბილისის მუნიციპალიტეტის საკუთრებაში არსებული ნარჩენების განკარგვის წესის დამტკიცების შესახებ“ ქალაქ თბილისის მუნიციპალიტეტის საკრებულოს 2014 წლის 12 დეკემბრის №17-46 დადგენილებით გათვალისწინებულ აბონენტად; შეღავათით სარგებლობის დროს არ უნდა იყვნენ რეაბილიტაციის ან გაკოტრების რეჟიმში ან ლიკვიდირებულნი. 2. „ქ. თბილისის მუნიციპალიტეტში დასახლებული ტერიტორიის დასუფთავებისათვის მოსაკრებლის შემოღების, გადახდის ინსტრუქციისა და დაგვა-დასუფთავების, ნარჩენების მართვის, ოპერატორის შერჩევის და ქალაქ თბილისის მუნიციპალიტეტის საკუთრებაში არსებული ნარჩენების განკარგვის წესის დამტკიცების შესახებ“ ქალაქ თბილისის მუნიციპალიტეტის საკრებულოს 2014 წლის 12 დეკემბრის №17-46 დადგენილების „დანართი 2“-ის 21-ე გრაფით გათვალისწინებული სუბიექტები (რესტორნები, პიცერიები, სასადილოები (გარდა უმწეოთათვის უფასო სასადილოებისა) კაფეები და ბარები), რომლებიც აკმაყოფილებენ ყველა შემდგ პირობას: დარეგისტრირებულნი არიან „ქ. თბილისის მუნიციპალიტეტში დასახლებული ტერიტორიის დასუფთავებისათვის მოსაკრებლის შემოღების, გადახდის ინსტრუქციისა და დაგვა-დასუფთავების, ნარჩენების მართვის, ოპერატორის შერჩევის და ქალაქ თბილისის მუნიციპალიტეტის საკუთრებაში არსებული ნარჩენების განკარგვის წესის დამტკიცების შესახებ“ ქალაქ თბილისის მუნიციპალიტეტის საკრებულოს 2014 წლის 12 დეკემბრის №17-46 დადგენილებით გათვალისწინებულ აბონენტად; შეღავათით სარგებლობის დროს არ უნდა იყვნენ რეაბილიტაციის ან გაკოტრების რეჟიმში ან ლიკვიდირებულნი.