„საქართველოს თავდაცვის სამინისტროს სისტემის სამხედრო მოსამსახურეთა სამხედრო სადისციპლინო წესდების დამტკიცების შესახებ“ საქართველოს მთავრობის 2016 წლის 17 მარტის №124 დადგენილებაში ცვლილების შეტანის თაობაზე

1. მე-2 მუხლის „დ“ და „ე“ ქვეპუნქტები ამოღებულ იქნეს.

2. მე-8 მუხლის შემდეგ დაემატოს შემდეგი შინაარსის 8¹ მუხლი:

„მუხლი 8¹. წახალისების საფუძვლები

წახალისების საფუძვლებია:

ა) დაკისრებული მოვალეობის მაღალხარისხოვნად შესრულება;

ბ) განსაკუთრებული სირთულის ან მნიშვნელოვანი დავალების, საბრძოლო დავალების,  სამხედრო წვრთნისას მიღებული დავალების წარმატებით შესრულება;

გ) თანამებრძოლის დახმარება;

დ) ახალი სახეობის ცეცხლსასროლი იარაღის, საბრძოლო ტექნიკისა და სხვა სამხედრო სპეციალობის სრულყოფილი შესწავლა;

ე) ცეცხლსასროლი იარაღიდან ან საბრძოლო ტექნიკიდან სროლის ნორმატივების წარმატებით შესრულება, ასევე ფიზიკური მომზადების დონის დასადგენი ნორმატივების საუკეთესო მაჩვენებლებით შესრულება;

ვ) მაღალი ბრძოლისუნარიანობის სამხედრო ქვედანაყოფის აღზრდა;

ზ) ბრძოლის ველიდან დაჭრილების გამოყვანა ან მშვიდობიანობის დროს საკუთარი სიცოცხლის რისკის ფასად ადამიანის გადარჩენა;

თ) სასწავლებლის/სასწავლო კურსის წარჩინებით დამთავრება, ასევე სამხედრო სპეციალობაში დოქტორის აკადემიური წოდების მიღება;

ი) ქვედანაყოფისათვის მნიშვნელოვანი ქონებრივი ზიანის თავიდან აცილება;

კ) სამეცნიერო საქმიანობაში, აგრეთვე სპორტულ ან/და კულტურულ ღონისძიებაში მიღწეული წარმატება;

ლ) უანგაროდ სისხლისა და მისი კომპონენტების დონორობა.“.

3. მე-9 მუხლი ჩამოყალიბდეს შემდეგი რედაქციით:

„მუხლი 9. წახალისების სახის გამოყენება

1. ამ წესდების 8¹ მუხლით განსაზღვრულ შემთხვევაში, სამხედრო მოსამსახურის წახალისება ხორციელდება „სადისციპლინო წესდების აღსრულების ღონისძიებათა შესახებ“ მინისტრის ნორმატიული სამართლებრივი აქტით განსაზღვრული უფლებამოსილი თანამდებობის პირის მიერ.

2.  თითოეული ღირსეული საქციელისათვის შესაძლებელია, გამოყენებულ იქნეს მხოლოდ ერთი წახალისების სახე.“.

4. მე-9 მუხლის შემდეგ დაემატოს შემდეგი შინაარსის 9¹ მუხლი:

„მუხლი 9¹. სახელმწიფო ჯილდოებითა და უწყებრივი მედლებით დაჯილდოება

სამხედრო მოსამსახურე, კანონმდებლობით დადგენილი წესით, შეიძლება, დაჯილდოვდეს სახელმწიფო ჯილდოებითა და უწყებრივი მედლებით.“.

5. IV თავი ამოღებულ იქნეს.

6. 33-ე მუხლის პირველი პუნქტი ჩამოყალიბდეს შემდეგი რედაქციით:

„1. ავადმყოფობის სიმულაცია ან სხეულის თვითდაზიანება, რომელიც არ შეიცავს დანაშაულის ნიშნებს, გამოიწვევს რიგგარეშე 2 განწესში დანიშვნას ან სამხედრო წოდების ერთი საფეხურით დაქვეითებას ან ხელფასიდან 20%-ის დაქვითვას 3 თვის ვადით ან 20 საკრედიტო ქულის დაკლებას.“.

7. 38-ე მუხლის პირველი პუნქტი ჩამოყალიბდეს შემდეგი რედაქციით:

„1. ოფიციალურ დოკუმენტში მცდარი მონაცემების შეტანა, რომელიც არ შეიცავს დანაშაულის ნიშნებს, გამოიწვევს რიგგარეშე განწესში დანიშვნას ან სამხედრო წოდების ერთი საფეხურით დაქვეითებას ან  ხელფასიდან 20%-ის დაქვითვას 3 თვის ვადით ან 30 საკრედიტო ქულის დაკლებას.“.

8. 39-ე მუხლის პირველი პუნქტი ჩამოყალიბდეს შემდეგი რედაქციით:

„1. უფროსის მიერ დაქვემდებარებულისადმი ბრძანების გაცემა, რომელიც სცილდება მისი უფლებამოსილების ფარგლებს და ეწინააღმდეგება კანონმდებლობის მოთხოვნებს, გამოიწვევს სამხედრო წოდების ერთი საფეხურით დაქვეითებას ან ხელფასიდან 20%-ის დაქვითვას 3 თვის ვადით.“.

9. 45¹ და 45² მუხლები ჩამოყალიბდეს შემდეგი რედაქციით:

„მუხლი 45¹. ნარკოტიკული საშუალების, მისი ანალოგის ან პრეკურსორის მოხმარება

ნარკოტიკული საშუალების, მისი ანალოგის ან პრეკურსორის ექიმის დანიშნულების გარეშე მოხმარების ფაქტის დადასტურება გამოიწვევს 4 დასვენების დღის უფლების შეზღუდვას ან სამსახურიდან დათხოვნას ან სასწავლებლიდან გარიცხვას.

ნარკოტიკული საშუალების, მისი ანალოგის ან პრეკურსორის მოხმარების ფაქტის დასადგენად შემოწმებისათვის თავის არიდება ან მისი შეტანა სამსახურის, სასწავლებლის, სამკურნალო დაწესებულების ტერიტორიასა და მივლინების ადგილზე გამოიწვევს 4 დასვენების დღის უფლების შეზღუდვას ან სამსახურიდან დათხოვნას ან სასწავლებლიდან გარიცხვას.“.