„გურჯაანის მუნიციპალიტეტის მერიის დებულების დამტკიცების შესახებ“ გურჯაანის მუნიციპალიტეტის საკრებულოს 2017 წლის 20 ნოემბრის N34 დადგენილებაში ცვლილებების შეტანის თაობაზე

1. მე-11 მუხლის მე-4 პუნქტი ჩამოყალიბდეს შემდეგი რედაქციით:

„4. მერიის  სამსახურებია:

ა) ადმინისტრაციული სამსახური, რომელსაც აქვს შემდეგი განყოფილებები:

ა. ა) ადამიანური რესურსების მართვის განყოფილება;

ა.ბ) მოქალაქეთა მომსახურებისა და საქმისწარმოების განყოფილება;

ა.გ) საზოგადოებასთან ურთიერთობის განყოფილება;

ა.დ) მერის წარმომადგენლებთან ურთიერთობის კოორდინაციის განყოფილება;

ა.ე) მატერიალურ-ტექნიკური უზრუნველყოფის განყოფილება.

ბ) შიდა  აუდიტის  სამსახური;

გ) ჯანმრთელობის დაცვისა და სოციალური მომსახურების სამსახური, რომელსაც აქვს ბავშვის უფლებათა დაცვის განყოფილება;

დ) სამხედრო აღრიცხვისა და გაწვევის სამსახური;

ე) ეკონომიკის სამსახური, რომელსაც აქვს შემდეგი განყოფილებები:

ე.ა) ქონების მართვის, სახელმწიფო პროექტებისა და ეკონომიკის განყოფილება;

ე.ბ) შესყიდვების განყოფილება;

ე.გ) საერთაშორისო პროექტებისა და ტურიზმის განყოფილება;

ვ) საფინანსო -საბიუჯეტო სამსახური, რომელსაც აქვს შემდეგი განყოფილებები:

ვ.ა) ბიუჯეტის დაგეგმარების და სახაზინო განყოფილება;

ვ.ბ) ბუღალტრული აღრიცხვის განყოფილება;

ზ) კულტურის, განათლების, სპორტისა და ახალგაზრდულ საქმეთა სამსახური, რომელსაც აქვს შემდეგი განყოფილებები:

ა) კულტურის, განათლების და ძეგლთა დაცვის განყოფილება;

ბ) სპორტისა და ახალგაზრდულ საქმეთა განყოფილება;

თ) იურიდიული  სამსახური;

ი) ზედამხედველობის სამსახური, რომელსაც აქვს შემდეგი განყოფილებები:

ი.ა) სამშენებლო საქმიანობაზე ზედამხედველობის განყოფილება;

ი.ბ) ადმინისტრაციული ზედამხედველობის განყოფილება;

კ) ინფრასტრუქტურის, სივრცითი მოწყობისა და არქიტექტურის სამსახური, რომელსაც აქვს შემდეგი განყოფილებები:

კ.ა) სივრცითი მოწყობის, მშენებლობისა და არქიტექტურის განყოფილება;

კ.ბ) ინფრასტრუქტურის განყოფილება.“.

2. მე-12 მუხლის პირველი პუნქტი ჩამოყალიბდეს შემდეგი რედაქციით:

„1. ადმინისტრაციული სამსახურის ძირითადი ფუნქციებია: მერიის სტრუქტურული ერთეულების მუშაობის კოორდინაციისათვის ხელშეწყობა , მერიის საქმისწარმოების, საკადრო საკითხთა, ადამიანური რესურსების მართვის, მერის წარმომადგენლებთან ურთიერთობის კოორდინაციის, მერიის საინფორმაციო და საზოგადოებასთან ურთიერთობის  უზრუნველყოფა, აგრეთვე, მატერიალურ-ტექნიკური უზრუნველყოფა.“.

3. მე-12 მუხლის მე-3 პუნქტი ჩამოყალიბდეს შემდეგი რედაქციით:

„3. ჯანმრთელობის დაცვისა და სოციალური მომსახურების სამსახურის ფუნქციებია:

ჯანმრთელობის, სოციალური დაცვისა და დასაქმების მუნიციპალური პროგრამების შემუშავება და განხორციელება; უსახლკაროთა რეგისტრაცია და მათი  თავშესაფრით  უზრუნველყოფა, ბავშვის უფლებათა დაცვა.“.