საკრებულოს აპარატი ვალდებულია გამოაქვეყნოს:
ა)
ცნობა საკრებულოს, საკრებულოს ბიუროს, საკრებულოს სხდომის ჩატარების ადგილის, დროისა და დღის წესრიგის თაობაზე და განსახილველ საკითხებზე დაინტერესებულ პირთა მიერ მოსაზრებების წარდგენის ვადის შესახებ-შესაბამისი სხდომის ჩატარებიდან 7 დღით ადრე მაინც;
ბ)
საკრებულოს, საკრებულოს ბიუროს, საკრებულოს კომისიის სხდომის ოქმები-სხდომის გამართვიდან 10 დღის ვადაში;
გ)
ბიუჯეტის პროექტი, ბიუჯეტის პროექტზე გამოთქმულ შენიშვნებზე მერის დასკვნა და ბიუჯეტის შესწორებული ვარიანტი (შესწორების შემთხვევაში)-საკრებულოში წარდგენიდან 3 დღის ვადაში;
დ)
ბიუჯეტის შესრულების ანგარიში-საკრებულოში მისი წარდგენიდან 10 დღის ვადაში;
ე)
საკრებულოს საფინანსო-საბიუჯეტო კომისიისა და საკრებულოს ფრაქციების დასკვნები ბიუჯეტის შესრულებასთან დაკავშირებით-ბიუჯეტის შესრულების ანგარიშის გამოქვეყნებიდან არაუგვიანეს 10 დღისა;
ვ)
საკრებულოს თანამდებობის პირების მიერ მოქლაქეთა მიღების გრაფიკი-გრაფიკის დამტკიცებიდან 3 დღის ვადაში;
ზ)
მოსახლეობის გამოკითხვის შედეგებს-შედეგების შეჯამებიდან 5 დღის ვადაში;
თ)
საკრებულოს წევრის მიერ ამომრჩეველთა მიღებისა და შეხვედრის დღეეებს, ადგილსა და დროს-მიღებისა და შეხვედრის დაწყებამდე ერთი კვირით ადრე მაინც;
ი)
საკრებულოს, საკრებულოს წევრის, საკრებულოს თანამდებობის პირების, საკრებულოს ბიუროს, საკრებულოს კომისიების მუშაობის წლიური ანგარიშები-ანგარიშის წარდგენიდან 10 დღის ვადაში;
კ)
მუნიციპალიტეტის საპრივატიზებო ობიექტების ნუსხა-საკრებულოს მიერ მისი დამტკიცებიდან 10 დღის ვადაში;
ლ)
მუნიციპალიტეტის ქონების პრივატიზების გეგმა-მისი დამტკიცებიდან 10 დღის ვადაში;
მ)
პეტიცია-მისი რეგისტრაციიდან 10 დღის ვადაში;
ნ)
საქართველოს ორგანული კანონის  „ადგილობრივი თვითმმართველობის კოდექსი“ 51-ე მუხლის პირველი პუნქტით გათვალისწინებული წერილობითი ინციატივა, მისი საკრებულოს აპარატში რეგისტრაციიდან 10 დღის ვადაში.  თავი XVII
საკრებულოს აპარატ