„საქართველოს შინაგან საქმეთა სამინისტროს საექსპერტო-კრიმინალისტიკური დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2015 წლის 30 სექტემბრის №746 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2022 წლის 6 მაისი

ქ. თბილისი

1. მე-4 მუხლის მე- 2 პუნქტის „ლ“ და „მ“ ქვეპუნქტები  ჩამოყალიბდეს შემდეგი რედაქციით:

„ლ) ჰაბიტოსკოპიური და ფოტო-ვიდეო-ტექნიკური ექსპერტიზა;

მ) კომპიუტერული და ციფრული ტექნოლოგიების ექსპერტიზა;“.

2. მე-7 მუხლის პირველი პუნქტის „ა“ ქვეპუნქტის შემდეგ დაემატოს შემდეგი შინაარსის „ა¹“ ქვეპუნქტი:

„ა¹) კომპიუტერული და ციფრული ტექნოლოგიების ექსპერტიზის სამმართველო;“.

3. მე-8 მუხლის პირველი პუნქტის „ბ“ ქვეპუნქტის შემდეგ დაემატოს შემდეგი შინაარსის „ბ¹“ ქვეპუნქტი:

„ბ¹) დაქტილოსკოპიურ, ბალისტიკურ, ჰაბიტოსკოპიურ მონაცემთა აღრიცხვა და  ბაზების წარმოება;“.

4. მე-8 მუხლის შემდეგ დაემატოს შემდეგი შინაარსის 8 ¹ მუხლი:

„მუხლი 8¹

1. კომპიუტერული და ციფრული ტექნოლოგიების ექსპერტიზის სამმართველოს კომპეტენციაა:

ა) სასამართლოს, პროკურორის, გამომძიებლის, სამინისტროს სისტემაში შემავალი დანაყოფების მიმართვის საფუძველზე, კანონმდებლობით დადგენილი წესით სამოქალაქო, ადმინისტრაციულ, სისხლის სამართლის საქმეებსა და სხვა საქმეებზე საჭირო გარემოებების დასადგენად, საკითხების გადასაწყვეტად, ელექტრონული/ციფრული მტკიცებულებების შესწავლა-დამუშავება, კომპიუტერული და ციფრული ტექნოლოგიების ექსპერტიზისა და სპეციალური გამოკვლევების ჩატარება, შესაბამისი დასკვნებისა და აქტების გაცემა;

ბ) დანაშაულის კვალის, ნივთიერ (ელექტრონული/ციფრული) მტკიცებულებათა აღმოჩენის, დაფიქსირების, ამოღებისა და მათი შემდგომი გამოკვლევის მიზნით შემთხვევის ადგილის დათვალიერებაში, ასევე სხვა საგამოძიებო და ოპერატიულ-სამძებრო ღონისძიებებში მონაწილეობა;

გ) გაწეული საქმიანობის სტატისტიკის წარმოება;

დ) მოქმედი კანონმდებლობითა და ამ დებულებით დაკისრებულ სხვა უფლებამოსილებათა განხორციელება.

2. კომპიუტერული და ციფრული ტექნოლოგიების ექსპერტიზის სამმართველოს უფროსი ანგარიშვალდებულია დეპარტამენტის დირექტორისა და დეპარტამენტის დირექტორის კურატორი მოადგილის (ასეთის არსებობისას) წინაშე.“.