„საქართველოს შინაგან საქმეთა სამინისტროს საექსპერტო-კრიმინალისტიკური დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2015 წლის 30 სექტემბრის №746 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2020 წლის 1 მაისი

ქ. თბილისი

1. მე-4 მუხლის პირველ პუნქტს დაემატოს შემდეგი შინაარსის „ზ¹“ ქვეპუნქტი:

„ზ¹) სამინისტროს უფლებამოსილი სტრუქტურული ქვედანაყოფების, სახელმწიფო საქვეუწყებო დაწესებულებების, ტერიტორიული ორგანოებისა და საჯარო სამართლის იურიდიული პირების მიერ საჭიროების შემთხვევაში სათანადო წესით გადმოცემული სისხლის სამართლის საქმეებზე არსებული ნივთიერი მტკიცებულებების (გარდა საქართველოს კანონმდებლობით გათვალისწინებული შემთხვევებისა) მიღება, აღრიცხვა, შენახვა, საქართველოს კანონმდებლობით დადგენილი წესით უფლებამოსილი პირისთვის/ორგანოსთვის გადაცემა ან განადგურება;“.

2. მე-7 მუხლის პირველი პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) საქმისწარმოებისა და ნივთიერ მტკიცებულებათა ბრუნვის სამმართველო;“.

3. მე-9 მუხლის პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) საქმისწარმოების უზრუნველყოფა, შემოსული, მომზადებული და გასული დოკუმენტების რეგისტრაცია; საარქივო მასალების შენახვა, სისტემატიზაცია და დადგენილი წესით განადგურება; ნივთიერი მტკიცებულებების შენახვა, აღრიცხვა და გაცემა; გაწეული საქმიანობის სტატისტიკის წარმოება;“.

4. მე-13 მუხლის პირველი პუნქტის „ვ“ ქვეპუნქტის შემდეგ დაემატოს შემდეგი შინაარსის „ვ^1“ ქვეპუნქტი:

„ვ¹) სამინისტროს უფლებამოსილი სტრუქტურული ქვედანაყოფების, სახელმწიფო საქვეუწყებო დაწესებულებების, ტერიტორიული ორგანოებისა და საჯარო სამართლის იურიდიული პირების მიერ საჭიროების შემთხვევაში სათანადო წესით გადმოცემული სისხლის სამართლის საქმეებზე არსებული ნივთიერი მტკიცებულებების (გარდა საქართველოს კანონმდებლობით გათვალისწინებული შემთხვევებისა) მიღება, აღრიცხვა, შენახვა, საქართველოს კანონმდებლობით დადგენილი წესით უფლებამოსილი პირისთვის/ორგანოსთვის გადაცემა ან განადგურება;“.

5. მე-14 მუხლი ჩამოყალიბდეს შემდეგი რედაქციით:

„მუხლი 14

1. საქმისწარმოებისა და ნივთიერ მტკიცებულებათა ბრუნვის სამმართველოს კომპეტენციაა:

ა) დეპარტამენტში შემოსული დოკუმენტებისა და ნივთიერი მტკიცებულებების აღრიცხვა; დეპარტამენტის კორესპონდენციის მიღება-გაგზავნა; დეპარტამენტში შემოსული, მომზადებული და გასული დოკუმენტების რეგისტრაცია; დეპარტამენტის საარქივო მასალის შენახვა, სისტემატიზაცია და დადგენილი წესით განადგურება;

ბ) დეპარტამენტში დანიშნული და შესრულებული ექსპერტიზების, გამოკვლევების, მათზე დართული ნივთიერი მტკიცებულებების შენახვა, სისტემატიზაცია და გაცემა, გარდა ამ დებულების მე-11 მუხლის პირველი პუნქტის „ბ“ ქვეპუნქტით გათვალისწინებული შემთხვევისა;

გ) სამინისტროს უფლებამოსილი სტრუქტურული ქვედანაყოფების, სახელმწიფო საქვეუწყებო დაწესებულებების, ტერიტორიული ორგანოებისა და საჯარო სამართლის იურიდიული პირების მიერ საჭიროების შემთხვევაში სათანადო წესით გადმოცემული სისხლის სამართლის საქმეებზე არსებული ნივთიერი მტკიცებულებების (გარდა საქართველოს კანონმდებლობით გათვალისწინებული შემთხვევებისა) მიღება, აღრიცხვა, შენახვა, საქართველოს კანონმდებლობით დადგენილი წესით უფლებამოსილი პირისთვის/ორგანოსთვის გადაცემა ან განადგურება.

2. საქმისწარმოებისა და ნივთიერ მტკიცებულებათა ბრუნვის სამმართველოს უფროსი ანგარიშვალდებულია დეპარტამენტის დირექტორის წინაშე.“.

2. ამ მუხლის პირველი პუნქტით განსაზღვრული ვალდებულების შესრულების მიზნით, სამინისტროს შესაბამისმა დანაყოფებმა 2020 წლის პირველ სექტემბრამდე დეპარტამენტთან შეთანხმებით უზრუნველყონ ნივთიერი მტკიცებულებების გადაცემის გრაფიკის შემუშავება და საქართველოს შინაგან საქმეთა მინისტრისთვის წარდგენა.